" لا حول ولا قوة الا بالله العلي العظيم ، إن لله و إن إليه لراجعون ، ربنا يرحمها هي و والدك و يغفر لهم و يسكنهم فسيح جناته و ينور قبرهم ، حقيقي ربنا يصبر قلبك و يهون عليك فراقهم ، البقاء لله " 😔
" خلينا نقول إن الكلام الحِلو بيفرق جدًا يا جماعه و قادر يعمل كتير و يزرع جوا قلوبنا ورد ، قادر يغيّر نفسيتك من شخص مُكتئب لشخص مُبهج و منور كدا ، يخليك تبتسّم من غيّر سبب كل ما تفتكر الكلمه اللطيفه اللي اتقالتلك ، الكلام الحِلو بيطبطب على القلب و بيطيبه من كل اللي بيشوفه في الدنيا ، بيفتح النِفس ويخلى أفكارك إيجابية جدًا و بتعرف تحل مشاكلك ، متبطلش تقول كلام حلو لأى شخص ، حقيقى بتفرق لما تشوف شخص لابس حاجة جديدة وتقوله إنها جميلة عليه و لايقه علي وشه ، وقتها هيحب الحاجة دى وهيحب نفسه ويحبك أكتر ، لما تشوف شخص عمل حاجة مهما كانت تافهه بالنسبالك و عاديه بس لمُجرد إنك تقوله قد إيه إنها حاجة عظيمه و كويسه هتفرق معاه وإن كلامك ده كان تقدير لتعبه فيها حقيقي هيبقي سعيد ، لو مش هتقدر تساعد إللى قدامك بأى شئ فـ كفاية إنك تحاول تساعده معنويًا بكلام لطيف أو ابتسامه في وشهم ع الاقل ، فى أشخاص كتير إنتحرت لمُجرد إنها ملاقتش إللى يسمعها أو يحتويها حتى بكلمة أو بحُضن ، فـ سيب أثرك فى كل شخص ولو بكلمة حِلوة وهتتفاجئ بشعور السعادة من غير سبب هتبقى مبسوط لوحدك من غير أى موقف حصلك هتحس إن سعادته هتتنقل تلقائي ليك و لقلبك، علشان ربنا هيجبر بخاطرك بسبب أثرك إللى سيبته فى قلب كل شخص و عشان الورد اللي بيتزرع جوا قلوبهم بينورهم و تلقائي بينورنا " 🤍🦋✨ #ورد_جوا_القلوب 🌸♥️ #مها_إبراهيم 🦋♥️
•• اللَّهُم خِفَافًا لا لنَا ولا عَلينا، لا نُؤذِي ولا نُؤذَى،ا لا نَجرَحُ ولا نُجرَح، لا نَهينُ ولا نُهان، اللَّهُم عُبورًا خفيفًا؛ لا نَشقىٰ بأحدٍ ولا يشقى بنا أحد!” ♥️😌