طول عمري عايش على الكرة الارضية وما بتذكر اني بيوم طلعت منها ، طبعا انا والكرة الارضية اعداء من زمان ! زمان كثير ! دائما بصحى على مشكلة معها وبنام على مشكله معها !! صرنا انا وياها اعداء كثير لدرجة اني كل يوم المسا بولع بلاستيك وبحرقة بهدف اني اخزق طبقة الأوزون وانتقم ! لليوم ما في نتيجة منيحة بس رح اضلني احاول ! يمكن كل الي بصير معي بصير انتقام من الكرة الأرضية مني لاسباب انا ما بعرفها .طبعا رغم كل المشاكل ورغم كل اشي بصير معي لساتني زي ما انا , واقف على رجلي !! لساتني ما فقدت الامل ! عندي امل بكل اشي ، دايما بحكي ما فات الآوان لسا ، ما بعرف استسلم ! كل الي بعرفه اني لازم اقاتل واقاتل لحتى اوصل للي بدي اياه ، ورح اضلني احرق بلاستيك لحتى اخزق طبقة الاوزون , مع انه هاد من اهدافي الثانوية . ما بدي احكي كثير عن حالي !هاي كانت نبذة سريعة عني ، ولتعرفوا مين انا وشو بدي ! شكرا
كما أنني أرجو بأن لا تطرقوا باب حجرتي ثانية، إذ أنني أقدس الصمت الذي يأخذني إلى الجانب الاخر من العالم الذي لا تعرفونه إلا بالصورة المهروسة في رؤوسكم .