والله من فتره مش بعيده .. انا متعود اذاكر في شقه فاضيه فوق شقتنا في البيت يعني .. المهم الشقه كبيره و انا بذاكر في اوضه في الشقه و بقفل عليا الباب .. في مصدر تسليه بسيط كده في الشقه "الراديو" الراديو مكانه في الصاله اصلا وانا بسمع صوت الراديو وانا في الاوضه بذاكر .. المهم سمعت وانا في الاوضه ابتهال جل المنادي لنصر الدين طوبار .. انا بحب الابتهال ده جداا و بحب أسمعه .. أول ما سمعته من الراديو فتحت الباب بسرعه وعليت صوت الراديو ع الآخر خاالص و دخلت الاوضه ع أساس اني أسمعه و انا بذاكر و فتحت باب الاوضه .. :-D ف مخيلتي بقى انا قاعد لوحدي و في ابتهال لذكر الله شغال و الساعه 3 الفجر و اكيد العفاريت اللي معايا مش هتحب كده و هتقفل الراديو .. المهم أقسم بالله اللي كان في دماغي حصل لقيت الراديو صوته بيوطي واحده واحده بطريقه ترعب لحد الما الراديو قفل خاااالص .. سبت القلم اللي كان في أيدي و اتمسمرت في مكاني :-D B-) مش تفهم و بصيت ع الباب الاوضه المفتوح و تيقنت أن في عفريت هيدخل دلوقتي.... و هيفشخني .. المهم سمعت صوت جاي من الصاله بيقول " استمعنا الآن إلى نصر الدين طوبار و هذا الابتهال الجميل " طلعت المذيعه بتاعت الراديو هيا اللي بتتكلم و قفلت الاغنيه .. كنت عايز أقوم اكسر الراديو .. بس اقعدت اضحك :-D