يا انه الاسئلة صارت دقيقة فتحتاج وقت لجوابها ، او انا الي صرت دقيقة لدرجة مابغا اجاوب عشوائياً ههههه معليش والله , مممم تقريباً كان موضوعك عن ايش ؟ عشان احطلو اولوية 😁😁❤️
هندوز عندي مشكلة مع البرمجة احبها بس شكلو هيا م تحبني :(كيف ازيد شغفي فيها؟
طيب اتطمني ، الحاسب مو كله برمجة ، هي علم عظيم وأساسي في علوم الحاسب لكنها ماهي كل شي فيه --وعشان تحبيها ، أنجزي فيها ، بمعنى طبّقي شغلات خارجية غير المنهجية المفروضة عليكم --روحي موقع وطبقي تتوريالز عن بروجكت يعجبك --مثلا نفسك تتعلمي كيف تسوي برنامج فيه خاصية انتي نفسك تتعلميها ، مثلا برنامج ديسكتوب مرتبط بكاميرا الجوال -- أو أي شي ، روحي طبقي وأنجزي اللي تقدري عليه ، هنا رح تحسي بالنشوة وتستلذّي الانجاز وتحسي انك محد قدك :D 💚
مبروكك ي حلوة وربي يوفقك ان شاء الله 💘انا اول سنة حاسب معدلي٣.٢٠💔كيف احافظ عليه لحدت م اتخرج ؟
الله يباررك فيكي وفي عملك وعلمك ،، أغلب الي أخذوا تحضيري ومرّوا عليا كانت معدلاتهم قريبة لمعدلك ، فواضح ان في خلل في الخطة الله يسامحهم-- لكن طالما شفت كثير كدا فشكلو الوضع أوكي ان شاء الله ، لاتحطي الدرجة هدف ، خلّي هدفك تتعلمي ، لأن العلم بيجيب الدرجة-- كيف تحافظي عليه ، بإنك ماتهملي المادة ، شي مهم جدا وانا متأكدة هو سبب كل تأخر في المستوى عند المعظم ، هو الانتباه للمحاضرة وأخذ ملاحظات قدر الامكان -- شخصيا الأترام الي كنت ما أدوّن ملاحظات كانت درجاتي أقل من اللي أجي على نفسي في المحاضرات وأبذل جهدي اني اكتب أكبر قدر ممكن من المعلومات اللي اتلقيتها -- مهما كانت المعلومة بسيطة ومكررة ، ارجع اكتبها ، وسبحانك ربي جدا جدا جدا فرق معايا من ناحية تثبيت المعلومة اولا ومن ناحية ارتفاع الدرجات الحمدلله ، ومن ناحية مساعدة غيري ثالثا -- كنت استمتع لما أحد يطلب النوتز حقتي :"") كانو يجوني بنات يقولولي "نبغا النوتز حقتك عشان جربنا نصور منك قبل سنة وكنتي تكتبي ادق التفاصيل مع الدكاترة" -- فمن جد من جد لو تبي تضمني مستواكي ، حافظي على المحاضرات والنوتز 💚
أبلة هندوز العظيمة تعرفي تستخدمي برنمج جيم ميكر الي في هذا الرابط
https://www.yoyogames.com/
يقولو مره كول في تنفيذ الالعاب واحترافي وبسيط بس انا ماعرفت له عشين مااعرف انجليزي
بليز لو تعرفي له قوليلي عندي فكرة لعبة بنفذها
السؤال أخذ وقت كبير ف حسابي .. معليش اتأخرت ، شكرا عالموقع صراحة ماعرفه ❤️