لو في نصيحة أحب أقدمها لنفسي او اقدمهالك في نهاية السنة، فمش هلاقي أفضل من مقولة الحسن البصري اللي كان بيقول فيها:"أحبوا هونًا، فقد أفرط أقوامٌ في حُب أقوامٍ، فهلكوا"
- اتكلم مع ربنا لحد ما عينك تروح في النوم❤- الجملة دي عادية .. بس لما بدأت اطبقها في يومي حسيتها ، يعني تتخلي عن فكرة ان الكلام مع ربنا في الصلاة بس ، لا ده وانا ماشية وانا قاعدة وانا لوحدي .. وانا وسط الناس .. وانا علي سفر عمالة اتكلم مع ربنا جوايا .. بستخيره .. بقوله ناوية اعمل ايه ..بحكيله عن الخطة اللي غيرتها .. بشكيله تصرف ضايقني .. بحكيله الضغوط اللي انا فيها وعلي حاجة مقلقة منها .. بقوله عن فلان اللي بحبه وعن فلان اللي وجعني وعن فلانة اللي مش فهماها بستغفره أول بأول عن غباء تصرفاتي .. بدعيه بتفاصيل صغيرة اوي لو حد سمعها هيستغربها .. انك تكلم ربك ٢٤ ساعة في ال ٢٤ ساعة وتختم كل مرة كلامك بإنك واثق انه مش هيضيعك وانه سندك الحقيقي وتضحك وتطمن ..ساعتها نسبة الشكوي هتقل .. هتلاقي نفسك مرتاح والاشارات من ربك هتلاقيها قدامك كتير .. كتير اووي ، الحالة دي ممكن نسميها : "الاستغناء التام بـ اللّه" !💛❤🌼