Space ❤️
احساس انعدام الشغف دا بيطفي الابتسامه اللي دايما منوره ، زي شعور ان حواليك كل حاجه ممكن تفرح اي بني ادم او تعيشه عيشه ميسوره ، لكن السبب لا يعود الي نقص شئ او الاحتياج لشئ اخر ، هو ارهاق نفسي عميييق جدا ، اليوم بيبدا وينتهي بدون صوت ولا همس ، ايوا عارف واجباتك وحقوقك واللي عليك النهرده واللي بتعمله واللازم منك انعدام الشغف بيخليك تعمل كل شئ بدون رغبة ومنغير ما تحسس حد انك هنا بتهرب من اي كلام لمجرد انك مش عاوز حد يقولك مالك متغير ليه ، مش عادتك !! انعدام الشغف بيخليك لو قدام احب اشياءك واحقرهم تشوفهم ولا شي لا هتقرف من احقرهم ولا هتجري وتطير علي احبهم ليك ولا اي حاجه بتتمناها هتحركك ، يمكن بتتجنب اي نقاش او كلام في اي شئ مع اهلك او الناس اللي حواليك ، احساس كدا زي ما تكون عايش لوحدك لا ليك نفس لاكل ولو فيهم الاكله المفضله ولا شرب ولا اي حاجه ، انعدام الشغف زي بيحسسك ان الدنيا كلها علي شاطئ وانت لوحدك ع الشاطئ التاني ، احساس مقرف فعلا اللي هو انت شايف صحابك بيقربوا منك وبيسئلوا عليك بس انت معندك الطاقه للرد او انك تسال مره زي ما بيسالوا ، ظاهرا بيخليك منسحب او صحابك يشفوك بتبعد ويدوروا علي السبب لكن للاسف ليس الا انعدام الشغف وانطفاء الروح 💔 ،،
