انتى عظيمه جداا والله ، بتحاولى تسعدى غيرك من غير مقبال ، ربنا يكرمك و يباركلك و يعطيكى اكتر من نيتك يااارب و يوفقك ف حيااتك 🤗❤❤❤❤❤
آيه الجميلة ❤️ اللهم امين انا و إياكي يا حلوتي 💜😌 بس صدقيني مش عظمة ولا حاجه انا كفايا عليا اني اهون علي حد و اني اسمع و لعل ربنا يجعلني سبب في حل مشكله او تخفيف عن بني ادم 🙏🏻😍 او يمكن ربنا يرزقني بناس تعمل معايا كدا في عز تعبي و دا بيبقي كتير 🌸🤚🏻 الراحه اللي بتتحس بتبقي احلي من مليون مقابل ☺️❤️
كنت تعبان من فترة واتحجزت ف المستشفي وواحد كنت معتبره اخويا وكنت مستنيه يجي يطمن عليا او حتى يتصل حتي (كان عارف اني تعبان ومكلمنيش) وَاليومين دول معاملتي اتغيرت معاه خالص وشبه بتلكك معاه علشان اخسره... انا كدا صح
أولاً الف سلامه عليك و ربنا يبعد عنك اي شر 🙏🏻🌸❤️ ثانياً هقولك حاجه الله اعلم بظروفه و نيته ممكن يكون كان عنده ظرف أو متعسر أو فيه حاجه انت متعرفهاش 🤚🏻☺️ التمس لأخيك ٧٠ عذرا😌🌸 لو عاوز نصيحتي و اللي انا شايفاه من وجهة نظري انك تعاتبه و نقوله انك زعلان منه عشان مجاش و اسمعله و شوف رد فعله و ساعتها تقرر إنما تتغير معاه من غير ما تمهدله و تقوله دا غلط 🤚🏻☺️ ربنا يهدي الحال مابينكم يارب 💜💜🙏🏻
أولاً نصيحه لوجه الله 🙂🤚🏻 بلاش تلعن الدهر و الزمن و الحياه و الكلام دا لأنه حرام 💔 احمد ربنا و ادعيله كتير و استغفر هيون عليك و يبعد عنك همك و ضيقتك و كل ما اكثرت من الصلاة ع الرسول و الاستغفار هتلاقي كل البيبان المتقفله اتفتحت ☺️❤️❤️🌸 ربنا يهون عليك و يطبطب علي قلبك و يرزقك الخير يا طيب 🙏🏻❤️🌸
تغيرت يا صديقي و اصبحت المسافه بيننا تتباعد 💔 تغيرت و لم يعد مكاني كسابق عهده في قلبك 🙂 تغيرت و اصبح الكثير حولك غيري 😮 تغيرت و تغيرت صفاتك و حياتك 😏 تغيرت و لكنك ستظل كما انت في قلبي❤️ ادعو لك في كل سجدة بصلاح الحال و الهدي 🙏🏻😌 تغيرت و لكني سأظل أحبك و بجانبك حتي و إن لم تراني في ظل زحامهم الخادع 🤐 و أعلم أنه مع الوقت سيرحلون و لن يتبقي لك سواي فإعلم إنني باقِ ابد الدهر 🤚🏻😌❤️🌸
مواصفات شريك الحياه بتختلف من شخص للتاني بس من وجهة نظري اهم المواصفات دي بتتلخص في الأتي : أولاً و قبل اي شئ التدين ❤️ لازم يكون عارف ربنا عشان يعرف يعامله فيك و يراعيه في معاملتك ☺️ ثانياً الاخلاق و الاحترام 💜 دول بقي اللي هيخلوا حياتك جنه والله 😌 ثالثاً الإخلاص و التحمل 🙊 و دول اللي هيخلوا مشاكل الحياه و صعوبتها تعدي و طبعاً من غير ضغوط 😅 رابعاً الحب 😍 و دا اللي هيخلي العين تعمي عن اي عيوب و متشوفش غير القلب و جماله☺️🤚🏻 ثم يأتي بعد ذلك بقي الروح الحلوة 💜 تغني عن الشكل مهما كان ايه حلاوة الروح هي اللي دايمه مدي الحياه 😍 و بعدين الأصل و الأهل لأن انت داخل عيله مش واخد فرد بس منها 🌸😌 دا اللي في بالي دلوقتي بس كدا 😅❤️🙊
بحب بنت من تسع سنين وبجد بتمني اللحظة اللي اتقدملها فيها لاني بحبها بجد وحبي ليها ده محدش يعرفه ولا هيا كمان الا ربنا. وفجأة ارتبطت انا وواحده تاني وحبتني جدا جدا..بس اللي حبتني دي مش عايز اظلمها واسيبها وفي نفس الوقت عايز اللي بحبها من زمان..مع العلم اللي حبتني دي كانت مرتبطة بحد قبلي. اعمل اي؟
ياعني ايه بحب بنت و ارتبطت ببنت تانيه !!! كلمة فجأة دي صدمتني بصراحه كنت نايم و انت بترتبط بيها مثلاً !!!🙄😏 بص يابن الناس هقولك كلمتين 🙂 اللي بيحب حد من قلبه بيحافظ ع الحب دا و يكبره و يعمل المستحيل عشان يخليه في النور و مهما حصل القلب بيفضل ليها و عيني مبتشوفتش غيرها لو الدنيا كلها قدامي ❤️ بس انت عينك شافت غيرها و علقتها بيك و البنت حبتك و برضوا راجع تقول انا بحب بنت من 9 سنين لا انت كنت بتوهم نفسك و بتلعب 🤚🏻😌 دلوقتي انت هتبقي سبب في جرح قلب بنت و ربنا وحده عالم هي هتحس بأيه 🙂💔 فهتشيل ذنب صدقني لا مفر منه☺️ و كمان عاوزه افهم ياعني ايه كانت مرتبطه قبلك دا معناه ياعني انك تسيبها عادي !!! طب لو انت عاوز البنت اللي بتحبها من زمان ارتبطت بواحده تانيه ليه !! ولله انا ما عارفه اقولك ايه غير ربنا يهديك و يحفظك من شر نفسك و تعرف تخرج من اللي انت فيه دا من غير ما تجرح واحده فيهم ولا تجرح نفسك 🙂🤚🏻
الحمد لله فضل و نعمة من عند ربنا الامتحان كان حلو و انا حليت كويس 🙏🏻❤️💃🏻 و فرحت جدا بالناس الجميلة الكتير اللي دعتلي حسيت ان لسه فيه ناس حلوه و بتدعي بالخير حتي لو متعرفش اللي هتدعيله 💜🙏🏻😌 ربنا يفرح قلوبهم زي ما فرحوني💪🏻😍 و يكمل امتحاناتي علي خير بقي 😂😂💃🏻
#المرأة الجميلة ليست دائما طيبة
لكن المرأة الطيبة دائما جميلة
الجمال يقال للطيبه و الروح و الاخلاق💜 الجمال للشكل ماهو إلا مقياس سطحي 😏 و لكن جمال الطيبة و الروح هم جوهر المعني و بهجة القلب و هم ما يجذبونا للأشخاص❤️😌❤️
ناوى تبدأ عامك الجديد ازاى ؟؟
وازاى كان عامك الا فات حافز ليك ؟؟
ناوية بإذن الله تعالى اخد خطوة جديدة في كاريري و دراستي 💪🏻❤️ و 2018 كانت حافز ليا في أني حلمت حلم كبير و حققت جزء منه و الباقي بأذن الله هكمله في 2019✌🏻😅💃🏻❤️
و رجعت من تاني للأسك و ناسه الحلوين❤️😌 طبعاً بقالي تقريباً سنة مفتحتش و ناس كتير عملتلي unfollow💔😭 فأنا هعمل تصفيه من اول و جديد 🤚🏻🙊 Like = Follow 😎❤️ دمتم بخير 🤭❤️