@yomnaelshamy99

يُمنى الشامي

Ask me anything Follow
Ask @yomnaelshamy99

Sort by:

LatestTop

ممكن مترديش على الرسالة اللي كانت مبعوته ف لينك 🥺

ردًا على اللينك..
أنا مش معترضة على كلامك خالص، بس الرجالة المحترمين بس هما اللي بيعملوا كده، مايصارحوش حد عشان مش جاهزين للارتباط الرسمي، ودول أنا ماسمعتش عنهم غير بعدد قليل أوي..
وماينفعش البنت تستنى حاجة هي ماتعرفهاش أو تستنى شخص مش جاهز، أنا آسفة يعني 😅
بس البنت في السؤال بتقول إنها حاسه إنه معجب بيها وده مخليها مش عارفة تاخد قرار تقابل حد ولا لأ..
وهنا فيه احتمالين
يا إما الولد معجب بيها فعلًا بس مش جاهز يتقدم فمش بيتكلم وده يترفعله القبعات
يا إما هو مش حاسس بحاجة تجاهها أصلًا وهي بيتهيألها..
ففي الحالتين الأسلم إنها تشوف اللي متقدملها، والوقت كفيل إنه يظهر كل حاجة..
لكن عامةً مش معارضاك أبدًا، وشكرًا على شرح وجهة نظرك بطريقة كويسة :)
ربنا يجمعك باللي بتحبها ويكتبلك الخير كله يا رب في حياتك ومسعاك..
1
Liked by: ضُحَى مَحْمُود (بَيَان)

احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟

مش عارفة هل السؤال ده مبعوت ليا بالأخص ولا shuffle من الآسك نفسه، بس حابه أردّ عليكي رغم تأخيري الشديد..
لو راجل معجب بيكي بجد هييجي يقول، أو هياخد خطوة، طالما هو ماعملش حاجة يبقى أنا آسفة بس هو مفيش شعور ناحيته تجاهك، الرجالة مالهومش صبر زينا على المشاعر.. ده اللي أعرفه واللي اتقالي.
أتمنى لو اتقدملك شخص مناسب تقعدي معاه وتشوفيه وتشوفي هل فيه قبول ولا لأ وتستخيري ولو ارتاحتي وافقي واتخطبوا فترة التزموا فيها بقواعد الخطوبة الشرعية عشان تتعرفوا على بعض، لو حسيتي إنه ظهر حاجة ماريّحتكيش أو حسيتي إنك مش حابه تكملي لأسباب مقنعة فسيبيه بالمعروف..
وحاولي تنسي الشخص اللي انتي معجبة بيه، لإن نفسك لازم تكون عزيزة ولا تهتم إلا بالمنشغل بها :)
ربنا يرزقك الزوج الصالح اللي يملى عينك وقلبك ويهنّيكِ❤️
باعتذر تاني على التأخير في الرد، لو عندك أسئلة تانية ابقي اذكري اسمي في السؤال بحيث أتأكد إنه مبعوتلي بالتحديد وارد أسرع :)🌸

View more

Don't skip please انا باخد علاج مضاد للاكتئاب وعايزة اوقفه عشان حاسه انه مفيش فايدة ومتحسنتش .. رأيك اى

مضادات الاكتئاب مش بتتاخد ولا بتتوقف من غير الدكتور المسئول، رأيي ترجعي للدكتور بتاعك وتقوليله انتِ حاسه بإيه وإيه الأعراض الجانبية اللي انتِ حسّاها أو إيه الفروق والحاجات اللي جدِّت من ساعة ما أخدتيه..
لكن رجاءًا لمصلحتك بلاش توقفيه لوحدك، ربنا يعافيكِ ويجعله في ميزان حسناتك يا رب❤️

People you may like

AbdallahSharaf6689’s Profile Photo SHARAF || شَــــرَف
also likes
Muhammed_Ibrahem’s Profile Photo محمد ابراهيم
also likes
EslamHeba’s Profile Photo Eslam
also likes
MarwaSalah169’s Profile Photo marwa salah
also likes
HayaElsherbiny’s Profile Photo هَيَا
also likes
yasmeenyounis’s Profile Photo Yasmine Younis✨
also likes
Nohaessamh’s Profile Photo نهي عصام
also likes
Kjomy’s Profile Photo Kjomy Rei Revent
also likes
AlGohary7’s Profile Photo Abdurrhman Gohary
also likes
MohammedGad296’s Profile Photo Mohammed Gad
also likes
N0RHAN’s Profile Photo ŋorhan El-Hussein مِيلآدي..~
also likes
MahmoudGhobashy’s Profile Photo Dr Mahmoud Ghobashy
also likes
Ovaisjawed’s Profile Photo Ovais Mukati
also likes
ysaababy’s Profile Photo sasa ♡
also likes
EsraaFahmy2’s Profile Photo Esraa.
also likes
rosemenna’s Profile Photo مــنــه ⸙͎۪۫⋆ | 멘나
also likes
ahmedreda_96’s Profile Photo Ahmed Reda Al-Husseiny ∞ ‍ ⚕️
also likes
suzeeeee’s Profile Photo lilo kitty ‍⬛
also likes
RaNiaGaDo25’s Profile Photo R O N Y ⚡
also likes
anamedoo29’s Profile Photo Mohamed F. Eljazar
also likes
Ahmed3AdelXD’s Profile Photo A H M E D | A D E L © ✨
also likes
hassan_allam123’s Profile Photo Hassan Allam
also likes
AhmedEzzeldien’s Profile Photo Ahmed Ezzeldien
also likes
emanhelmy134’s Profile Photo Eman Helmy
also likes
SayedMohamed89’s Profile Photo Sayed Mohamed
also likes
Want to make more friends? Try this: Tell us what you like and find people with the same interests. Try this:
+ add more interests + add your interests

الهمتنى كتاباتك جدا ..بجد روحك الجميلة طابعة على حروفك وانا بقرأها ربنا ينفع بيكى 💖

شكرًا جدًا ليكِ ولذوقك، الجمال في عين الرائي! :)

+ 1 💬 message

read all

هل هناك شخص ألهمته من قبل؟

ده شيء جميل جدًا وبتمنى دايمًا إني أعمله أو أكون عملته من غير ما أحسّ :)
1
Liked by: askerinqs

اللي تعب من نفسه المفروض يعمل إيه؟ 😅

يحاول تاني :)
يركن إحساسه ده على جنب شوية -حتى لو مش هيعرف يتخلص منه تمامًا- ويقوم يعمل حاجة، أي حاجة! :)
كنت قرأت مرة إن الإنجاز = أي شيء دون الصفر.
لو قرأت نص صفحة من القرآن، أو آية واحدة وتفسيرها فده مش صفر..
لو قرأت صفحة من كتاب، صليت ركعتين الضحى/ركعة الوتر، غسلت طبق وكوباية الفطار بتوعك، نزلت جيبت طلبات من تحت، قومت من السرير ومارست نشاطاتك اليومية المعتادة، ده كله لا يساوي صفر :)
تعبت من نفسك؟ ده شعور عادي، كلنا بنحسه كتير، أهم حاجة ماتتعبش من المحاولة وافتكر إنه مادمت حيّ فلسه فيه فرص جديدة وأمل :)
ابدأ تاني.

-

yomnaelshamy99’s Profile Photoيُمنى الشامي
ده بوست بحبه جدًا بس للأسف مش فاكرة مين كاتبه، ممكن يوصل فكرتي بطريقة أحسن..
-
كان ليا صديقة ألمانية متعودة تجري كل يوم الصبح حوالي ١٠ ل ١٥ كيلو، مفيش يوم تفوت جري الصبح، فمرة بقولها انتي اكيد بتحبي الجري أوي وبتستمتعي بيه لدرجة انك مش بتفوتي يوم.
قالتلي: "مش مسألة حب. مش كل يوم صحيت الصبح كنت عايزة انزل اجري، ومش كل يوم كان الجري ممتع، في ايام كتير اوي مش ببقى عايزة اصحى اصلا ومش عايزة اعمل اي حاجة في حياتي وفاقدة الرغبة فكل شئ حوليا، بس بقرر اجري على اي حال، وده لسبب وحيد، حاجة واحدة عارفاها كنت متأكدة منها، اني عارفة كويس اني لما هخلص جري، هحس بشعور جيد عن نفسي وعن حياتي يخليني أعرف أعيش، وده كان حافزي الوحيد للاستمرار."
جدير بالذكر ان صديقتي دي قضت اكتر من نص حياتها تعاني من علة الضغط النفسي ما بعد الصدمة PTSD. من أشهر أساليب العلاج النفسي هو العلاج النفسي المعرفي واللي هو قائم على كسر حلقة مفرغة بيدور فيها المريض، حلقة (فكرة غلط مشوهه عن نفسه والحياة، بتولد عنده شعور سيء عن نفسه والعالم، فمايعملش واجباته، فيعتقد عن نفسه انه وحش، فيحس بشعور سيء عن نفسه، وهلم جرا)، دور الطبيب النفسي انه يساعد المريض فكسر الحلقة دي عند نقطتين، اما انه يصلحله افكاره الغلط دي بأدلة وبراهين مقنعة، او اما زي ما صديفتي كانت بتكسر الحلقة بدون وعي منها بالحلقة، بانها تتصرف صح وتعمل الصح حتى لو معندهاش اي رغبة.. فده يخليها تعتقد عن نفسها انها مجتهدة وملتزمة وبتقوم بدورها، فيخليها تحس بشعور جيد عن نفسها وعن الحياة.
"People say "Time changes", they are wrong. Doing something changes things, not doing anything leaves things exactly the same."
House MD
"يقول الناس "مرور الوقت يغير الأمور" . لقد أخطؤوا. الأفعال تغير الأحوال. عدم فعل أي شئ يُبقي الوضع على ما هو عليه." د. هاوس
"To live is to suffer, to survive is to find some meaning in the suffering." Friedrich Nietzsche.
"طالما أنت حيٌ ستعاني. الطريق الوحيد للنجاة هو أن تجد معنى لمعاناتك." فريدريش نيتسشى
You just can't avoid pain. The only way to get out of pain is through pain. Doing nothing changes nothing. - A. Hosny
لا يمكننا تجنب الألم. الطريق الوحيد لتجاوز الألم هو عبر الألم نفسه. إن لم تفعل شيئا، لا شئ سيتغير. أ. حسني، ٣ نوفمبر ٢٠١٩.

View more

+2 answers in: “اللي حاسس ان حياته بقت ماشيه غلط وهو عاجز انه يصلحها يعمل إيه؟”

-

yomnaelshamy99’s Profile Photoيُمنى الشامي
• آخر كل يوم اكتب اللي انت عملته من أصغر الحاجات لأكبرها، وشجع نفسك عليها، حتى لو كلها حاجات صغيرة، فانت بتنجز وبتشتغل، افتكر ده دايمًا.
• اعمل أي activity في البيت، اغسل المواعين/رتب أوضتك/المكتبة/درج قديم، أو بره البيت زي إنك تتمشى أو تجري أو تخرج مع حد مريح بالنسبالك وتضحكوا أو تروح مكان جديد..
افتح شباك الأوضة الصبح واتعرَّض للشمس، حتى لو مش بتحبها بس اقف فيها شوية، وحاول تستمتع بانعكاس أشعتها عليك وعلى الحاجات اللي حواليكِ، في الطب النفسي دي إحدى أنواع العلاج، وصحيح اقرأ كتب، أي كتاب وخاصةً لو حلو وبيناقش أفكار كويسة، هتشغل تفكيرك ناحيته وهيخليك تركز على حاجة تانية، أو اسمع كتاب لو مش بتحب تقرأ أو اسمع دروس في الدين/علم النفس/أي لغة بتحبها..
تلخيصًا لكل ده، قرب لربنا لأن ده الوحيد اللي هيساعدك
ويعينك على نفسك وافتكر أنه هو الصَّاحب الدائم في كل شيء وكل لحظة، ماتبطلش دعاء، لو علاقة مضايقاك خد قرار فيها، واسحل نفسك، اسحل نفسك، اسحل نفسك.. هتحس بالإنجاز وهتبقى أحسن.
والسر في ٣ حاجات: إلزام، انتظام، صبر ووقت.
لو ده كله مانفعش أو ضاقت بيك كل السبل ومش لاقي حلول، أنصحك تتوجه لحد موثوق فيه يساعدك، أو تتوجه لطبيب أو معالج نفسي، وأحب أؤكد إنه ده لا عيب ولا محرج وإنه ده التصرف الصحيح والطبيعي والصحي بس إحنا في بلد متخلفة ليس إلا.
ونصيحة أخيرة، حبّ نفسك وطبطب عليها وشجعها، وحاول كل يوم تكون شخص أفضل.
أتمنى كلامي يساعد بأي شكل، وآسفة على الإطالة.
ولو بنت اللي باعتة السؤال فبعتذر إني كاتبة بصيغة المذكَّر بس هي أسهل في الإجابة بالنسبالي، حوِّلي الكلام لصيغة المؤنث في دماغك واقرئيه :)❤
تمنيَّاتي ودعواتي للي باعت/ة بكل الخير والمعافاة والقدرة على البدء من جديد.

View more

+2 answers in: “اللي حاسس ان حياته بقت ماشيه غلط وهو عاجز انه يصلحها يعمل إيه؟”

اللي حاسس ان حياته بقت ماشيه غلط وهو عاجز انه يصلحها يعمل إيه؟

أولًا بلاش تقول لنفسك إنك عاجز، ممكن تكون تايه شوية، تعبان إنما العجز ده شيء أكبر وأصعب وأسوأ، بلاش توهم نفسك بيه لحد ما تقتنع إنك عاجز، لأن ده مش صحي ولا صح..
واستعيذ كل يوم من العجز والكسل، كده كده أذكار الصباح فيها كل ده :)
ثانيًا لو حياتك ماشية غلط حط خطوات عمليه وعقلانية وصلّحها، اطلع من دايرة المشاعر وجلد الذات وإحساسك الدفين بإنه كل حاجة باظت ومش هتتصلح وقوم من السرير وابدأ فكَّر بصوت عالي واركن مشاعرك على جنب، نبرتي ممكن تكون شديدة وليس فيها أي نوع من أنواع الcompassion بس ده حقيقي مش عدم تقدير للموقف/مشاعرك، بس في نقط ومراحل معينة ماينفعش نفضل نفكر هنعمل إيه من غير ما ناخد خطوات عملية تجاه الموضوع..
لازم تنتشل نفسك من القوقعة وتنحي شاعرية أحاسيسك والحزن جانبًا وتشتغل..
• لو مقصر في علاقتك بربنا، افتكر إنه خير الأعمال أدومها وإن قلّ، اعمل أي حاجة تخلي حبلك موصول بالله، سواء ذِكْر/قراءة قرآن ولو نص صفحة بتدبر أو حتى لو من غير/سماع قرآن حتى لو دقيقتين/ركعتين قيام ليل حتى لو مش مركز ١٠٠%/ أذكار الصباح والمساء/تدبر في الكون زي إنك تطلع تتفرج عالشمس أو القمر والنجوم والطبيعة حواليك وتذكر نفسك بحَول الله وقدرته..
وقبل ده كله لو مش بتصلي الخمس فروض فابدأ بيهم، لأن الفروض عمومًا أهم من أي حاجة تانية، أي فروض.
المقصد من ده كله، الزم نفسك واضغط عليها، سواء قادر أو لا، أو حاسس أو لا، تعامل مع كإنك روبوت وابدأ بتنفيذ المهام..
أنا ذكرت الله في أول نقطة لأن القرب منه مهوِّن وشافي، وإحساسك بمعيّته وإنه حواليك هتطغى على أي حاجة تانية، وإنه في الحقيقة إحنا دونه عدم وهو دوننا الوجود كله لا ينقص من حوله وقدرته شيء.
مش هقولك إن الحياة تبقى سهلة ويسيرة وانت جنب الله، بس هقولك كفاية شعور السَّكينة والطمأنينة اللي هيغشاك لما توكل كل أمورك له، تسعى آه بكل جهدك، بس توكَّل كل حاجة له وتبقى عارف إن رب الخير لا يأتي إلا بالخير وإن خالف هوانا وبصيرتنا القاصرة والضعيفة بالطبع.
وما تنساش الدعاء، بكل حاجة وأصغرها وأتفهها، ادعي كتير ودايمًا وفي كل وقت، "إنني معكما أسمَعُ وأرى".
• لو انت perfectionist زي حالاتي، فحاول تخرج بره الدايرة دي دلوقت، مش مهم الوقت يكون مناسب ولا شكلك ولا الظروف ولا أي حاجة، اعمل الحاجة وحط نقطة وماتحاولش تفكر كتير قبل ما تعملها ولا قبل ما تقوم من السرير ولا تحاول تفكر في جودتها، ابدأ بس وكل حاجة هتتحسن بالوقت والإلزام والانتظام.
• لو فيه علاقة انت فيها من أي نوع مأزِّماك وتعباك وسبب اللي انت فيه، فهقولك فكر فيها مرة واحدة بصراحة وعقلانية وشوف اللي ليك واللي عليك، ومعلش حط خط تحت كلمة بصراحة، وحط نفسك مكان اللي قدامك..
وخد قرار حاسم يريحك، ماتظلمش فيه حد ولا تؤذي فيه حد وخلي بالك من كلامك في العموم..
لو أخدت قرار صح- أيًا كان هو إيه- فعادي يكون صعب، وعادي تتعب بعده شوية، بس إن شاء الله هتحس بالفرق بعدين..
الحياة مش حِمل مهاتيّة ووجع دماغ في علاقات مرهِقة وعدم قدرة على التواصل، وفر طاقتك للحاجات والناس اللي تستاهلها لأن الحياة متعبة لوحدها..
كلامي ده بشكل عام، مش بنحاز لحاجة معينة، فلا تحمِله على رأي معين.
▪نصيحة جانبية: اسمع الدرس ده ل د. أحمد عبد المنعم، وكل دروسه عامةً، هتديك نظرة أخرى للأشياء والحياة
https://soundcloud.com/itsthequran/amyo7ah4krll?ref=clipboard&p=a&c=0
-
هكمل الإجابة في سؤال بعده.

View more

+2 answers Read more

لماذا تَكتُبون؟

أحيانًا تغلبنا مشاعرنا وتفيض فنكتب لنحرِّرها من أجسادنا..
وأحيانًا نخاف أن يمحو الزمن أثر الجمال الذي شعرنا به في عظامنا، فنأبى إلا أن نحتفظ ببعضه، قدر الاستطاعة.
أقول وأؤمن دومًا أنه ورغم حبي الجمّ للكتابة إلا أنها تكون -في أوقاتٍ كثيرة- مبتذلة تمامًا مقارنةً بما نشعر به ونحمله في قلوبنا، وأن اللغة تضيق بنا كثيرًا كما تضيق الصدور بما فيها..
وعلى النقيض، في أحيانٍ أخرى، تتسع وتتسع كي نعدو فيها، تُسارِعُنا الكلمات متدفقةً من روحنا لا أيدينا.
نكتب لنحفظ ظِلال التواريخ، والمشاعر، والمارّة اللطفاء أو قليلي الذوق، أحبّتنا، الآن وغدًا وبعد غد..
ولنتعلم من الهزائم والانتصارات الصغيرة..
نكتب لنحافظ ونتذكَّر جزءًا من روحنا، كان وانتهى مع الزمن أو لازال يصحبنا إلى الآن! :)
وكما قالت الجميلة رضوى عاشور:
"أكتب لأنني أحبُّ الكتابة، وأحب الكتابة لأن الحياة تستوقفني، تدهشني، تشغلني، تستوعبني، تربكني وتخيفني وأنا مولعةٌ بها!"
وكما قالت چاكلين وودسن في روايتها "فتاةٌ سمراء تحلُمْ":
"ولكن على الورق، الأشياء تعيش للأبد..
على الورق، الفراشةُ أبدًا لا تموت!" :)❤

View more

1
+1 answer Read more

Where your passion lies?

In the small details. I appreciate the little unnoticeable things that are barely caught or observed. I guess it’s my thing and I love the fact that I unconsciously do it.
And writing is one of my very first passions for sure; contemplating the stars, the moon and the sky overall. Perhaps I’m a little too obsessed with the way light or sunrays fall onto literally anything around me like a room, a tree, a quiet street or my eyes! :)
I used to be extremely passionate about photography and taking photos of all those things I find beautiful, to document every single memory I lived and to cherish every single place I ever set foot on. I wish I could find a way back to this passion once more.
Also I love reading; adore quotes and manuscripts as well.
I loved this question and how it brought about this answer and those vibes!❤

View more

‏وَعُنِي بقوله:"يوم تُبلى السرائر" يوم تُخْتَبَرُ سرائر العباد، فيظهر منها يومئذ ما كان في الدنيا مستخفيًا عن أعين العباد من الفرائض التي كان الله ألزمه إياها، وكلَّفه العمل بها. الطبري ..

:”)❤

- اقتباسٌ تحبينه؟

أتمنى لو تكون عيناي قويتين وباردتين وأن تمسَّا بالعمق صميم الفؤاد.
وألا تكشفا شيئًا من أحلامي الضائعة.. بلا أمل، ولا غاية.
ألا تتكهنا دائمًا بالدنيويات كلها كالأزرق المخضب، المخفف بالأصفر الهادئ.
وألا تريا الآلام البشرية ولا رغد العيش.
إلا أنَّ عيَنيَّ هاتين منطفئتان وحزينتان، ليستا كما أحب أو كما أحب أن تكونا..
لأن عينَيَّ قد رآهما فؤادي وآلمه أنهما تبصران.
— "عينايّ"، من أشعار بابلو نيرودا.

- مساحة ✔

عندما كنتُ صغيرة
كنتُ أعرف..
هكذا كنتُ أقول باستمرار.
قالت لي أُمّي أنَّني كنت أُثير إعجاب خالاتها، خالتو عَفاف وخالتو شوشو كثيرًا أثناء زياراتي القليلة لهما.
كنت أقول لهم بصوتي الماكِر الصَّغير وحاجبَيّ المرفوعين وثقتي الغضَّة:
"أنا عارفة كووولّ حاجة! إيد يعني hand، كلب يعني dog، الكُفتة بتتعمل كده -وأُمثّل طريقة عملِها بيدَيّ- والطّعمية بتتعمل كده -وأمثّل طريقتها هي الأخرى- وأكرِّر جُملتي الطفولية المشهورة، أنا عارفة كوولّ حاجة!"
شمَلَت معرفتي -حينها- كلَّ الأشياء، كلَّ أشيائي الصَّغيرة ربما..
والتي تمثَّلت في كلمتين باللغةِ الإنجليزية وطريقةِ صُنع الكُفتة والطّعمية التي حتى اليوم -واللهِ- لا أعرفُها!
عندما كنتُ صغيرة
كنتُ أعرف..
أنِّي أحبُّ الناس، وأحبُّ أصدقائي والطريق إلى مدرَستي -الفردَوْس- والأستاذة كَوثر والأستاذ محمد صلاح الذي كان يجلس بجانبي في ميكروباصّ المدرسة..
وهذا الولد الطويل جدَّا -بالنسبةِ إليِّ وقتها- والذي كان يُداعبني بمرحٍ في فُسحةِ المدرسة وأنا في kg1 ولا أعرف إلى اليوم اسمه.
كنت أحبُّ ألعابي وزرافتي التي أعطتني إيّاها طنط مريم
وأحبُّ كرتون "الأسد الملك" والحِصان "spirit" وتوم آند چيري.
كنتُ أعرف أيضًا وأنا صغيرة
أنِّي كبيرةٌ جدًّا!
منذ صفوف الإبتدائي الأولى، كنت أشعر بذلك.
أنا لست صغيرة، أنا كبيرة.
أسير وأنا أشعر أنَّني كبيرةٌ ومتّزنة، وأرفعُ قامَتِي وكأنها سَتُرى مِمَّن حولي، في حين أن طولي لم يتعدَّ المتر الواحد..
إلا أنه لا بأس، كنت أعلم هذا ولكن أنا كبيرةٌ بالنسبةِ للعالَم.
واليوم..
في عِداد الحياةِ والأحياء
وفي عِدادي أنا -الآن-
لازلت صغيرة.
كنتُ أكبُرُ كلَّ يوم وكلَّ عام وأظنُّ أني كبيرة
حتى كبُرْتُ يومًا لأكتشف أنني
لم أعُد هكذا..
ولم أكُن هكذا.
كبُرت يومًا لأُدرك..
أنّي لا أعرفُ كل شيء.
لم أعُد أحبّ الناس ولا زرافَتي الجميلة
ولم أرَ أستاذة كوثَر وأستاذ محمد صلاح منذ زمنٍ بعيد
الطريقُ إلى الفردَوس اليوم أصبح يؤلمني بشدّة بل وأفضِّل اتخاذَ طريقٍ أخرى..
لا أحب هذا العبقَ الدَّفين أن يتناثرَ مرةً ثانيةً بعد أن حاولت دفنَه جاهدةً.
حين كبُرتُ لم أعُد أسير متَّزنة
انتابَني الشَّتات
واختلفت عليَّ الطُّرُق والعلامات..
صِرت أسير بعرجةٍ خفيفة
في روحي.
لا أنظُرُ إلى المارّة لأني لم أعُد أحبُّهم.
أو ربما..
لا أحتاجُ مزيدًا من الشفقةِ والغضب
على حالهم ومنهم.
حين كبُرْتُ
لم أعُد أعرف..
كيف أرسُمُ شمسًا كبيرةً تضحك في ظُلمتي
أو أحلُمُ أحلامًا سعيدة.
ولازلتُ -حتى الآن-
لا أعرف كيف أَركنُ إلى السُّكونِ في وسطِ كلِّ هذا الضَّجيج!
حين كبُرت..
لم أعُد..
لم أعُد أبدًا.
-
كتبت هذا النص منذ عامين تقريبًا وهو من أقرب النصوص إلى قلبي، ويحزنني دومًا أنني لم أدوِّن تاريخه وقتها لأحتفظ به.. :)

View more

1
Liked by: ادعوا لإسراء مصطفى

-https://soundcloud.com/arislamway/dh74?ref=clipboard ^^

جميل، ربنا يجازيكِ عن كل اللي هيسمعه خير يا مريم..

هل طبيعي مع تقادم العمر المبادئ تتفلّت ؟ حتى لو الإنسان يجاهد ألّا يحدث!

المبادئ والأسس الدينية ثابتة في كل وقت، استجابتنا ليها وقدرتنا على التمسك بيها هي اللي ممكن تختلف، فالإيمان في الأنفس ينقص ويزيد ونسأل الله الثبات والعافية دايمًا..
طبيعي المبادئ ماتعرفيش تنفذيها -في وقتٍ ما- مع اقتناعك وإيمانك التام بها؟
بتحصل أيوة، ولكنه شيء مش كويس للأسف، ولازم تفضلي تجاهديها دايمًا، وده أساس جهاد النفس.. الوقوع والمحاولة والتمسك بالأسس الثوابت رغم صعوبة كل ما نمُرّ به أو يمُرّ بنا.
طبيعي المبادئ تتفلَّت أو تتحول لأخرى خالص؟
لا أعتقد ذلك، إلا لو تحولت لشيء أحسن أو فهم أدقّ لها وتنفيذ أفضل منك، أو اكتشفتِ مشكلة في استيعابك لها وحاولتِ تتداركيها مثلًا بعد تفكير وقراءة وبحث..
أما لو قصدك على وجهات نظرك في الأمور الحياتية وتغيير رؤيتك ليها وردود أفعالك منها وهكذا، فالتغيير ده حاجة أساسية وطبيعية تمامًا.
وما تضغطيش نفسك بكلمة "أنا اتغيرت"، أو أما حد يقولك "انتِ اتغيرتِ يا مريم".. لأن الغير طبيعي هو عدم التغيير :)
طبعًا كلامي كله في سياق التغيير الحسن والمحمود مش التغيير الغير محمود.
وعلى رأي د. أحمد خالد توفيق -الله يرحمه ويُحسن إليه-:
"الأعوام تغيِّرُ الكثير، إنها تبدِّل تضاريس الجبال فكيف لا تبدِّل شخصيتك!"
وحتى في الأمور الحياتية وعلى الصعيد الشخصي، فحاولي ترجعي أي أمر أو حاجة شاغلة بالك للدين والقرآن والسُنّة ومواقف الرسول -صلى الله عليه وسلم- والصحابة والسلف الصالح.. هتلاقي إجابات كتير شافية ووافية.
وقبل أي حاجة، كل واحد أدرى بنفسه وعمله، فواجهي نفسك بالحقائق مهما كانت صعبة وصادمة عشان تعرفي تتخطيها بالحلول العملية واللي بردو بتيجي بالوقت والجهد وتدريب النفس.
وملحوظة على جنب، حاولي تسمعي للناس اللي عندهم علم وفهم وحكمة وتاخدي رأيهم لو حاجة مؤرّقاكِ، كلام بعض الناس يفيد ولا يفسد، بعض الناس مش كلهم.
اعملي بس balance بين آخر جملتين :)❤

View more

2
Liked by: نُوور ادعوا لإسراء مصطفى

Is there a story behind your profile picture? What is it?

نعم، هناك قصتان لطيفتان للغاية! :)
تذكِّرُني الصورة بمشهد من مشاهد كرتون هرقل/Hercules الذي أحبُّه، عندما كانت الثلاث عجائز الشمطاوات تنظُرْن للنُّجوم وتخبِرنَ Hades بنبوءة فشل محاولته للسطو على مُلك أخيه Zeus بسبب ابن أخيه Hercules وقوَّته عندما يكبر، أحب صدى أصواتهن في ذلك المشهد ومنظر النُّجوم.
كلُّ ذلك أساطير وترهات يونانية أو إغريقية قديمة لا تصدَّق أو تؤخذ على محمل الجد بالطبع، ولكنني أحب الاطلاع عليها حين أجدها أمامي.
والقصة الأخرى، الأكثر لطفًا، هي أنها تذكِّرُني بالثلاث نَجْمات المتعامدات في خطٍّ مستقيم واللاتي أتطلع إليهنّ وأبحث عنهنّ متى نظرت للسماء ليلًا.
ندعوهنّ، أنا واثنتان من صديقاتي العزيزات، بأسمائنا..
واسمي أطلقناه على النَّجمة التي في المنتصف! :)❤
3
Liked by: Yara نُوور ادعوا لإسراء مصطفى

هل الانشغال بفرع واحد من العلوم أيا كان شرعي أو غيره أفضل والتركيز فيه،أم التنويع والنهل من كل علم في نفس الوقت؟

أعتقد التنويع في كذا حاجة بالتوازي مع بعض هيبقى أحسن، خلي بالك بس إنك تاخدي بريك بينهم خاصةً في العلوم الشرعية مثلًا، ساعات بحس الحاجات ممكن تدخل على بعض ودماغك تسيح.. بمعنى آخر أعطي لنفسك مساحة لاستيعاب وفهم اللي قرأتيه أو درستيه -حتى لو ڤيديو ربع ساعة في اليوم- قبل ما تنقلي على حاجة تانية..
حافظي على جرعات متوسطة وما تضغطيش نفسك بمليون حاجة في نفس الوقت لأن فيه ناس بتتقفل وتفصل وماتكملش في أي حاجة منهم..
يكفي مثلًا تمشي على حاجتين تثبتّيهم لحد ما تخلصي الجزء اللي انتِ عايزاه منهم، أو محدداه لنفسك وبعدين تنقلي على حاجة تانية..
مع المراجعة والنظر على اللي فات من وقت لآخر للتذكِرة وإنعاش دماغك والمعلومات فيها..
أنا أقل من إني أنصح، دي بس وجهة نظري قد تحتمل الصحة والخطأ والتعديل وكل واحد بيستريح في حاجة معينة مناسبة له هو ولإمكانياته وأسلوبه ودماغه.
أهم حاجة في ده كله يا مريَمة إنك تُقدِّري إنجازاتك الصغيرة وتشجعي نفسك تكملي بيها وعليها :)❤
Great things take time; so please don’t rush or burden yourself with the idea of perfection either of learning or of any other aspect of life. Try your best to be patient, determined and truthful with yourself.
وربنا يسعد قلبك ويراضيكِ ويعينك على نفسك دايمًا❤

View more

1
Liked by: نُوور

It's Relaxation Day. How will you unwind?

I would like to imagine myself walking barefoot down the hot streets of Greece with those small cheerful houses in blue and white surrounding me.
And perhaps I’d go have lunch, on my own, in a classic yet simple, breathtaking and relaxing restaurant. I’ll enjoy the little cutie vase on my table with those few pinky roses in it.
I would like to imagine myself in Bali jungles, trying Yoga for the first time in my life.
Otherwise I’d totally be surrendered to the green grass, tall palm trees and yellowish wheat; to sunflowers and wild roses. I’ll heartfully feel nature’s beauty in my bones right then.
I’ll enjoy and smile at the sun rays kissing my cheeks, and I’ll close my eyes to deeply feel the sunshine permeating every single dark part of my soul.
Or I would like to imagine myself in a vintage café, painted with light brown color, peach and beige.
I would be setting quietly on my own, wearing my big hexagonal glasses, drinking coffee and looking so smart and sophisticated while writing my best texts or articles on my black typewriter, feeling relieved, calm and productive and living happily ever after! :))

View more

‏- أكثر جزء في وجهك تُحبه؟

أحبُّ عينَيَّ.
حين أنظر خلالهما في المرآة أتذكَّرُ وأرى وجهي وأنا صغيرةٌ أضحك، وشعري مُسَرَّحٌ -على جانبَيّ رأسي- على شكل ذَيلين أو نخلتين أو قطتين، حسب ما تدعونهما.
أحبهما خاصةً لأنهما يُظهِران الحب لكل من أحبُّ حقًّا ويتحوَّلان إلى قلبَينِ كبيرين بالمعنى الحرفيّ للكلمة! :))
وأحبُّ العيون بصفةٍ عامة، وأحبُّ أن أنظر إلى عيون الناس ومنها إلى أرواحهم..
أؤمن كثيرًا بجملةٍ سمعتها مرة في فيلم I origins تقول:
"Every living person on earth has their own unique pair of eyes; each of them owns a universe!"
وعبارةٍ أخرى تقول:
"Eyes are the mirrors of the souls."
العيون، كلّ العيون، تستحق النظر إليها وقرائتها بتمعُّنٍ وحُبّ! :))
2
Liked by: Yara ادعوا لإسراء مصطفى

Next

Language: English

4.1

1,266,418 reviews
© Ask.fm 2024