مو عداوة عداوة لكن من حق صديقي ان يكون واثق فيني ولما تكون صديق لعدوة راح يبقى عنده شعور مو مريح يمكن لذلك اشوف ان الافضل ماتكون لي علاقة لا صداقة ولا عداوة مع عدوة وان اكون في صف وظهر صديقي الي يستحق
السؤال صعب لأن أعتقد الفئة الي تكون تذاكر لإنها تحب المذاكرة قليلة في الحياة?، لكن الإنسان ملزوم يسوي اشياء مايحبها عشان نفسه فتذكر ان المذاكرة ذي وسيلتك الوحيدة عشان تحقق نفسك وتكسبها لما تكسب الشهادة او المستوى التعليمي الي تطمح اليه حب الشي الي تسعى له عشان تحب المذاكرة، بالنسبة للمزاج انا اشوف انك مهم جداً تنام زين وتسوي كل الاشياء الي بتسويها يعني انا وحدة حتى اسولف مرات مع الناس الي بسولف وياهم قبل اذاكر واختار وقت هادئ من اليوم او وقت تحس ان استيعابك فيه يكون عالي مثلا ناس تحب تذاكر بالنهار ناس تحب الليل فانت حدد الوقت الي تحبه ونام قبله ساعات تريحك وبعدها حط لك هدف مثلا اذا ذاكرت محاضرة او هالعدد من سلايدز بشوف حلقة مسلسل او بفتح سناب او عمل ترفيهي بسيط تسويه في البيت وبعدين ترجع تكمل وهكذا يعني اخلق لنفسك طريقة تحبها عشان تحب الي تسويه?
ممكن تتكلمين عن التدريب الصيفي اللي يكون بالمركز الصحي كيف راح يكون؟ ووشو افضل فترة شوال ولا رمضان ؟ والدوام يكون من كم لكم ؟
بالنسبة لي كتجربة كان جداً جداً لطيف كيف انك تطلع من جو الدراسة وتبدأ تمارس الاشياء الي تدرسها وتشوفها في الصيدلية وع الأرفف بالذات الكاونسلينق وشكلك قدام المريض كان بداية المسؤولية الفعلية ان الي قدامك كيس حقيقية على ارض الواقع وبعد لاحظت ان حتى تعلمت واكتسبت معلومات من الصيادلة الي كانو هناك فهو شي ايجابي حيل وحلو انك تكون مرتب نفسك مثلا لو حاب تختار كل يوم موضوع مثلا امراض الجهاز التنفسي او شي وتروح الصيدلية تشوف الادوية وتراجع المهم عنها مع الصيادلة هناك واذا حصل انك تصرفها تسمع شنو المهم تقوله للمريض عنها ، ايام تدريبي في مركز صحي ماكان فيه خيارات كنا كلنا في شوال بدينا ويعني كانت زينة ان الدوام يكون من الصبح ٨ تقريبا يبدا ان ماخب ظني وكنا نمشي ٢ او ٣ هم يمشونا عادي مرات ابكر بس لان الدكاترة كانو يمرون ساعات عشان يشوفونا اذا كنا هناك بدون ماندري اي يوم واي وقت بيجون فكنا نخاف نمشي??، بالنسبة للدوام برمضان جربته بس ايام تدريب المستشفى وكان متعب بصراحة شوي لكن ماتوقعه بيكون متعب حيل في مركز صحي بحكم انه صغير والمرضى بيكونون قليل فيه لان راح تنصرف لهم ادويتهم لقبل رمضان فاعتقد بيكون خفيف، مادري شنو اقول بعد اذا في اشياء معينة ماجاوبت عنها ممكن تسألني لان حسيت تكلمت واجد ان جنرل?