لو العريس سال ف اول مقابله شايفه نفسك فين كمان سنتين الرد يكون اي
هو انتي ف انترڤيو ولا اي؟😂
عيد ميلادي انهارده ومحدش افتكره خالص انا بجد حزينه مع اني ببقا اول حد بكون جمبهم
كل سنة وانتي طيبة ❤متزعليش محدش يستاهل تحزني عليه فرحي نفسك بحاجة بسيطة بتحبيها❤
هو لو حد بيلمحلي انه معجب بيا وكده وحاسه انه مستني الوقت المناسب علشان يقول هو شخص كويس بس انا قافله اي حاجه زي دي دلوقتي المفروض ردي يكون ازاي علشان محرجوش وفي نفس الوقت مش عايزه اخسره ياريت تقولو رايكو
مفيش حاجة اسمها بيلمح..اتعلموا ان الحاجة تتقال صريحة وواضحة غير كدا زيه زي اي شخص تاني عادي
اللهم إني أعوذ بك من شر نفسي ومن شر الشيطان وشركه.. اللهم إكفني بحلالك عن حرامك وإغنني من فضلك عن من سواك
اللهم امين
لو رايح اقعد مع عروسة اول مرة اخد معايا جاتوه او شوكلاته ولا مش لازم اول مرة؟ الاحسن ايه يعني وحد يرد عشان رايح النهاردة 🤷♂️
ممكن علبة شوكولاتة اه
يجماعه انا اعترفت بمشاعري و اترفضت و بشوف الشخص ده كتير اعمل ايه لما اشوفه
ولا اي حاجة اتعاملي عادي
دلوقتي انا شعري طويل وعايزة اقصه 🥲 فا اقصه ولا هندم ؟
لو طويل اوي متقصيهوش مرة واحدة عشان هيحصله صدمة وم هيطول تاني قصيه بالتدريج
ندمان علي انك خسرت شخصيه كنت تعرفها
لا مبندمش ع حد
جماعة انا لقيت راجل بيرد ع كل المسدجات مش آخر مسدج بس، وبيسمع بجد مش بيمل وبيطمن وروحه حلوة وعنده سلام نفسي وطموحات وأحلام جميله ودمه خفيف وشبهي جداً♥️
ربنا يسعدكم سوا❤
دبي ولا اسطنبول
دبي
لو سمحتو هو لو عريس اتقدم لواحده وميعرفوش بعض وقعدوا قعدة سوا لاول مرة وحصل قبول مين اللي بيرد عالتاني
هل العريس اللي بيتصل يعرف الرد؟
ولا العروسة اللي بتتصل
ضروري؟
بابا العروسة بيكلم بابا العريس
النهارده قطعت علاقتي بأقرب شخص ليا في حياتي..لأنه مكانش بيقدر وجودي وحاسة ده إنجاز.!
هو فعلا انجاز محزن جدا
مساء الخير يا متأقلم ياللى عامل نفسك مبسوط يا منعدم الدوافع و فاقد الشغف .
هوا عادي لو راجل استخدم صن بلوك لان شغلي كله ف الموقع ؟
طبعا عادي الحاجات دي مش للبناات بس
فنون تطبيقيه ولا معهد تمريض ولا علوم اي الاحسن 💖
فنون تطبيقية
بتحبي الشيكولاته ؟
ايوة
من غير دخول ف تفاصيل ادخل اقوله انه وحشني ولا اسكت
اسكتي
انهى لودو اللى بتلعبيها صورتها كدا ؟
ايه مميزات الريف اللي تخليني اتنازل عن العيش ف المدينه
ولا اي ميزة والله
ضروري الرد ربنا يسهلكم حياتكم ، لو خطيبتي خانتني خيانه جسديه وجت حكيتلي هي وندمانه وطلبت مني اسامحها واديها فرصه ،اعمل كده ولا لأ وياريت لو فيه نصيحه يبقي كتر الف خيركم
بتتوقف عليك انت..انت فعلا هتقدر تسامح وتعدي ولا لا.. لو هتعرف تعمل كدا ومش كل شويةترمي كلام عليها ف اه اعمل كدا .. لكن لو هيبقي فيه واحد ف الميه حتي من جواك مش راضي ومش معدي ومش مسامح ف لا امشي وابعد عنها