مينفعش يقول حتى لو سالت ودا مش كلامى دا كلام الشيخ محمد عطيه...
لو هو نسى الاولى وتاب خلاص اذن ميقولش حتى لو سألت.
هو مينفعش يقول طبعا عشان مراعاة لمشاعرها لانه لو سالها وقالت الحقيقه وكان ليها علاقه عيخلق سبب ويسيبها وميكملش معاها وهي كمان ممكن لما يصارحها ويقول الحقيقه ممكن هي تخلق سبب وتسيبه عشان كدا ، وبالتالي لا بد السماح بين الطرفين وان في ناس ملهاش ماضي لا حب ولا غيره وبالتالي لو كانت الصراحه تكشف ان دا رقم واحد في حياة دا ، ودا رقم اتنين في حياة دا فهتبقي الانفس مش متناغمه ولا في رضا من الكبرياء ولا القلب ولا شي ، ربنا يستر عباده والشيخ محمد عطية مفيش بالنسبالي انتقاض ولا ليا اني انتقد هو راجل علي علم في المجال دا وصاحب خبرات جامده بالاسئله اللي بيجاوب عليها ، اذن دا كان رايي الشخصي ، هو برضو ممكن تتحسب عليه كذبه بيضه الله اعلم عليها وزر ولا لا من باب "الغاية تبرر الوسيلة"
واقعياً :
ليست كل امرأة يمكن استبدالها بأخرى ....؟ هناك إمرأة لو ضاعت منك وفرطت بها فلن تجد من يشبهها سوف تمضي بقية حياتك تجمع بقايا صورتها من ألف إمرأة أخرى لكنك لن تتمكن من جمعها لتعوض غيابها.
#F
المرأه الاصيله بس اللي متتعوضش ذات الاصل الطيب والدين والخلق اللي قلبها علي بيتها وجوزها ، اما غير كدا ملهاش لازمه يعني النكديه اللي بتخترع الخلافات وتطين عيشته يبقي جدع لما يفرط فيها مش هيبقي تعب شغل بره البيت ونكد ومشاكل جوه البيت ،،
نقول بسم الله الرحمن الرحيم ❤https://t.me/A7med01128دا للينك قناتي ع تليجرام ، يارب تعجبكم ويعجبكم المحتوي هتكون محتويات لكل الفئات العمريه ، اللي حابب يتابع القناة ياريت يشارك اللينك دا ويدعمني ، القناة فيها مشترك واحد هو انا 😂 اتمني بعد وقت مش بعيد تحتوي علي 1000 متابع او 10000 😂بستان الورود الشائكةة 💐💛 انتظروا الموضوع الاول خلال ساعات متاكد هيعجب الجميع 😌💙💙
لازم تكون دكتور او مهندس علشان تكون محترم ولازم تكون طويل ابيض نحيف وجميل علشان تكون محترم ولازم تكون تعرف englishوتكتب شعر وتتكلم من مناخيرك وتستعمل أحدث موبايل واحلى لبس علشان تكون محترم ولازم تكون ابن عيله كبيره وعندك وورث وفلوس ومعارف كتير علشان تكون محترم
كعرب احنا عنصريين اكتر من غيرنا
علي فكره اقسملك بالله انت لم تذكر صفة واحده من صفات الاحترام حتي الان ، انت متخيل انت سؤالك متخلف ازاي !!!!!!!!انت كل اللي ذكرته دا نعم من ربنا واحد ربنا كرمه وبقي دكتور او مهندس فيها اي اكيد تعب عشان يوصل ، واحد ابيض وطويل وبتاع وواحد شعره اصفر واللي عنيه كذا وغيره ما دا من خلق الله برضو مالها بالاحترام الصفات دي ، والاسمر او الاسود ما دا من خلق الله برضو معني ذلك انه مش محترم !!!! مش هتناقش كتير ، واسف عاللفظ اللي فوق ومش هعدله اكيد لو بتسال باليوزر مكنتش هرد عليك بالشكل دا ،، سامحني اتعصبت 🙂
قل لن يصيبنا الا ما كتب الله لنا ولا حاجه تاثر ولا المفروض ان القلوب والانفس تتعب بسبب الكليه بس الواحد احيانا بيصعب عليه نفسه لما يشوف احلي ايام حياته وشبابه رايح في ضغط وقلق وتوتر الكليه وسنينها اللهم اخرجنا منها سالمين
لا والله اتمنى اكون كده انا مش ف نعمة لانه كله بيجى على اعصابى ونفسيا بتئذى الموضوع صعب مش سهل زاى ما انت متخيل يعني انا هفضل كده على طول !؟
هعملك مقارنه بين الانسان الحساس والانسان الجبله ،،، واختار انت تحب تكون مين فيهم ____الانسان الحساس ،،، دايما تلاقي كلامه والفاظه من قلبه وضميره مش بيحتاج يفكر كتير في كلامه لان احساسه بيمنعه بكل تلقائيه وبراءه انه ميجرحش حد في الكلام او يقلل من حد حتي لو الشخص اللي قدامه فعلا قليل وميستاهلش التقدير بس هو مش عاوز يحسسه بانه قليل او انه مش محل تقدير واهتمام مراعاة لمشاعره ، الحساس دايما بيهتم بكل حاجه للي حواليه والغالين عنده اهتمام كبير الي حد ما ، دايما بيحب يضحك بس لو ضحكته هتاذي حد بيمنعها برضو وضحكته بريئه كل اللي فيها ان الموقف ضحكه ، دايما بحس باللي حواليه فرحهم زعلهم كل حاجه حتي لو محدش قاله ، تلاقيه بيساند في وقت الكل بيتهرب فيه تلاقيه موجود في فرحتك لو انت واخد مكان في قلبه صاحب او جار او ...الخ ، مبيسيبش حد قدامه زعلان بيكلمه ويفضفض معاه عشان يشوفه مبسوط ، كتير الانسان الحساس بيزعل من حجات بسيطه وبيفرح من حجات بسيطه ، دايما لو حس بزعل حد قريب منه هيفكر في كلامه ربما يكون زعله من غير ما ياخد باله ، دايما بيبدأ بالخير ، الانسان الحساس بيعمل اللي يقدر عليه عشان يسعد اللي معاه مش مستني رد اطلاقا عالاقل يلقي تقدير لدا ، بيحب اللي يقرب منه جدا بلطف كدا ، بيعرف يبعد عن الناس اللي كلامهم دبش كدا ومؤذي الناس اللي مبتعملش حساب لزعل حد ولا حاجه......_الانسان الجبله ،،، دا ديما مبيفكرش في كلامه ولا افعاله هتزعل حد ولا هتاذيه لا حاجه كل اللي بيعمله انه بيرضي لسانه المسموم او شخصيته العقيمه ، دايما دا تلاقيه بيضحك برضو بس ضحكته دايما في الوقت المؤذي ، كلامه دبش كدا زي ما يكون بيحدف طوب حتي مع اقرب الناس ليه ، دايما لو قدر يتحرك في عمل شئ هيبقي لمصلحته الشخصيه ، انما لو في حاجه هتفيد الكل دايما بيسندها علي حد غيره ، مش بيحاسب نفسه ضميره نايم تقريبا بس دايما لما حد يبعد عنه بيبقي غبي شايف نفسه ملاك وميعرفش يرجع ويقول يمكن انا زعلته ، دايما الجبله دا الناس ببتلاشي الكلام معاه منعا للاذي وان كان الجبله كتروا اليومين دول بس يبقي الانسان الحساس هو البستان اللي مليان ورد وروائح عطره متنسمه ، لكن الجبله زي الارض اللي كلها شوك وبس مفيش حاجه كويسه تحبب الناس فيه ، هتلاقي اللي حواليه قريبين وبيغرفوا يتعاملوا مع نطاعته ويمكن جبله زيه ، الانسان الجبله دا مش طيب الانسان اللي بيأذي بالكلام مش طيب لانه لو طيب كلامه هيبقي طيب افعاله طيبه بيقابلك مبتسم وبيسيبك ع الابتسامه بص حديث النبي صلي الله عليه وسلم ،، عن أبي هريرة رضي الله عنه عن النبي صلى الله عليه وسلم أنه قال: «يدخل الجنة أقوام أفئدتهم مثل أفئدة الطير» صدق رسول الله صلي الله عليه وسلم ❤❤❤ الطيب كلامه وافعاله محبوب والطائش كلامه وافعاله مذموم ،،، 🖐
الاكتئاب اوهام انت اللي بتخليها تغرقك وتحطم معنوياتك وتهدر قواك الجسديه والفكريه ،،، هنتكلم عن الاكتئاب وهخص بالتحديد الاكتئاب عند الشباب في العشرينات والتلاتينات ، بص كدا غالبا وصف الاكتئاب كالآتي : الاكتئاب مرض نفسي شائع يميّزه الشعور الدائم بالحزن وفقدان الاهتمام في الأنشطة التي يتمتع فيها الشخص عادةً ، وإضافة إلى ذلك ، يبدي المصابون بالاكتئاب العديد من الأعراض التالية في العادة مثلا فقدان الطاقة؛ وتغيّر الشهية؛ والنوم لفترات أطول أو أقصر؛ والقلق؛ وانخفاض معدل التركيز؛ والتردّد؛ والاضطراب؛ والشعور بعدم احترام الذات أو بالذنب أو باليأس؛ والتفكير في إيذاء النفس أو الانتحار ، الاحساس الدائم بالتوهان بس مش عارف ليه اي السبب يعني ، تحس نفسك كدا وع حسب مدي سيطرة الاكتئاب عليك انك اتصدمت في حجات كتير مكنتش متوقعها في علاقات مع القريبين منك صاحب او زميل معاك في كليتك او زميل في شغلك او حد بتحبه ومقرب اليك ، هتحس ان الدنيا واقفه ضدك كل الظروف والطرق عكس شكلك وحياتك ، تحس بالخذلان وانك مش فارق مع حد او علاقات انت كبرتها فقلبك وفجأه تحس انك كنت غلطان في كدا بدون اسباب انت بتظلم اللي حواليك ومكبر الموضوع عزيزي المكتئب العبيط 😂 باختصار كدا كل دي مشاعر فقط لمجرد انك مش في حالتك الطبيعيه كلها اوهام ، متخليش نفسك توصل لدرجة زي كدا من السوء النفسي بلاش تخلي افكار ومشاعر تهدر قوتك وتهد كتافك وتعميك عن حجات كتير تستاهل تكون في طبيعتك عشانها ، لو في سبب للاكتئاب في مليون سبب تكمل عشانه وتكون نموذج ذو وقار لناس كتير حواليك فكر صح عيش بمشاعرك وقلبك لحظه وبعقلك لحظات ربنا رزقنا كلنا عقول عشان نفكر ونميز بيها بين الخير والشر ، فكر كدا كويس هتلاقي نفسك مع احترامي ليك اهبل ربنا اداك نعم كتييير لا احد يحصيها تعرف لو وهبت وقتك كله لشكر وحمد الله عشانها مش هيكفي ، لو بصيت حواليك هتتاكد ان حالك احسن من ناس كتييير جدا وراضيين وحياتهم ماشيه وطبيعيه ، بس انت اللي وصلت نفسك للضعف والحاله اللي ملهاش معني حاله باهته تصعب عالكافر غير انك ،،،بعدت عن ربنا الحقيقه اللي انت مش واخد بالك منها ان الاكتئاب دا لو بصيت علي وصعك صح هتتاكد ان من اسبابه ذنوب وحطت علي كتافك افعال بتعملها ولا انت داري ربنا راضي عنها ولا لا ناقش نفسك كدا واعمل قعدة حساب هتلاقي نفسك وصلت لكدا عشان مقصر في حق ربنا عليك ، متحاولش تقنعني انك بتأدي واجبك مع ربنا ومكتئب برضو لان القريب من ربنا بيحمده دايماً علي كل الاحوال ومع الحمد يأتي الرضا بقدر الله اياً كان ، القريب من ربنا لو ابتلي بيصبر واجره علي الله وهو راضي ومتاكد ان كل شئ قدره الله خير ايوا انت اتمنيت حاجه وبتحصل حجات عكسها لكن اعلم ان كل شئ من عند الله خير سواء تمنيته ام لا ربما لو حصلك اللي اتمنيته كان فيها ضياعك متعرفش الغيب فيه اي ، قل الحمد لله وتوكل علي الله واجعل الله وجهتك وناصيتك ولا تنتظر من الدنيا شئ عامل الناس بما يرضي الله ولا تنتظر الرد اترك فعلك لله ولك الاجر ، وسع صدرك كدا ومش كل حاجه تاخدها علي قلبك كانك رُزقت الحكمه في قلبك وعقلك ولسانك ،،، 💜💜🌸
في حجات بتعزل الانسان عن العالم خالص كدا وتغمي عنيه عن مسؤلياته وحياته اللي مش ملكه لوحده زي الاكتئاب واليأس وان قلبه يتعلق بحد ويحبه ويسيطر الحب دا عليه متسمحش لحاجه من دول تعطلك عن مسئولياتك وواجباتك ولا تخطفك من نفسك وتتعلق بيها او تسيطر علي حياتك باي شكل كل واحد بيكتئب وبتجيله حالات يأس بس بيتعداها كل انسان لما يفكر بس انه عاوز يتعداها وبينجح في دا مع اختلاف درجات الاكتئاب وبالاخص طلاب هندسه بتبقي فترة اعوذ بالله اللهم احفظنا لنا ولاهلنا وهي فترات مش فتره وبتبقي كتيره وطويله مع كتر التعود والصبر والمعافره ربنا بيقف معانا وبتعدي غير الاكتئاب واليأس ان حد يرسم حياته في حد بيحبه وقلبه اتعلق خلاص وحاسس انه مش قادر يبعد وكل ما يبعد نفسه عن الحب دا قلبه يقرب اكتر تقريبا بيكون سيطر علي حياته الحب وميسيطرش عليه الا لو كان حب بجد زي الاكتئاب واليأس الحب دا كلهم متعلقين بالقلب نقطة الاكتئاب واليأس والحب وكتير حجات بتسيطر علي الانسان من قلبه ، ربنا يقرب قلوبنا لطريقه اكتر وينورها ويبعد عننا كل اذي ويقرب مننا كل خير وكل اللي بنتمناه وهو يرضاه بالخير لنا ربنا يرزقنا الصبر وقوة التحمل ويحببنا في حياتنا ويسهل امرها علينا ،،،اتمني كتاباتي تعجبكم 💜