وتأكدي أنّ لو طال عليكِ الحُزن، فـ لن يدوم إلى الأبد، وقد تأتي المعجزة من فوق سابع سما، فـ الله معكِ لا عليكِ وهو القادر وهو الصمد."))🍒💙 #صباحكم_تفائل✨
ايه دا لا متقولش كدا غلط جدا الكلام دا الدنيا فيها حاجات كتير اوي حلوة و كويسه كفايا رحمة ربنا بينا و نعمه علينا اللي لو فضلنا طول عمرنا نعدها و نشكره عليها مش هنخلص ولا هيقضي و كفايا كمان إن احنا حوالينا اللي بيحبونا حتي لو شخص واحد بس من عيلتك دي حاجه حلوة و كفايا كمان إنك سليم صحيح معافي مش عندك إعاقه عقلية او جسديه الحمد لله ❤️✨ تفائل بالله خيراً يا طيب و إحمد ربنا علي أي حال و إدعيه يهون عليك ربنا يجبر بخاطرك و يطبطب علي قلبك يارب و يرزقك بحبه و حب خلقه اجمعين ❤️✨❤️✨
والله كان بودي بس للأسف انا مش بتابع سوشيال ميديا كتير اليومين دول تقريباً مش بفتح غير أسك اجاوب شويه و اقفل و الادمن دا محتاج متابعه و فراغ و الشغل ساحلني طول اليوم ❤️✨
تُوشكاا ❤️✨ "لو حد قالك إنه متضايق من حاجه تبقي فعلاً بالنسباله حاجة تضايق و كبيره اوي و مأثره في نفسه بالسوء !.. كونك شايف "الحاجه" دي حاجة تافهة أو ماتستحقش أو مش مستاهله الاكتئاب و الزعل دا كله ؛ ده مش هيغير من حقيقة زعله و إنه موجوع و متأثر أي حاجة!.. محدش غاوي يضايق نفسه و يفضل في دايره مقفوله من الزعل و الوحده و الاكتئاب لانها حاجه مش هينه علي أي بني ادم .. عشان كده مشاعر الناس، وردود أفعالهم، وتقييمهم لأحاسيسهم؛ أمر بتاعهم هما بنسبة ١٠٠٪، وبيبقي مش مطلوب من اللي قدامهم وقتها غير "الإستيعاب"، "التفّهم"، "التقّبل"، و"الإحترام" لإحساسهم ده.. بدون تسخيف، تقليل، وإستهانة.. ليه؟.. عشان "مابيحسش بالنار غير اللي ماسكها بإيده " فهونوا عليهم و خليكوا مصدر طاقه ليهم مش حمل في حياتهم مش قادرين يشيلوه مع اللي عليهم .... ❤️🙃" #مها_إبراهيم
ولا فينا ولا في الزمن و مفيش اي عيب اصلا اي حاجه بتحصل نصيب و قدر من عند ربنا لازم نتقبلها بحلوها و مرها و لازم نعرف ان كل حاجه هتعدي و مفيش حاجه هتفضل إحنا بس اللي بنركز في الوحش زياده عن اللزوم و مبندورش علي الحكمه اللي المفروض نتعلمها منه و بنرمي كل حاجه علي شماعه العيب فين لا خلينا نبصلها مره إن مفيش عيب في حاجه و ان كلها تراتيب من عند المولي عز و جل عشان نتعلم درس جديد يتحط لخبراتنا في الحياه اللي المفروض ننقلها للي حوالينا و لأولادنا بعد كدا♡
صباح الفل يا حلوين ❤️✨ "تعالوا اقولكم حاجه كدا خليكوا فاكرينها 🙅🏻♀️... لو بيحبك هيحبك من غير مكياج هيحبك و انتي لسه صاحيه و تعبانه من غير ما تحاولي تبيني انك حلوه او مرتبه حتي لو عيونك دبلانه من التعب وشعرك منكوش هيشوفك احلي حاجه خلقها ربنا هيحبك و انتي مقريفه و مش طايقه نفسك هيحبك و انتي مكتئبه و بتعيطي علي اتفه الأسباب هيحبك و انتي زايده كام كيلو أو حتي خاسه زياده عن اللزوم هيحبك و انتي جسمك فيه خطوط و وشك فيه حبوب هيحبك من الاخر زي ما انتي وهيسهر من خوفه عليكي وهيصونك في غيابك وبدل ما يخليكي تغيري هيخلي الناس تغير منك و هيحسسك دايما انك ملكة جمال الكون و انك ماليه عينه و مكفياه و زياده و لو قصرتي هيستحملك ❤️✨ انتي بس خليكي واثقه في نفسك و اعرفي إنك جميله و شوفي نفسك حلوة و حبيها و اختاري صح اختاري راجل😉 .." #مها_إبراهيم
صباحك طيب ✨🌸🤍 "مُشكلتي الأبدية هي التفاصيل ، أنا لا أُجيد تجاهُل التفاصيل ، كلمة واحدة في حديث طويل كفيلة تجعلُني حزينة وقتاً طويل بعدها ، ذكري قاتلة تعبُر في بالي تُغير مزاجي لعدةِ أيام و تظل تُعاد في كل وقت في يومي مهما حاولت الهروب منها تظل تُلاحقني و بصعوبة استطيع للهرب منها ... التفاصيل الصغيرة تقتُلني بشدة يجعلُني الأشتياق أعود إليها تفاصيل الإبتسامة في المواقف التي انتهت و لن تعود، تفاصيل الأشخاص اللذين رحلوا و مازالوا عالقون بروحي و ذاكرتي ، تفاصيلي انا الشخصية التي تغيرت و أصبحت باهته ولا تقوي علي الحياة ، كُلُها تفاصيل لا أستطيع تجاهُلها أو حتي الهروب منها أو التظاهر بأنها غير موجوده أو انتهت 💔 إن التفاصيل حقاً قاتلة يا عزيزتي❤️🥺" #مها_إبراهيم
مفتقدة نفسي و حياتي و روحي اللي كانت موجوده من كام سنة ... مفتقدة صحابي و لمتنا و رغينا للصبح و قعدتنا طول اليوم سوا .... مفتقده ضحكتي اللي كانت بتطلع من قلبي مش مجرد ضحكة لموقف و خلاص .... متقده حضن جدتي الله يرحمها و طبطبتها علي راسي و انا بعيط و ضحكتها ليا اللي بتخليني انسي الدنيا كلها .... مفتقده حاجات كتير اوي بجد يلا الحمد لله علي كل حال ♡♡