طيب ممكن تسوي واحد لايك هنا ♥ ... لا زعلتي ... طيب بس نص لايك ... طيب ربع
ليش يزعلكم اللايك ياخي .. ترى صحي ومفيد
يقولوا في واحد سوى لايك مئة مره جاله ايفون فاي سي بنفسجي هدية
وفي واحد ما سوى لايك انكسر ايفونه
انتبي على نفسك
ههههههههههههه والله لاني انتظر اشخاص مهمين يكلموني ف افتح الاشعارات وانا اشتغل واشعارات زي كذا تقطع تركيزي صراحة ...هذا سببي ؛ ورأيي بموضوع طلب اللايكات احسه مش شي قود ؛ لان مبدأ اللايك انك تليّك للشي الي يو لايك ات ؛ مو ليّك كل مايتليّك ! ههههههه و لاتشمت باخيك فيعافيه الله ويبتليك :٩
الفوتوشوب واللسترتور والافتر افيكت كيف حملتيها على الماك ؟ انا مستخدمه جديده للنظام وحايسه معاه ، بليز اذا من التورنت اديني الرابط :(
هلا ؛حملت النسخة التجريبية من موقعهم ، http://www.adobe.com ولو تبغي البرنامج مدى الحياة عندك طريقتين : ١ - تشتري البرنامج ٢ - تفكي حماية النسخة التجريبيةالطريقة الثانية بامكانك تسويها بانك تبحثي بالنت عن شي شبيه بـ " Adobe Photoshop CC crack "لكن للأمانة سمعت ان هذه الطريقة لاتجوز اذا كنتي بتستخدمي البرنامج لاغراض تجاريةفي ناس قالوا ان مبرمجين البرامج هذي يحللوا للأفراد استخدامها وفك حمايتها ، لكن يقاضوا المنشئآت الكبيرة اذا عملت الحركة هذهاسهبت في الموضوع بس تبرئة للذمة والله ينور علينا ويلهمنا الصواب يارب
السمستر الجاي راح يكون عندي مدخل لنظرية المجموعات ، ايش رايك في دي الماده وكيف تقارنيها ب تفاضل وتكامل خصوصا اني اكره الرياضيات وبالعافيه شديت ع نفسي وجبت أ في التفاضل ، تتوقعي كيف راح اكون مع دي الماده ؟ ومادة تحليل وتصميم منطقي ايش بالزبط ؟
اهلين ؛ - مدخل لنظرية مجموعات : ايوا المادة رياضية بحتة بس المنهج حقها قليل مو طويل ، فيها براهين ، حاولي ماتراكميها واهتمي بيها شويية بس ورح تلقيها فله شمعة منورةهذي المادة من المواد الي تحرك المخ ف خليها لعبتك دا الترم يابطلة --------------------- - تحليل وتصميم منطقي : المادة هندسية ، تتكلم عن الدوائر الالكترونية وحسابات متعلقة بالدوائر الالكترونيةفيها جزء حسابات ؛ يفترض ندرسها بمعامل خاصة ونطبق دوائر الكترونية وأكشنبرضو لاتراكميها لانها كل جزء معتمد على غيرهاستعيني بالله واستمتعي ❤️
ممكن اعرف هذا الفديو بايت برنامج سويتيه ؟ http://m.youtube.com/watch?v=fbVFPrho-WU وكمان انا حاليا مقرره اتعلم مونتاج بس ايش الفرق بين الافتر افيكت والبريمر وايش الافضل ابدا بايت واحد منهم ؟
اهلين ؛ هذا عملته بالافتر افكتالفرق بينهم ان الافتر افكت تخصصه مؤثرات وموشن ؛ حلو في تصاميم " الانفوقرافيكس " البريميم للتعديل على الفديوهات ، يعني تقصيها تبطئيها تضيفي تأثيرات اصوات والخفي اشياء في الافتر افكت مو موجودة في البريميم ، والعمس كذلكلكن الاصدارات الجديدة ؛ صار البريميم يحتوي الافتر افكت بطريقة ما، والعمس غير صحيحف اشوف لو حابة تمخمخي على برنامج وتتعلميه من إلى انصحك تتجهي للبريميم الاصدار الجديد الي هو CC لانه كذا تضمني انك تتعلمي الانفوقرافكس ان شا الله والفيلم ميك بنفس الأداةوربنا يبارك بعملك وصحتك❤️
هند ممكن اسئلك عن موادي بالسمستر الجاي تحكيلي عنها شوي ؟$: متقدمة ، و منطقية ، عمارة الحاسب، الحاسب و المجتمع ، اي وجده تتطلب مجهود اكثرر ♡♡ تشكرررات :*
هلا والله طيب ابشري ؛ --------------------------- - برمجة متقدمة : محتواها برمجي بحت ؛ يعلمك البرمجة بشكل أعمق ؛ اتوقع حتدرسوها زينا بلغة جافا ؛ المادة كنت اشوفها ثقيلة بس اتضحلي انها ممتعة في الأخير ؛ وبما ان البرمجة مهمة في تخصص الحاسب بأغلب المواد تقريباً فنصيحتي هذا المورس لا تخليه يعدي الا وانتي متقدمة ضعف مستواكي الي كنتي عليه قبل وان شا الله بتحبيها وفي مرجعين احب اطرحهم للفايدة W3schools.com Roseindia.net اتدربي كثير وحتصيري عاشقة للهرجة ؛ بروجكت هذه المادة كان عبارة عن أبلكيشنات مختلفة انا كان حق قروبنا أبلكيشن نظام صيدلية ؛ في ناس نظام مكتبة وهكذا ، البروجكت مراحله بشكل عام( تصميم الواجهات وربطها برمجياً، برمجة العمليات من حذف اضافة وغيره ،استخراج البروجكت كملف تنفيذي exe ) ------------------------- - برمجة منطقية : هذه المادة تعلمك البرمجة برضو لكن للاشياء اللي تفهم الانسان ؛ زي برمجة الروبوتات مثلاً وهكذا ؛ و اتوقع اللغات المحتمل دراستها هي Prolog , lisp ناسية اش كان البروجكت حق هذه المادة والله بس هي تعتمد على انك تكتبي الاكواد بكلام منطقي شي زي كدا ؛ حلوة للي يهتم بمجال "الذكاء الاصطناعي" (معناه باختصار انك تخلي الجهاز يحاكي ذكاء الانسان) ------------------------ - عمارة الحاسب ؛ هذه المادة جاية من تخصص هندسة الحاسب؛ تتكلم عن المعالجات والعمليات داخل الحاسب وتلدسك وهذه الشغلات؛ ممم ماتذكر فيها اجزاء برمجية؛فيها مسائل ورياضيات بس بسيطة يعني ماهي مرا؛ المشروع حقها ماكلن ليه ارتباط بالمادة ؛ كان عبارة عن برزنتيشن وانا قروبي كان يشرح الـ cloud computing او الحوسبة السحابية -------------------- - الحاسب والمجتمع : صراحة مادرستها لسا لان خطتكم حطوها ليكم بدري واحنا ندرسها السمستر القادم الي هو التاسع ان ربي أحيانا ان شاء الله------------------------------------- مين يحتاج جهد اكثر .. انا هنا اعطيكي الزبدة اللي يارب تفيدك وياريتني اكتشفتها بدري"اعطي الشي حقه ، وبيرجعلك ضعف ما أعطيتي ان شاء الله"يعني مثلاً وقت المحاضرة انا اجزم انه أثمن وقت عشان نعطي المادة حقها ؛ صحيح مو دايما الدكاترة يشرحو تمام بس مايمنع نصير #نشبة وانا اختك ههههههه هذي وظيفتهم واحنا لابد نطلب العلم في وقته الصحيح في المكان الصحيح من الشخص المتاح والي هذي وظيفته اصلاًبدل مانقول "بعدين أفهم بنفسي" خلينا نقول "دحين أنشب عشان نفسي" هههههههصيري نشبة واسألي لاتخرجي من المحاضرة وبخاطرك شي ، وفي الي بيتريق ويقول دافورة ؛ ابد اعطيهم نظرة الـمعنفسكم واطلبي العلم وانا اختك :$واذا رحتي لاحد وسألتيه عن هذي المواد وقلك كلام سلبي انصحك دخلي من هنا وخرجي من هنا ؛ لاتاخذي بكلام احد الين تشوفي المنهج بنفسك وتتعاملي مع الدكتور/ة بنفسكان شا الله اكون وُفقت بالهرج وأبعدنا الله وإياكم عن كل B وقربنا واياكم من كل A+ ههههههـ ❤️