التخلي حلو، و حلو كتير مش شوي، بس البشع هو الصعوبة الي بتواجهنا و احنا منتخلى عن الاشي الي ماخد اهتمامنا، التخلي مش سهل، بدو تعويد و بدو حزم و قوة، لحتى تقدر تترك الاشي الي كان شاغل بالك! الفكرة مش سهلة بس مريحة لو نطبقها
لا معلش
طريقتك كأنك بتترجي فيه يعمل خير و كأنو ما لمحتي انو اساس الإسلام هو الأخلاق
يا عمو روح نام 🌚 سؤال انت قرأت كلامي للآخر؟ اكيد لا، و حتى لو قرأتو اكيد ما فهمتو مين حكالك بترجاه؟ ما عمرك قرأت أو سمعت حتى كيف كان الرسول عليه السلام يحبب الناس بالاسلام و يخليهم على يقين تام انو هم بالنهاية ربحانين "طبعا ولا تشبيه" نفس الفكرة كان كلامي معو 🙄و مش شايفة فيه اي غلط، لازم الواحد يعمل كلشي عن حب و بحب حتى لو عبادة، ولا بدك احكيلو هاد فرض و اعملو غصب عنك؟ ولا احكيلو لا انت الريحان و احتسبو للله و تستناش مقابل. اياهم احسن؟؟؟ مختصر انا بحبش اسلوب الناس المعقدة الي بتخليك تكره تعمل اي اشي بالحياة، ترا الدين يسر و سمح، و ضروري مشان توصل و تقنع حدا بشغلة صح، يكون اسلوبك لطيف ع قولتك بترجاه 🌚بذمتك لو اجى حكالك و حكتلو غصب و أبصر شو حيضل يعمل منيح؟ انا ما بعرف و. لا بدي اعرف مين انت بس نصيحة تفكيرك صعب و غيرو
انا مع كلام انسام بس كمان لازم تحفر براسك انو الدين هيك بوصي غصب عنك او برضاك
طيب! انا ما حكيت غير هيك، ولا في غلط بكلامي، و حتى ذكرت آية، بس انا كان هدفي انو مش يعملو غصب عنو، يعملو بحب و يكون متأكد انو رح يجيلو خير من ربنا حتى لو ما شكرتو الناس
كيف نتحكم بكمية المشاعر السيئة؟ مهو شعور بخزي و مش بإيدنا
عادي بزبط نتحكم 🙄💙 احكيلك كيف؟ بس قبل ما احكي لازم أخبر انو مقابلة الإحسان بإساة اشي كتير مزعج و ما بنكر انو بدايقني لحد هلآ لو حد عملها معي،و ما بنكر الخذلان و انو انت كنت راسم رد معين من الطرف التاني و لقيت عكسو تماما برضو اشي مقرف 💔، بس في شغلات صرت اقتنع فيها و اعملها تخفف عني قهري و انزعاجي من موضوع انو الخير الي عملتو ما ثمر!! اول شي انت بتتعامل مع بشر يعني مش ملاك يعني حيجرحك يعني احتمال تعمل خير و تلاقي شر احتمال أشياء كتير، بس ازا كل ما حدا عمل معك هيك تزعل حتموت جلطة 💔، دايما اي خير بتعملو مع أي حدا بتحبو أو بتكرهو أو ما بتعرفو حتى اعملو لشغلتين و بس، اول وحدة لله، تاني وحدة تكفير عن ذنوبك، بمعنى احنا دايما منغلط ليل نهار في اشياء منعملها و منعتقد انها صح بس هي فعليا خطأ، هاي كيف اكفر عنها؟ بأنك تعمل خير مع الناس و تحكي يا رب هاي لوجهك الكريم، و مشان تكفر ذنوبي، هون علاقتك صارت مع رب العالمين مش مع البشر، و البشر صار عبارة عن وسيلة مش اكتر لتعمل هالخير، ف سواء رد الإحسان بإحسان أو بإساؤة مش حتفرق معك متل قبل، لانو انت كسبان 💙، ما بنكر انو في أية بتحكي لان شكرتم لازيدنكم و حلو الشكر و حلو الامتنان بس في ناس فاقدة هاد الاشي، ف نحنا ما منقدر نغير الناس، نحنا منغير نظرتنا و تعاملنا مع الشغلة و خلص 💙🌸 مهما كانت علاقتك قوية بحدا اعمل معو خير لوجه الله مش مشانو و خلي هالقاعدة دايما موجودة مع كل خير بتعملو، و انا بأكدلك شعور الخذلان حيخف 🌸
ليش الناس بتقابل الإحسان بالاساءة؟
والله الواحد صار بدو يحلف يمين ما يعمل منيح
ما بعرف ليه 🙄💔 بس طينة البشر انو مش حدا بتعملو منيح حيردلك المنيح، أو حتى رح يكفيك شرو على الاقل 🙄 بس انون هاد مش سبب تحكي بدك تحلف يمين ما تعمل منيح، ما بنكر انو شعور سيء، لكن احنا منقدر نتحكم بكمية السوء الي رح نحس فيها..... صدقني
لا اله الا الله 🌚🙂 مش قصة والله 😂انا بعقلي بفرقو، صديق الكل وحيد، بتفرق عن عندي صحاب بس معنديش، طبعا من منظوري و بناءا على مواقف و أشخاص، مش شرط تكون حاسس بالوحدة عشان تحس انو ما عندك صاحب، يعني شخص عندو صحاب كتار هو فعليا مش وحيد و دايما بحكي مع صحاب و بروح و بيجي ف هو مش وحيد، هو ناقصو صفة معينة تكون موجود بشخص لحتى يكون رفيق روحو، يمكن هالصفة فعليا تكون موجود عند كتير ناس و الخلل فينا، احنا الي ما منحب نشارك الناس كلشي ف بمواقف معينة بتحس انك ضعت و انو فش صحاب بس فعليا الخلل فيك، و أحيانا بكون الخلل بأصحاب، و هيك يعني هاد بشكل عام