يا جماعه دلوقتي انا معجب ببنت وعايز ارتبط بيها بس خايف ترفض بسبب شكلي ان انا مليان شويه فعايز حل اققدر اقولها به واحنا كنا زمايل في كليه واحده
مش مهم شكل اللى عايزك هيرضى بيك زى ما انت
جرب انت مش خسران حاجة
مفيش كده... انت قولها إنك معجب بيها أو بتحبها و خلاص... هي لو بتبادلك نفس الشعور مش هيفرق معاها أي حاجه
مليان اسمر شعرك خشن... كله هبل
خش قولها بنفسك انا بحبك
متخافش و توكل علي ربنا و قولها و طالما ناوي في الحلال و نية كويسة ربنا هيكرمك اكيد و هتوافق و الله.... و لو مش وافقت علشان شكلك يبقي مش تستاهلك ✋
أنا مخطوبة لشخص اللهم بارك عليه دين و أخلاق وتربيه ومستوى واللهم بارك فعلا عليه غ كل حاجه ومليان برضة بس إيه ! مش نهاية الدنيا !
هيخس وحضرتك هتخس اولاً واخيراً عشان نفسكم قبل أي حد !
ديه مش حاجه ف خلقتك متقدرش تغيرها الموضوع كله دكتور دايت والأمر يتحل !
لو عايز تروح كدا وتتقدم روح وكلك ثقه ف نفسك انت راجل !
لو عايز تروح الأول لدكتور دايت وبعدين تتقدم زي ما حضرتك تحب بس المهم حضرتك يكون عندك ثقه ف نفسك سواء اتقدمت وحضرتك كدا وهتخس وانتوا مخطوبين أو متزوجين أو حتى لو مش هتعمل دايت اصلاً !
قولها وممكن ده ميكنش سبب يفرق معاها ولو كدا اعمل دايت وان شاء الله لو خير لبعض ربنا يجمعكوا
