من يوم الي الاحبة عافني واحس حياتي فارغة انصحيني بشي
حبيبتي الحياة متوكف ع بشر ماعرف شاكولج يعني بس خلي عندج طموح تنسيج هذا الموضوع وتخليج تلتهين ماكو نسيان هو بس اكو تعود اذا تظلين تفكرين محتتعودين وحتظلين متأذية الكيلج شي تلتهين بي وهلشي حسب وضعج ودراستج يعني مثلا روحي معهد تعليم لغة لو فكري تاخذين شهادة توفل او اي شهادة او شي يخليج تلتهين وتملين وقت فراغج فكري تقرين كتب تساعدج بهيج موضوع روايات او شي لاخ او مثلا اذا متصلين ابدي صلي واتعودي تصلين ويومية تخلصين كم صفحة من القرءان هلشي يريحج اكثر شي اتقربي لالله تقربي لاهلج تعلمي اكلات اذا الج واهس بيها شوفي واهسج وين والكي نفسج وكملي حياتج بدون مساعدة اي بشر
بابا جان يريدني اي شي المهم اني شي اريدة وانجح بي هو جان حيشجعني عليه سواء مدني او لا مممم المدني صعب ومو سهل وينراد تعب كلش وقراية وواحد يفتهم اكثر من ما يحفظ وواهس ولازم يحب المدني وهيج والصراحة قسم حلو والة مستقبل بكل مكان :) واهمشي مقتنعة بي حتلو داعاني بدراستة
المتصنعة التحاول تتلوك وتنعوص روحها والي مسوية روحها كڤر لغير شخصية والي ماعدها حدود بلتعامل وتنطي مجال وميانه زايدة ...... الي يفيك وماعندة شخصية اليكذب والي كل همة يطش وعبالة هيج حيصير احسن واحد بلدنية
بابا ❤️ مو لان هو ابوية ولا لان احبة وهيج بس بابا اكثر انسان مكافح شفتة بحياتي واكثر انسان يعرف الله واكثر انسان بعيني بيرفكت ولو اموت هم ماصير مثلة هو بدة من تحت الصفر بحياتي من دون مساعدة اي احد وبنى نفسة بنفسة وحققة وجودة وحقق طموحة والي يحلم بيه وتعب كومة بس ثقتة بالله وارادتة خلتة يتغلب ع كلشي بكل مرة بحياتة جان يصير خسارة او شي يرجعة للصفر ويرجع يبني نفسة من جديد وعندة عزيمة واصرار هاي ع صعيد شغلة اما بباقي الاشياء ابد معلمنا بيوم انو ننجبر ع شي ولا فد يوم فرض رأي او مبدأ علينا علمنا الصح من الغلط وانطانا مطلق الحرية بلتصرف من دون اي مراقبة ومن دون اي تدخل يعرف الله ❤️ومتدين❤️ عندة اهم شي يشتغل وكل شي ولا يعوف شغلة ولا يوم خلاني احس ناقصني شي محققلي كلشي ربي يحفظة ويخليه الي ❤️