وبعدين بشكل او بآخر محدش بيتعلم ولا حد بيفهم الا لما يغلط ويفشل ويتعلم من غلطه والا مش هيقتنع واكيد حضرتك قبل م تفشلي كان ليكي حدود معينه ف التفكير ونظرة محدودة وبعد الفشل اكيد استوعبتي حاجات مكنتيش تعرفيها وهي دي ميزة الفشل وميزة انه يتعلم عليك عشان بعدها بتكون عارف الدنيارماشية ازاي
انا بتفق ف كلامك ودي وجهه نظر بس انا اتعلمت وفي فرق كبير جدا ب اني اتعلم ويتعلم عليا وصاحب العقل يميز
عمرك ما كنتي هتتعلني وتوصلي لمرحلة النضوج الفكري وإن كنتي وصلتيلها إلا بعد انا يتعلم عليكي الأول ومتكابريش
لا انا مبكابرش انا اتعلمت .. اتعلم عليا دي مصطلح بايخ ومالوش اي تلاتين لازمه م الصحه .. احنا جايين الدنيا عشان نتعلم ونعلم بعض والا لو بتسميها اتعلم عليا ف كل حد منجحش ف علاقته يبقي اتعلم عليه ونمشي ف الشارع بقي دي متسابه يبقي اتعلم عليها دا حبيبته اتخطبت يبقي اتعلم عليه .. ممكن عقولنا تنضف بقي
لا في ناس بتوعد واللي مش بيفي بوعده يبقى كده فيه ازيه مش اللي انتي بتقوليه ده
انا معاكي ف كلامك دا بس احنا كبنات مش بنحط احتمال انهم ممكن يمشوا ف اي وقت عشان كدا مش بنبقي مؤهلين نفسيا لحوار البعد دا .. طب تفتكري اي الحل عشان نبعد عن الاذي النفسي دا.. منتعاملش مع الناس ؟ ولا نرفض الارتباط عموما ؟ ولا نستني ؟ طيب لو استنينا هنفضل نستني لحد امتا ؟ كل حاجه ف الدنيا بقت متعبه بشكل بشع
انسى ازاي شخص اذاني وعاش حياته عادي ومهتمش انه كسر حد وخلاني اتأذي نفسيا وحياتي تتدمر
انا مقتنعه ان محدش بيأذي حد هو بيبقي مثلا طرف حب او ي وفرط ف مشاعره كلها وكمان عايز اكتر م اللي قدمه لطرف التاني وطبعا الطرف التاني مالوش ذنب ف ان الطرف الاول فرط ف مشاعره كلها او كان بيعمل حاجات كتير وهو لا قبل م تحاسبي حد حاسبي نفسك ع انك محافظتيش عليها .. عيشي حياتك عادي انتي اللي ظلمتي نفسك قبل م حد يظلمك ودا الي سهل ان اي حد يأذيكي .. انا مش عارفه اقولك اكتر م كدا بس انتي اقوي م ان مشكله توقف حياتك