اللهم صل وسلم وبارك على سيدنا محمد وعلى آله وصحبه وسلم تسليما كثيرا فى الاولين وفي الاخرين وفي الملأ الأعلى إلى يوم الدين عدد خلقك ورضا نفسك وزنة عرشك ومداد كلماتك❤️❤️❤️
سورة الكهف ❤️❤️❤️
في حاجات كتير أوي الواحد مبقاش بيوقف عندها، عارف جملة احمد حلمي بتاعة " انا موتت موتات أحلي من دي بكتير " اهو بالظبط كده.. لما بتتعرض لموقف معين أياً كان تصنيفه بس هزّك جامد بتلاقي كل حاجة بعديه بقت صغيرة أوي و مينفعش تعملها قيمة .. فا مش بتلتفت لحد عايز يبعد عشان بيتدلع او حد دماغه فاضية فا عايز يلّت و يعجن و يهري او حد كيفه الحوارات لإن دماغك مبقاش فيها مساحة للفراغ ده !! بتترّفع عن خناقات و مشاكل بالنسبالك هبل و تضييع وقت .. مبقتش بتتناقش و تنتع في قلبك علي حاجة ما تستاهلش حتي لو هتسّكت اللي قدامك و تقوله " خلاص ... انت صح" !الاحساس ده ممكن يقلب معاك انك تتجنب القعدة مع ناس كتيييير و تكتفي بواحد او اتنين و ساعات بتكتفي بنفسك عشان استحملت معاك كتير و عمرها ما سابتك و خلعت زي ما ناس كتير بيعملوا... مبقتش بتحب اللمة زي زمان عشان نصها بيكون لمّة كدّابة.. مبقتش بتصدق ابتسامات الناس اللي نصها بيتحول لكلام في الضهر أول ما حد بيلّف وشه..من الآخر بتبقي عرفت الفولة.. فاهم آخر الحاجة.. فا ساعات في سنة معينة بتحس انك كبرت اوي عن سنك الأصلي.. نضجت لدرجة انك بقيت خنيق بالنسبة لسن اللي قدّك و حوليك بس كل ده و لا يفرق طالما انك مرتاح و بعدت عن اي وجع قلب و مشاكل تافهة انت اصلا مش ناقصها... مش عيب انك ترّيح نفسك من وجع قلب و وجع دماغ بس الغلط انك تستحمله و انت عارف انه بيقرفك انت..❤️🌿