بحب واحد مش بيحبني وعارفه انه بيتسلي بيا وبيكلمني عشان فراغ وحابب يكون في حياته واحده بتحبه بس حاولت ابعد عنه كذا مره بس برجع اكلمه نفسي انساه تعبت بجد غير ظروفي صعبه وعندي مشاكل كتير نفسي حد يقولي اعمل ايه وانا قربت من ربنا كتير وبردوا مش قادره أنساه نفسي ابعد عنه تعبت نفسيا نفسي اكره اوي
طيب بدل م تنسية وتكرهية وتعملي حاجة تاذيكي م تجربي تشوفي اي اللي ناقص عندك هو بيدور علية مع غيرك واعملية ووقتها المشكلة هتبقا اتحلت بردوا
حبي نفسك يا حبيبتي
نفسك غاليه عليَكي ليه تعَملي فيها كدا
قدري نفسك عشان مش هتلاقي حد يقدرها
الموضوع ف ايدك انتي مش ف ايد حد تاني ع فكرة
مش بيحبَك خلاص مستنيه ايه
اعملي بلوك وابعدي واقطعي اي طريقه توصلك بيه او تعرفي عنه اخبار وعيشي حياتك... هتتعبي شوية ايه المشكله هتبقي كويسه بعد كدا و هتبقي أقوى وهتعرفي قيمة نفسك كمان و المره الجاية لما تيجي تحبي هتختاري اللي يقدرك
اسحلي نفسك ي بنتي اعملي اي حاجه اشتغلي كتير اتفرجيلك ع مسلسل اسحلي نفسك معاه اعمل اي حاجه بس متستسلميش انتي تستاهلي تتحبي وصدقيني هي مساله وقت والشخص ده بعد كدا هيكون بالنسبالك حد عادي
جربي البعد
...وكل ما قلبك يقولك اشتقت ونفسي اكلمه تاني متكلمهوش والرساله او السؤال اللي هيريحك اعتبري نفسك بعتيه واعتبريه رد عليك
لانك وقتها بتبقي في وقت احتياج شديد له
بس بمجرد ما تعدي من الاحساس دا
هتحمدي ربنا انك مبعتيش رساله وكلمتيه وان الموضوع عدي فعلا .
اعمليه بلوك وامسحي رقمه لو معاكي واشغلي نفسك بحاجه مفيده ياختي
بلوكات و تنتبهي لحياتك
اولا اقطعي الكلام معاه و ماترجعيش ليه تاني.. اصل بالمنطق من كلامك عارفه انو مش شخص كويس و بيتسلي بيكي مش هاتنتظري حاجه تاني
اقطعي اي وسيله تواصل بلوك ف اي طريقه تواصل بينك و ماتخشيش ع صفحتو و اي حاجه خاصه بيه ع موبايلك امسحيها... و حاولي تركزي ع نفسك نمي هوايه عندك شغلك حياتك علاقاتك بصحابك باهلك.. اشغلي نفسك و يكون عندك اراده انو مافيش رجعوع تاني و حافظي ع كرامتك 💙
ابعدي سنه بسنه مش مره واحده
سمعت واحده قبل كدا وانا في المواصلات بتقول حاجه عجبتني جدا
"الراجل اللي بيأذي زي السيجارة مش هتقدري تبطليها مرة واحده بطلي سنه سنه وهيجي اليوم اللي ترميه م حياتك "
هتفضلي كده لحد ماهيجيلك وقت وهتبعدي فجأة بس انت ادعي ربنا يخلصك من البلاء ده
امسحيه من حياتك نهائي بلوكات من كل حاجة انتي بتاذي نفسك وانتي مش واخدة بالك انسيه وربنا يعوضك بالاحسن يارب ويجبر بخاطرك حاولي تشغلي نفسك ف اي حاجة حاولي
