_القهوة يا أستاذة =شكرًا _دي تالت كوباية قهوة أجبهالك، ومابتشربيهاش! =علشان أنا مابحبش القهوة _أومال بتطلبيها ليه لامؤاخذة؟ =علشان...، أنتَ مالك اصلًا!؟ _أنا آه شغال هنا في الكافيه، لكن انا زميلك فِـ الجامعة، يمكن إنتِ مش بتاخدي بالك مني، بس أنا باخد بالي.. بالي كويس. =ومركز معايا كده ليه؟ _أصلك غريبة، كل يوم على نفس الحال ده، بعدَ كُل سيكشن بتمشي لوحدك، و ريأكشنات وشك تقعد تتغير،"تضحكِ.. تندهشِ.. تبكي"، لولا الهاند فري بتاعك، كان زمانك لاحظتي كمَ المشاكل اللي بعملها كل يوم، لما حدَ يعاكسك بسبب تصرُفاتك، وبليل باجي هنا لشغلي، وألقاكي.. فا حبيت الشُغل. =أنا عارفة كل ده. _إيه!!؟ =عارفة كل ده واللهِ، ومابكونش مطمنة؛ إلا لمَا ألمحك ماشي على اليّامة التانية من الطريق ورايا. _طب معلش أسف.. =أسف على أيه؟ _إني بمشي وراكي =طب بُص هقولك عَـ حاجة، خلينا فِ موضوعنا _بس هو مكانش في موضوع بينا اساسًا =لأ فيه، مش أنتَ سألتني عن سبب الكوبيات الكتيرة من القهوة اللي بطلبها، ومش بشربها، و إني مابحبهاش! _آه =أنا كُنت بطلب القهوة دي كل شوية؛ علشان أشوفك.. أنا مابحبش القهوة.. أنا بحبك أنتَ. ?
7:13 p.m" عليك أن تؤمن أن نوراً سيخرج في نهاية الطريق المُظلم، وأنك ستتخطى كل العثرات دون أن يرهقك الالتفات نحو الأيام الخوالي، عليك أيضاً أن تنظر إلى السماء كلما تعبت، فإن للسماء رب لا يرد طرف الناظرين إليه بيقين.."