هو ممكن تقول الاسئلة اللي فيها اذكار اللي ببعتها احيانا ل 2000 واكتر من الفولورز دي سبب شغفي اني مقفلهوش _ السبب التاني ان بحب اكتب مقالات بسيطه اجتماعية ونفسيه وتخص علاقات المجتمع بين الصحاب والاسر ومقالات تحت عناوين بكلمة وحده زي الحب والنصيحة والاكتئاب والطموح وحجات كتير لسه هكتب فيها _ تالت حاجه والاهم اني مره كنت محتاج دعوه ضروريه جدا بعتها للفولورز من شهور بس انون وناس كتير جدا دعتلي وربنا حققهالي علي اكمل وجه ،،، بس قريب هيقل شغلي ع الاسك وههتم بالقناة اللي هعملها ع تليجرام ، هتبقي مكتبتي والناس اللي هتشترك تقدر تستفيد بالمقالات دي ، قبل ما اعملهم كتب روائيه 🌝 ومنها هنزل ازكار وهحافظ عالاجر ولو احتجت دعوه هطلبها من المتابعين بسكدا 😁😂
لو ربنا كرم وحبيت تعمل حاجه خيريه هتكون ايه !!؟بلاش أفكار تقليديه ❤
نفسي ربنا يكرمني واوصل للامكانيات اللي تسمحلي اعمل مستشفي كبيره جدا كاملة عيادات وجراحه عمليات بكل انواعها باقل التكاليف او بالمجان وانا اتحمل رواتب كل الطاقم الطبي والتمريض والعاملين فيها
بيحب دايما ان الضوء يكون مسلط عليه هو
بيعيش مشاعر حقيقيه ومستني من الناس تتعاطف معاه ولو مفيش تعاطف يبقي انت كدا جرحته وسببتله اهانه
التعامل معاه بالظبط كإنك سمحت لشخص يدخل جواك ويشرح جسمك بكل معني الكلمه
شخص عنده كاريزما وذكي جدا بيجذب الناس ليه ،دايما بيلوم الآخرين ويشعرهم بالذنب وان الناس غلط وهو دائما اللي صح ،بيحب يكون له شعبيه وسيط حواليه ،بيحب يلعب دور الضحيه علشان الناس تتعامل معاه وتنجذب له وتتعاطف معاه جدا ،بالرغم أنه معندهوش القدرة علي التعاطف مع الآخرين ...
معلومه بسيطه للفولرز القارئين : الذكاء من صفات النرجسي ولكن ليس كل ذكي نرجسي ،،
هو شخص بيخلق لنفسه بالونه عاملها ومجرد ماحد بيحاول يفرقع البالونه دي بيكشفه علي حقيقته في نوعين نرجسي متعاظم ونرجسي هش
الفرق بينهم تقريبا يعني
الأول ممكن يأذي لو حد حاول يفرقع البالونة ال عاملها
التاني هيتأثر ويحزن وسهل يعترف بعدم وجود البالونة فعلا وسهل انه يتعالج على عكس الأول..
ادام الله عليكي الفصاحه والحكمه وسعة الادراك واسعد حياتك 🌺
" عندما أجلس مع من كانوا ملحدين و أستمع إلي قصص إسلامهم... و عندما أرى رد فعل سماع الآذان و القرآن على من لا يعلمون بوجود دين الإسلام أساسا أشعر أننا مقصرون جدا جدا تجاه هذا الدين ".. 💔
بص الفراق بيتاثر بيه الطرف الاكثر ود وحب وعشق سواء رجل او مرأه ، انما فراق الموت بيتاثر بيه الاتنين بنفس الوجع والفاجعه بس غالبا مش دايما وجع الفاجعه دا بياخد وقت اكبر مع المرأه عشان تعدي المرحله دي ، انما احيانا برضو تلاقي راجل احساسه زي كدا وهي عامة ليها علاقه بالمشاعر اللي عنده مشاعر بيتاثر جامد
بعض الاوقات بيبقي الجدال في حق من الحقوق تقليل او اهانه لنفسي وانا اعز من نفسي مفيش بعد معزة امي وابويا يعني ، المهم بفضل اني متجادلش ولا اي شئ بسيب حقي بس في نفس الوقت قبل ما اقرر كدا بكون قررت ان الشخص اللي وصلت معاه لكدا بقطع علاقتي بيه نهائيا لا ولا سلام حتي ، لو رجع وحس اني دا حقي وحب يراضيني بكون لا عاوزه ولا عاوز حقي المهم الشخص دا ورقة واتحرقت بالنسبالي مهما كان....
ربنا يرزقهم الهدوء وصفاء البال ويقظة العقل وحسن تدبر القلب ، ربنا يبعد عنهم التوتر والقلق وشدة الاعصاب والشك في مذاكرتهم ومجهودهم ، ربنا يرزقهم الايمان والثبات علي انه ما شاء الله كان وما لم يشئ لم يكن ربنا يحقق امانيهم واماني اهاليهم يارب ويجبر خاطرهم 🌸