انا بحب واحد بس مفيش بينا حاجه صريحه ولا هو قالي انه بيحبني بس كل تصرفاته وتلميحاته بتقول انه بيحبني وفي نفس الوقت بيتقدم ليا ناس كويسه وانا برفضهم
مش عارفه رفضي دا صح ولا غلط
من فضلكم حطو نفسكم مكانى وانصحوني
تشوفى اللى بيتقدم دا مناسب او لا وتنسي اللى ما اتقدمش ولا اخد خطوه عشانك ..
ولو اللى بيتقدم مناسب توافقي ..
دا رأيي
رفضك اكبر غلط ... هتوفقي حياتك ع نظرات م لو كان بيحبك م كان اتقدملك ... كفايه سذاجه بقا
رفضك غلط جدااا .. وكمان بتفكرى غلط
انتى ممكن تكونى متعلقة بحد ويمكن تكونى فعلا بتحبيه بس لو طلع مش بيحبك ؟
وانتى بتقنعى نفسك بكده دلوقت وبعدين تتجرحى وحياتك تقف وهو معملش اى خطوة وكمان مفيش دليل واضح انه بيحبك
يبقى الاولى اللى اتقدم ليكى لانه مش هيتقدم الا لو شايفك انتى اللى تنفعى تكملى معاه وشاريكى فعلا
بلاش تبنى حياتك على اوهام
لاء طبعا رفضك غلط جدا، كل مافي الامر ان قلبك اتعلق بيه وبعد كده يجي يأخد علي دماغه ويتجرح عشان كنتي فكراه انه بيحبك
وده اكبر غلط بيقع فيه البنات
احفظي قلبك للي يستاهلك??
غلط
انتم اد ايه وهو شغال ولا لا وبينكم علاقة شغل ولا دراسة
رفضك غلط
متوقفيش حياتك ومستقبلك علشانه
هو أكيد عارف إن بيتقدملك ناس صح؟ أيا كانت حالته وظروفه ساكت ومأخدش خطوه صح؟ شوفي حالك ومتتعلقيش بحبال دايبه ومتقوليش (بحب) دي غير عن واحد عرفتيه كويس وعاملتيه كتير وارتاحتي معاه ولقيتي منه اللي يستاهل إنك تحبيه عشانه
فرقوا بين الحب والإعجاب يا جماعة😐
ولا تاخدي ف بالك كلام ولا تلميحات
عمر ما يكون اللي دخل البيت زي اللي بره يا غاليه🙋
استخيري ربنا يصلحلك الحال إن شاء الله🌸
قوليله ان متقدملك عرسان كويسه وكدا وايه رأيك ولو بعدها مخدش هوه خطوه من ناحيته خلاص وافقي على عريس من إلى بيتقدموا واعملي استخاره وخير ف الاول والأخر إلى عايزه ربنا هيكون بس متعلقيش نفسك ب شخص مش حاسس بيكي او مش صريح ب معني أصح
حبيبتي متوقفيش حياتك ع وهم لو هو ييحيك هيجي يتقدملك ويدخل البيت من بابه او ع الاقل يعترفلك انه بيحبك لو اتقدملك شخص مناسب والوقت بالنسبة ليكي مناسب اتكلي ع الله لكن متوقفيش حياتك ع حد ولا ع حاجه مش مضمونه
