عفوا 😅،بالنسبه للنص الأول من ثانيا،لحمد لله يا ستى يا رب تكون كدا والنص التانى من ثانيا ف عاش جدا ،اتمنى متتعطليش ولا حاجه تهدك ،عارفه انا مرة كنت قارئ عندك ف كيو ان مهما الحزن اثر عليك احزن دا من حقك بس متخليش دا يعطلك و دا حاجه كويسه يعنى لو طبقناه،ثالثا بقا أنا مش عارف ف ايه بس ربنا ييسرلك امورك
أنا مش عارف ف ايه بس أنا شايف ف الكيو اللى قبل دا إنك بتقولى انك قوية و دا اللى أنا ملاحظه طول من أول اما عملتى الأسك ، ف مهما كان الأمر صعب عليكى ف انتى تقدرى عليه و تقدرى تسدى ، ممكن تركنى الأمر ده ع ما تروقى كدا و تفوقيله او ممكن تاخدى فيه خطوة و خطوة هتجيب خطوة او ممكن تفكسيله خالص يعنى
اولا يعني انا مش عارفة اشكرك ازاي علي الملاحظة ثم محاولة المساعدة بشكل صادق بس ده شئ فرحني فشكرا اوي 🌟 ثانيا بقي هو فعلا ولله الحمد انا متماسكة ومكملة والدنيا جميلة وزافل بس هذا لا يمنع اني في لحظة صادقة بسيطة عابرة اعترف اني مثلا مش مبسوطة أو ان الدنيا مش حلوة اوي زي ماهو باين أو أو أو كل ده لا ينفي ابدا اني هافضل متماسكة ومكملة عشان مينفعش القطر يفوت فاعترافي اني تعبت ونفسي انهار مش معناه اني هاقع ولا اني ضعيفة ولا اي شئ غير بس احساس انك تعبت اوي فنفسك في هدنة ظريفة تخطفك من كل هذا العالم الشرير .. ثالثا بقي انا مش ناوية اخد اي خطوة في هذا الموقف عشان انا وصلت لحيطة سد فلم يكن هناك سوي " لف وارجع تاني " بس هو زي مابيقوله ان دخول الحمام مش زي خروجه .. السكة الرايحة مش زي الراجعة عشان بتبقي معباه بخيبة أمل كبيرة خالص ..
مهو ده اعتراف فأنا بعترف في لحظة من لحظاتي القليلة جدا اني تعبت جدااااااا تعبت بغبااء يعني والادهي من ذلك ان انا مش بعمل اي حاجة تجاه الموضوع بس لما لقيت اعتراف قلت اعترف يلا بقي وكل سنة وانتو طيبين
من سنتين تقريبا كنت مع صحابي في الكلية لحد بالليل عشان البروجيكت وقبل مانمشي لقينا موبايل في الحمام الموب شكله جديد ماشاء الله ومش مستهلك حاولنا نفتحه عشان نكلم حد بس كام بباس حاولنا نشيل الخط منه ونستعمله عشان نتصل بس للاسف بردو معرفناش قولنا خلاص هانضطر نسيبه مع اي فراش وننزل بوست عشان صاحبته تلاقيه بس كنا خافيين يطمعوا فيه بصراحة ففولنا نعمل محاولة اخيرة وندور في القاعات ونسأل الناس يمكن نلاقيها قاعة اتنين تلاتة ولقيناها💜 كنا فرحانين جدا اننا رجعناه وانت مضاعش الحمد لله الموقف ده اثر فيا جامد وحكيتله علي الاكونت بتاعي بعدها بعد اسبوعين تلاته كان يوم تلات الدنيا زحمة والمترو عطلان والناس مش عارفة تروح وانا راجعة من الكلية شايلة حاجات كتير ومش قادرة امشي ولا عارفة اروح ركبت اتوبيس غلط ومشيت كتير ووقفت وأخيرا جه اتوبيس هايوصلني جريت عليه بسرعة جدا عشان كنت فعلا تعبت اوي طلعت حطيت شنطتي وحاجتي وبحط ايدي في جيبي اطلع الموب بتاعي ملاقتهوش ! للاسف كان اتسرق انهرت من العياط اول مادركت اللي حصل وكنت شبه العيال الصغيرة مش عارفة اتصرف مع اني شخص قوي في العادي الحمد لله بس طبعا ما باليد حيلة والحمد لله علي كل حال بعدها قعدت شهر من غير موب وبعدين بقيت امشي حالي بموب ضعيف كان شهر ومستحملنيش لاني بعمل كل حاجة بالموب باظ والدنيا بدأت تبوظ معاه شوية تتعدل وشوية تبوظ اكتر بس صبرت وقلت ربنا هايعدلها ان شاء الله بعد سنة ونص تقريبا وفي الوقت الحالي تحديدا انا معايا موب احسن مليون مرة من اللي اتسرق في كل حاجة ومبسوطة به جدا الحمد لله 💙💙 اللي عاوزة اقوله من كل ده ربنا مبينساش حد والله وعلي اد صبرك هايجي جبرك فاجمد كده واستحمل عشان ربك كريم 💜
مش بتاعتك من الذكاء انك تعرف امتی توقف متحرقش جاز و طاقه علی الفاضی Learn when to give up الكلام ده ينطبق علی شغل و علی علاقات انسانيه و علی حاجات كتير.
الفكرة كلها في حاجة بسيطة جدًا اسمها "التقدير"، يمكن الكلمة بقت بتتاخد كنُكتة وسخرية من فرط تكرارها، بس ده مينفيش إن كل حاجة مربوطة بإنك تحس إنك متقدر، في شغل بقى أو حتى أي علاقة إنسانية، إحساسك إن تعبك متشاف ومتقدر، بجد مش بالكلام بس، كفيل إنه يهوّن عليك أي حاجة.. بس غيابه كفيل إنه يخلي أي حاجة ملهاش طعم.