to my dear best friend who isn't here now : كل يوم بستني منك المكالمة اللي هتقولي فيها انا رجعت و اديتك فرصه كمان عشان تصلحي العك اللي بتعمليه في حياتك دا بستني صوتك و هو بيضحك و انت بتطمني إنك هنا و إن كل حاجه هتبقي كويسه و هضحك في الاخر لما افتكر قلتلي انا مقدرش اعيش من غيرك ولا اتخيل حياتي و انتي مش فيها بس في الاخر اديك عشت و مسحتني من حياتك و مبسوط اكتر من ما كنت موجوده مقدرش اقول بعتني لأنك اشترتني لأخر لحظة و بقيت عليا لأخر وقت و انا كنت غبيه فاكراك هتفضل قوي و مستحمل طلعت بستنفذ طاقتك في التحمل عاوزة بس أقولك إنك وحشتني قد الجنة حقيقي 😍😍
والله يا أبو الريم انا مقدرش افيدك عشان انا كنت مواطنة اسكاويه عاديه جدا مش زيكم VIB😂😂😂😂 و بعدين الانسان ميتعايرش بإضطراباته النفسيه إلا إذا كان هو مش معترف بيها و بيأذي اللي حواليه بيها ساعتها لازم يقولوله و ينبهوه 🍁💛
بعترف اني شخصيه بتخاف جدا لما تدخل اي relationship حتي لو صحاب ، بيجي عليا اوقات بشك فعلا ف المكانه اللي الشخص ده شايفني فيها ، يعني حتي لو بيحبني انا اوقات مبصدقش حتي لو هو بيحاول يجيبلي نجمه من السما ، لذلك انا بعترف اني شخصيه بتحتاج تطمن دايما انها مش تقيله ع قلبك ..🤷🏻♀️❤️🤦🏻♀️✨
فكك من محاولة تغيير رأي حد فيك.. مش أنت عارفك، شايفك، وقاريك كويس من جوه؟.. يبقي طز فى الناس مادام ضميرك، دماغك، وقبلهم قلبك راضيين.. رأي الناس فيك هو أرخص حاجة تتخسر لو فى المقابل هتكسب دماغك ونفسك..😌😌 د."مصطفي محمود" قال: (لا تحاول تحسين صورتك لأحد.. كلنا عاديون فى نظر من لا يعرفنا.. مغرورون فى نظر من يكرهنا.. جيدون فى نظر من يعرفنا.. رائعون فى نظر من يحبنا). 😉❤️✨
كل البشر بتفرق معاهم "الكلمة" اللي بيسمعوها سواء الحلوة أو الدبش.. الكلمة يا بترفع لـ سابع سما يا بتخسف لـ سابع أرض.. قليلين جداً اللي يعرفوا قيمة إنك تقول للي قدامك كلمة حلوة.. عن لبسه.. عن شكله.. عن ضحكته.. عن قوته وإنها هتعدي لو كان فى لحظة ضعف.. مجرد كلمة مش هتكلفك حاجة بس ممكن تشقلب حاله.. أتمني من ربنا إن لساني مايقولش غير "حلو"، ووداني ماتسمعش غير "حلو".. وكما قيل: لن يستطيع العلم الحديث إختراع مهدئ للأعصاب أفضل من الكلمة اللطيفة التي تقال فى اللحظة المناسبة.❤️
نقطة 😲 انا يتبعتلي نقطة 🙄😂😂 عيب والله 🤦🏻♀️😂 و دا واحد أنون مكسل ملناش دعوه بيه 🤷🏻♀️😂😂 فهعتبرها مساحه و اتمني اكون مبسوطة 🤝😌 -- بص يا سيدي 👀فيه نوع كده من الصحاب ماينفعش نخسره و لازم نحارب علشانه و الله❤️.. النوع ده اسمه ال follow up✨.. اللي لما تقوله انا مريض يقولك سلامتك و يتابع معاك مرحلة المرض لحد ما تخف🥰.. الللي تقوله انا حزين تلاقيه كل يوم يسألك عامل ايه النهاردة😸.. اللي تقولة عندي مشكله يفضل وراك متابع ايه التطورات و لو يقدر يساعد.💪🏻. اللي تقوله انك مسافر، تلاقيه قبليه بيوم بيقولك رحلة سعيده.❤️. اللي تقوله خايف من الامتحان يقولك ماتخفش و تاني يوم يتطمن عليك😌🤝.. النوع ده من الاصحاب بنتطمن طول ما هو موجود.. بنحس ديما ان فيه حد معانا مهما الكل اختفي و بعد من حوالينا..🥰✨❤️ --
احم احم سؤال حلو يا عم خالد 🌸❤️😂 بص يا سيدي هواياتي بتختلف علي حسب مودي ياعني مثلاً لما بكون مكتئبه فبتبقي هوايتي القرايه بقعد أقرأ كتير جدا روايات و كتب و بغرق كدا جواها لحد ما اخرج من الاكتئاب 🌸🤓 و لما بكون رايقه كدا تبقي هوايتي الكتابه و بصراحه بطلع حاجات قمر ❤️😂 و لما بكون مهيبره و مودي حلو بقي و كدا هوايتي بتبقي الرياضه بلعب رياضه كتير اوي 💪🏻🖤🌸 بس كدا 👀🤷🏻♀️😸
ْو إن كُسرتَ فلا تُبالي ، يجبرُ الله القلوبْ')"
لعله صباح الخير ابشروا🌸
صباح البهجه و السعاده 🥰🌸 مهما كان حال قلبك إعرف إن ربنا عالم بيه و إنه جنبك و هيجبره في الوقت الصح و هيبعتلك اللي يستاهلك و يحافظ عليك ❤️✨ خليك واثق في الله و في كرمه و. حكمته 💪🏻❤️ ربنا يجبر قلوبنا جميعاً و يحفظنا و يبعد عننا اي كسره ووجع 😸🍓✨❤️
أولاً صباح الفل 🤦🏻♀️😸 ثانياً ربنا يكرمك يارب علي الدعوات الحلوة دي 🥰💪🏻❤️ ثالثاً بقي فربنا يرزقك المثل و اكثر و يحبك و يحبب فيك خلقه جميعاً يارب ❤️🍃
حبيبتي ربنا يسعد قلبك و يريح بالك 🌸❤️✨ انا كمان حبيتك اكتر و اتشرف إنك تبقي اختي الصغنونه و مش كلام انا هنا في اي وقت تحتاجي تتكلمي 🤓🥰💪🏻 ربنا يرزقك الخير يا حبيبتي 🌸❤️✨
طيب يا كوكي ركزي معايا و مع الكلام اللي هقولهولك دا كويس اوي ❤️ أولاً هعتبرك زي اختي الصغنونه لأن انا اختي قدك في السن تقريباً و صاحبتي جدا فعارفه مشاكلكم و اللغبطة بتاعت الوقت دا و حقيقي مبسوطة إنك فضفضتي و حكيتي كل دا ❤️ بصي يا جميله أولا انتي غلطانه في اللي حصل دا و انتي الحمد لله كبرتي و عرفتي غلطتك و الحمد لله عقلتي و بقيتي عارفه تفكري و تتصرفي و ربنا يهديكي و تكوني اتعلمتي و يارب يعوضك خير عن أي حاجه وحشه شوفتيها فأنا مش محتاجه اكلمك عن الموضوع الاولاني 🤝✨🌸 الموضوع التاني بقي اسمحيلي أقولك إنك غلطانه في كذا حاجه 🙂 أولا انتي لسه صغنونه اوي علي إنك ترهقي مشاعرك و تعيطي و تكتئبي و تشيلي كل دا جواكي انتي المفروض في الوقت اللي انتي فيه دا تفرحي علي قد ما تقدري و تحاولي تعملي كل حاجه في الدنيا تخلي نفسيتك حلوة لأن حقيقي أحلي سنين عمرك هي السن دا و مش هتتعوض تاني و هي اللي هتبني و تأثر في سنينك و شخصيتك باقي عمرك ❤️😸 ثانياً هو إنسان ميستحقكيش و ميستحقش انك تكلميه أو تيجي علي نفسك عشانه عشان هو صدق عليكي حاجه بدل ما يرد غيبتك أو يجي يعاتبك خلاكي تحسي الاحساس الوحش دا رغم إنه المفروض اقرب شخص ليكي و الركن الأمن بتاعك 🥺💔 فدا يخليكي تعرفي ترتبي أولوياتك دايما كدا لما بيحصل معايا موقف صعب هو اللي بيبينلي معدن الناس و إعرفي إنك ياما هتقابلي ناس عاملين لنفسهم لمعه زي الدهب و في الاخر هتلاقيهم صفيح ميسواش قروش 🤦🏻♀️🙄 فأنا من رأيي إنك تيجي علي نفسك و تحطي علي قلبك حجر كدا و متكلميهوش و متبرريش و بينيله إنه مش فارق معاكي لأنه غلط في حقك لما صدقها و خد جنب و زعل من غير حتي ما يديكي حقك في انك تعرفي هو زعلان ليه لا و كمان بيقولك مش فارقه معايا فاللي هو انا عاوزاكي تبينيله انك قويه و أن هو مش محور الكون و إنه ولا حاجه صدقيني ساعتها هيحس بقيمتك و يرجعلك و يتأسف كمان لما يعرف أنه خسر انسانه جميله و طيبه و قلبها ابيض زيك ❤️🤷🏻♀️🍃 و خديها نصيحه من اختك الكبيره متخليش اي حاجه في الدنيا تزعلك ولا تخليكي تعيطي و تنهاري خليكي قويه و اضحكي و قربي من ربنا و خليه صاحبك و هو هينورلك طريقك دايما 😉❤️😸 ربنا يحفظك و يهديكي و يسعد قلبك و بالك و يبعد عنك ولاد الحرام و يجعلك الخير لأهلك و يباركلهم فيكي يا حلوتي 🌸✨❤️ و أنا هنا في اي وقت حبيتي تتكلمي 🤝🍃😉❤️
مكنتش عايزة أعيش فـِ العصر ده ، عصر الـ"حُبعمري"و"قلبي يارب" ، كنت عايزة أعيش عصر"سعيدة يا هانم" ، عصر "ده جانتي خالص" ، عصر الروقان والإحترام وناس لسه عارفه الأصول ، شوارع نضيفه من غير زحمه وعشوائيات وناس شيك وكلامها شيك ، احنا فـِ عصر مُزعج جداً🙂🤷🏻