حاجة حاسس انك لو اتعلمتها أو اشتغلتها أو أو.. هتلاقي نفسك فيها وتحترفها
حلوة الأسئلة اللي تخلي الإنسان يعيد أكتشاف ذاته دي ..🤍🤗
أوقات بحس إن الحاجة دي هي الكتابة، بلاقي نفسي فيها وبتطلع مني أحسن ما عندي من تفكير ومشاعر، بقدر أعبر بيها عن اللي فضل جوايا وماخرجش بالكلام، أو خرج بس ماإتفهمش ولا إتقدر، ولا أتحس، أو لسه سايب آثر جوايا ..
نفسي أكتب عن كل حاجة مريت بيها و أتعلمت منها إيه وأنصح وأفيد غيري باللي فهمته وعرفته و أتعلمته، والكتابة هي المنفذ الوحيد لكل مَكنوناتي وأحلامي ..
حاسة لو ركزت معاها وحاولت أطور الموهبة دي وأنميها؛ هبقي أشطر كاتبة في جيلي 😌🤍
وأوقات بحس إني عايزة أبقي فاشون ديزاينر! 😂
في العيد الصغير مافيش حاجة كانت عجباني في اللبس المعروض كله أو المقاسات .. وقتها قررت إني هفتح براند وأصمم لبس علي مزاجي ومختلف عن كل المعروض، بس هيهات قولت لأمي وأختي علي الفكرة أتريقوا وسخروا من طموحاتي🤷🏼♀️
نفسي جدًا أتعلم السِواقه ويبقي عندي عربية خاصة بيا بس حاسه إني مش هبقي في آمان وقتها ولا هبقي متطمنه وأنا سايقه لوحدي.. فـ مكنسلة الفكرة، أنا ببقي راكبه العربية مع بابا وخايفه وبقرأ سورة الكرسي!🤭
حابة أتعلم لغات وأشتغل في الترجمة أو في مجالي الأصلي الإرشاد السياحي وألف العالم كله و أزور كل الأماكن السياحية وخاصة الإسلامية، في مصر كلها و برَاها، زي عمارة الجوامع والكنائس وأعرف كل قصصهم التاريخية،
نفسي أروح جامع آيا صوفيا بتركيا..🤍
نفسي أحفظ القرآن بالتجويد وأتدبره، وأقرأ منه ما أشاء في صلاتي وأقيم به الليل،
حاسه إني لو عملت كده هبقي أحسن بكتير وهتغير وهيفرق في حياتي وتفكيري بشكل كبير جدًا.. وده مش إحساس دي النتيجة الطبيعية للي بيصاحب القرآن..
عايزة أطلع عمرة أو أحج في العشرينات من عمري، وحابة أوي يكون ده في أقرب وقت اللي هو بداية عامي الجديد بالكتير مثلًا!
مع الشخص اللي هيكون رفيق دربي ونصفي الآخر، و زوجي .. نبدأ حياتنا مع بعض بيها علشان تكون بداية جديدة كلها خير وبركة وحُب😊
عامة كل دي طموحات وأماني متأجلة ومش هتحصل طول ما أنا في بيتنا وأنا مسلمه بده.
أوقات بحس إن الحاجة دي هي الكتابة، بلاقي نفسي فيها وبتطلع مني أحسن ما عندي من تفكير ومشاعر، بقدر أعبر بيها عن اللي فضل جوايا وماخرجش بالكلام، أو خرج بس ماإتفهمش ولا إتقدر، ولا أتحس، أو لسه سايب آثر جوايا ..
نفسي أكتب عن كل حاجة مريت بيها و أتعلمت منها إيه وأنصح وأفيد غيري باللي فهمته وعرفته و أتعلمته، والكتابة هي المنفذ الوحيد لكل مَكنوناتي وأحلامي ..
حاسة لو ركزت معاها وحاولت أطور الموهبة دي وأنميها؛ هبقي أشطر كاتبة في جيلي 😌🤍
وأوقات بحس إني عايزة أبقي فاشون ديزاينر! 😂
في العيد الصغير مافيش حاجة كانت عجباني في اللبس المعروض كله أو المقاسات .. وقتها قررت إني هفتح براند وأصمم لبس علي مزاجي ومختلف عن كل المعروض، بس هيهات قولت لأمي وأختي علي الفكرة أتريقوا وسخروا من طموحاتي🤷🏼♀️
نفسي جدًا أتعلم السِواقه ويبقي عندي عربية خاصة بيا بس حاسه إني مش هبقي في آمان وقتها ولا هبقي متطمنه وأنا سايقه لوحدي.. فـ مكنسلة الفكرة، أنا ببقي راكبه العربية مع بابا وخايفه وبقرأ سورة الكرسي!🤭
حابة أتعلم لغات وأشتغل في الترجمة أو في مجالي الأصلي الإرشاد السياحي وألف العالم كله و أزور كل الأماكن السياحية وخاصة الإسلامية، في مصر كلها و برَاها، زي عمارة الجوامع والكنائس وأعرف كل قصصهم التاريخية،
نفسي أروح جامع آيا صوفيا بتركيا..🤍
نفسي أحفظ القرآن بالتجويد وأتدبره، وأقرأ منه ما أشاء في صلاتي وأقيم به الليل،
حاسه إني لو عملت كده هبقي أحسن بكتير وهتغير وهيفرق في حياتي وتفكيري بشكل كبير جدًا.. وده مش إحساس دي النتيجة الطبيعية للي بيصاحب القرآن..
عايزة أطلع عمرة أو أحج في العشرينات من عمري، وحابة أوي يكون ده في أقرب وقت اللي هو بداية عامي الجديد بالكتير مثلًا!
مع الشخص اللي هيكون رفيق دربي ونصفي الآخر، و زوجي .. نبدأ حياتنا مع بعض بيها علشان تكون بداية جديدة كلها خير وبركة وحُب😊
عامة كل دي طموحات وأماني متأجلة ومش هتحصل طول ما أنا في بيتنا وأنا مسلمه بده.