آخر ماشبهوني فيه صديقاتي بممثلة تركيه اسمها بورشين، احس اي يمكن في تشابه شوي لان اساسيات الوجه متشابه العيون والحواجب والفم والخشم شوي بس مااعتبر نسخه لها?
ربي يسعدك قد ما انا اشوف الراحه بكلامك وانا اقرا ردك علي اي تكلمي عن تخصصك؟ مدى توفر الوظيفه؟ طبيعته ؟ اقل نسبه موزونه انقبل فيه ?؟ مره ازعجتك احس
الله يديم السعادة ويكتب لك التوفيق??، تخصص الصيدلة الإكلينيكية مع إني كتبت تحت بس اعيد عشانك، الصيدلة راح تدرسين كلشيء متعلق بالأدويه تركيبتهم الكيميائيه صيغتهم اسمائهم طبيعتهم الفيزيائيه وظائفهم جرعاتهم شلون تصنعينهم وشنو تحتاجين عشان تصنيعنهم حتى طريقه عملهم داخل الجسم + راح تدرسين طبيعه جسم الإنسان ووظائفه والعمليات الحيويه الطبيعيه الي تصير فيه وشنو راح يصير فيه لمن ياخذ الدواء ودرسنا اناتومي بعد و مصطلحات طبيه ، التخصص فيه نظري وفيه معامل تونس?، والوظائف متعدده الحمدالله صيدليات مستشفياات او صيدليه المستشفى مصانع وشركات ادويه وهيئه الغذاء والدواء او حتى تدرسين بالجامعه يعني كثير حتى ممكن تاخذين رزدنسي وتخخصي بتخصص صيدلي معين،طبيعته الوظيفه نفس الدراسه راح تشتغلي في صرف الدواء وتحديد الجرعه المناسبه لكل مريض ومتابعه فتره العلاج وتشوفين تأثير الدواء،وان كان فيه تعارضات مع غذائه او ادويه ثانيه ياخذها، القبول النسب متفاوته حسب كل دفعه لكن اقل شيء ممكن للبنات كان٨٨ هذا لدفعتي فممكن العام اقل بعد ، لا عادي عزيزتي شدعوة حياك دايماً
اختي تنصحيني ب صيدله! انا محتاره بين صيدله وحاسب :( ؟
يعني تخصصي نقدر نقول انه تخصص حلو لكن شوفي اول شي لازم تعرفينه إن التخصصين يحتاجون جهد وتعب مافي واحد أسهل من الثاني ولاتروحين لتخصص عشان سمعتي انه سهل او صعب، ثاني شي شوفي ايش تحبين تبين تخصص صحي نهايته تشتغلين في مستشفى او تخصص ثاني مجالات توظيفه متعدده، ثالثاً انا هنا مستعده اعطيك كل المعلومات الي تبينها عن تخصصي بالتفصيل من الدراسه والوظيفه وكل شي واساعدك ان شاءالله اذا كتب الله ودخلتيه☺️