"أنا مش حاسس بالعيد"مع شروق فجر يوم كل عيد يأتي بعض السيدات والسادة ببعض الكلمات المُحملة بالكثير من الكلام الفارغ المُصاحب و المسبب أيضآ لشتي أنواع الصداع وال Migraine الحاد، بجملة يعلمها الجميع واللي هي بتستفزني أنا بشكل شخصي.علي حين الشخص اللي كاتب الكلمتين دول ممكن يكون بيحتفل بجميع أنواع الأعياد المعروفة بين المجتمعات و الأديان والأعراق زي الكريسماس و أعياد البوذيين و السيخين و حتي عيد العمال ويمكن عيد الاستقلال في الولايات المتحدة كمان ان أمكن، لكن تيجي علي العيد ده ويديك وضعية ال Meh.لا و كمان الموضوع لا ينتهي علي كده، بل بيصاحبه احيانا فلسفة فارغة من نوعية "مش حاسس بالعيد لأنه بيبقي المفروض يوم حلو و High expectations ولما يجي ومفرحش ببقي disappointed خالص" او " فايبز الأعياد مبتعجبنيش بيبقي يوم ممل جدا" اللي اعرفه عن ال high expectations ان أبوك بدل ما انت متوقع يديك ٥٠٠ ج عيدية يديك ٣٠٠ بس مثلا، ف تحزن، غير كده مش قادر احدد الحقيقة. الموضوع كله بإنك "هتستقبل يوم العيد ازاي؟" بأي وش؟ قوم من ع سريرك أقعد مع ابوك وامك، اتكلم مع اخواتك شوية، ألبس و زور قرايبك، أنزل روح مع صحابك في أي مكان المهم تتجمعوا، بدل ما أنت ماسك الموبايل وعمال تتفلسف ومصدعنا، متتوقعش ان اليوم يجي وهيبقي محمل جميع انواع ال Joy Vibes وانه المفروض جه بأني أفرح، ولو مفرحتش يبقي في حاجة غلط، المشكلة عندك مش أكتر، أحنا حاسين، مش لازم انت تحس.
عشرة أغنام في المرعي تأكل، تجري تقفز ،تسعي وبعد كده هجم الذئب الغادر وعوي يحلم أن يصطاد سبعة، السؤال هنا بقي إن أكل الأغنام السبعة، كم غنمة يبقي في المرعي؟؟