جدو ل ماما كان بيتكلم مع شخص عن الاحفاد فالشخص كان كل كلامه عن أحفاده الولاد ف لقيت جدو رد عليه وبيقولوا انا عندي خمس أميرات هما مش بس احفادي دول ولادي و سعادتي كلها رد جدو ونبرة صوته كانت جميلة كالعادة علي الرغم أنه عنده احفاد ولاد بس ديما يقول إن حنية البنت هي اللي بتكسب القلوب💜
من الحاجات اللطيفة امبارح في أثناء الشرح الجو بدأ يمطر لسه هقول ل طلاب أنهم يدعوا باللي عاوزينه لقيت طالب فيهم بدأ يدعي بصوت مسموع أن ربنا يرزقه بالجنة ... ف بسأله مين اللي علمك تدعي بالجنة وقت نزول المطر قالي ماما التربية في الصغر بتفرق كتير ❤️ مازال في نماذج للتربية مبهجة
ازاي اقدر اتخطي وفاة حد عزيز عليا و ع قلبي بعد ما عدي سنتين وانا زي ما انا مش قادرة انسي اي حاجه ولا صورته و هو ميت قادرة تتشال من خيالي
الإجابة علي السؤال دا صعبه جدا هو فعلا صعب نسيان شخص ميت بالذات لو شخص بنحبه من قلبنا ديما ذكرياته وذكريات يوم وفاته بتلاقيها حية في ذاكرتنا .... حاولي تشغلي نفسك علي قد ما تقدري دا هيساعد معاكي شوية بس بردوا هترجعي تفتكري.... انا فعلا عملت كدا علشان اقدر اتخطي واتجاوز ولما بلاقي نفسي مشتاقه لها بحكي لها واتكلم معها في مذكراتي
لو خطيبك السابق عيد ميلاده ١/١ هو لسه عندي على الواتساب في بينا كلام ساعات بس مش بياخد خطوه نرجع تاني ولا محدد عايزني ولاولا هو عايزني على الرف بس احتياطي اخر حاجه رادد على استوري عندي النهارده ، اعيد عليه ولا لا اتجاهله ولا اعمل ايه احسن حاجه