كنت معجبه بحد بس دي حاجه بيني وبين نفسي كل يوم كنت بدخل الاكونت بتاعه اشوفه منزل ايه وادور ف الكومنتس ع كلامه وطبعا مفيش بينا كلام و كدا شوفته مره عند قرايبنا ف ممكن يكون ميعرفنيش اصلا ؤبس انا م اللي بسمعه عنه اعجبت بيه واتمنيته
من يومين سمعت انه بيحب واحده من بلد تاني وهيخطبها ..وقتها زعلت جدا💔
مينفع تزعلي علي حاجه انتي محاولتي علشانها
ف جمله سمعتها ف فيلم ( الألم هو ال بيخلق الأعمال العظيمه)
الألم والحزن بيخلونا انضج وأكثر تفهم ل قوانين الحياه عموما استقبلي الألم وماتعانديهوش عشان مايغلبكيش
إدي نفسك فرصة ومساحة إنها تتوجع وتحزن.. تقبلي الخساره تقبّلي فكرة إنه عادي حد أنا أبقى بحبه وعايزاه وعايزة اكمل حياتي معاه وده مايحصلش
صدقيني كله هيعدي وهيتنسي وبكره تشوفيه زيه زي اي حد عادي وتستغربي ازاي كنتي معجبه بيه اصلا !!
فراغ عاطفى مش اكتر
ربنا يرضى عنك و يخفف عنك يارب
محدش بياخد اكتر من نصيبه
حزينة عشانك والله... لأني فاهمة معني الألم اللي بتتكلمي عنه...
للاسف الألم اللي احنا بنخلقه لنفسنا وبإيدينا...
اللي حصل حصل...
اتعلمي من التجربة...
اوغي تسمحي لمشارعك تنجرف ورا حاجة حتأذيك...
اوعي تتابعي حد... الموضوع ده ادمان
افتكري دايما وجع ساعة ولا كل ساعة...
مشاعرنا طول ما هي صغيرة حنقدر عليها... لو كبرت الموضوع حيخرج عن السيطرة...
و صدقيني.. هو مش مناسب ليكي ومش خير..
مش شرط عشان انسان كويس وسمعتي عنه... مش شرط عشان كل مواقفه (اللي من بعيد) ابهرتك...
ممكن.. وممكن اوي كمان... اما يقرب متستريحش معاه..
اسمعي مني وعن تجربة...
الشخص الخرافي اللي عقلك حبه... ما هو اللي نتاج افكارك.. علي أرض الواقع هو مش موجود... مش واااو زي مانتي فاكرة..
ربنا يجبر قلبك♥️🌷
اولا ده مش حب ده فضول تعرفي شخصيته ثانيا متزعليش ع حاجه ملكيش يد فيها وربنا كريم❤👌
طيب فين المشكلة ؟
