اللي بيحبك مرايتك انت غايته وهو غايتك يبقي حتة من حكايتك يعني فاهمك من كلامك من ملامحك وابتسامك واما تكتر فيك الامك يبقي متغرب بدونك اللي بيحبك يشِّدك لما تبقي وحيد ضعيف يبقي اجمل حاجة عايشة لما كل الكون سخيف شخص لجل عيونك أنت مستعد يعيش كفيف شوف بقا مين اللي حبك مين بيرهن عمره جنبك إن لقيته بجد حبك قول له كان الله ف عونك.💙💙
قبل مايمشوا هايخلوك تشك في طبعك وفي شخصيتك وهيحاولوا يثبتوا ده عشان يشيلوك الذنب ويثبتوا أن العيب كان منك مش منهم.. ربك شاهد وكل واحد هياخد حقه، متسالش كتير، المعادلة لازم هاتتوزن في يوم وساعتها هاتتحدد الديون...
النهاردة كسرت حاجز العشرين 💙بقيت فتاة عشرينيه خلاص 👋🌸 الحمد لله انا دايما عندي أصحاب وكل الناس بتحبني ودايما يوم ميلادي بالذات بيعبروا عن ده اوي 💙💙 تقريبا دي نعمة بحمد ربنا عليها اووي ❤بس مع كامل الأسف احساسي الداخلي بيقول ان ده اسخف عيد ميلاد عدي عليا 💔معرفش ليه حتي بفكر من الصبح ايه السبب لكني فعلا معرفش ليه حاسه بكده 💔انا طول عمري شخص بيعيش اللحظه في الغالب فليه مش بعيش اللحظه النهارده؟ احساس مش حلو خالص فعلا انك تبقي مش فاهم هو كده ليه يعني بس اكيد فيه حكمة.. بعد عشرين سنة من عمري ولله الحمد من الصفات اللي ادركتها فيا وبحمد ربنا عليها جدا جدا هي الأمل 💙مع اني بعدي بحاجات وحشه ورخمه وتوقف الدنيا لكني مش بيأس بزعل اه لكني مش بقف دايما جوايا احساس انه لا دي مش مصيبه ولا حاجه وحشه لا لا ده ربنا مخبيلي الاحلي اكيد دايما ريحه الأمل حواليا حتي في اسوء الأوقات 💙💙 لما حسيت النهارده انه فعلا يوم سخيف اووي حسيت بالأمل حسيت انه اكيد اللي جاي احلي بكتير وفيه حاجه هاتظهر تخليه يوم حلو وانسي الشعور ده 💙بس عارفين اي الأجمل أني عارفه ان ده ممكن ميحصلش بس انا مش زعلانه بالعكس ده انا بحس بفرحه واقول التأخير خيير ❤ حقيقي يعني انا بحمد ربنا اووي علي انه بيرزقني الشعور ده لولاه انا مكنتش كلمت حاجات كتير اوي ووقفت... الحمد لله💙 معرفش كتبت ده ليه ومعرفش حد هايقرأ أو لا بس حسيت اني عاوزه اكتب فكتبت شكرا لو كنت قريت ووصلت لآخر نقطة.. ربنا يفرحك 🌸💙
نظام التابلت والامتحان بوقت يعني كل سؤال ليه دقيقه وبعض الاسئله دقيقتين ونمتحن في الماده تقريبا 12 امتحان علي مدار السنتين بتوع 2 ثانوي و3 ثانوي وياخدوا اعلي درجه 3 امتحانات منهم
انا اول مره اسمع الكلام ده! تابلت ايه بس لما يصلحوا الدكك اللي العيال بتقعد عليها الأول حوار التابلت ده هررري الامتحان بوقت ده طبيعي اصلا اي الفرق مش فاهمه 12 امتحان هم كتير بس لو هاياخدوا أعلي 3 فدع فرصه كويسه للتعويض مش حاجه وحشه