- هلاو ، شنو المُواضيع أو الأمور
إلليِ تشوفها أنتَ شخصياً !!
لازم تطور بيها , تُعرف ثقافتها أكثر ,
تكون خبره بيها , تاخذ نُبذه أو معلومه عليها ,
سوا أنتَ أو غيركَ !!..
التاريخ او الماضي بصورة عامة كلش ماعندي فكرة عميقة عنه رغم اني احب التاريخ والاثار وجنت من محبي كلية الاثار بس ماصارت القسمة واحب اتعمق بالتاريخ اكثر وادرس ثقافات البلد والشعوب الاخرى اذا صار عندي مجال بحياتي ✅
كلش ضايج من المستشفى من الروتين الي بيها صارلي سبع سنوات بيها طبعاً امل منها والمتدرب يجي شيتعلم وداعتج بس يخربط ويكضوها ضحك الي يريد يتعلم وره التعيين يله يتعلم هذي سنوات التدريب والدراسة كلها هيج ماتعلم شي اذا مو بالتعيين واستمرارية بالعمل 👍🏻
لان اللحظات الحلوة بسرعة تمر ومانشعر بيها لان نكون بحالة فرح فيمر الوكت سريع نحسه بينما الحزن يمر بصعوبة لان الالم الي بي سواء يخلينا نشوف الثواني ساعات تمر علينا 👍🏻
هل تتفق مع مقولة :
إن لم تستطع مُجاراتهم ، كُن مثلهم .. نعم أم لا وليش ؟ 🍂
اول شي اكره اشبه احد او اكون مثل احد الناس تقليدها سهل بس اني من النوع الي اكره النسخ احب الانسان الي يمثل نفسه وبس مو تقليد لفلان مطرب او فلان فنان او فلان دكتور او و او والخ ... البشر الله خلقه حتى يعرف بااسمه وبشكله وبااسلوبه وتصرفاته مو حتى يتشبه بالبشر وطبعاً هل الشي هواية دشوفه عند الناس هل الايام بمجتمعنا سواء بالبنات او الشباب واعتقد هل الشي قلة ثقة بالنفس 👍🏻
#موضوع للنقاش..
ليش تفكير المجتمع من يشوف بنيه طالع ويه ولد صديقها ان كان زميلها بالجامعه او مكان لخ دايركت يفكر انو البنيه مو زينه وانو الولد نايم وياها وتبدي الاشاعات تطلع وراها مع العلم هم مجرد اصدقاء.. حدثني من وجهة نظرك للموضوع 🖤♣️