هو انا عشان رفضت شخص مش حاسه نحيته بالقبول من ناحيه شكله ولا كلامه بس هو طيب يبقي انا كده وحشه ويرفض نعمه ربنا ممكن تفهمني رجاء عشان عمالين يضايقوني بتكلام
لا طبعا انتي صح وهم غلطانين، انتي لازم تختاري الانسان اللي قلبك يحس معاه بلهفه وشغف وحب تختاري الشخص اللي عينك تقبله وتعجب بتفاصيله، بس اجعلي مصادر الاغراء بالنسبالك في اختيارك للشخص دا قربه من ربنا شخصيته القويه طريقة كلامه وحكمته في تناول النواضيع، انطباعك عنه انسان قلبه حنين وطبعه لين وهادي حتي لو قاسي هيقسي ع الدنيا كلها وهيلين ويحن معاكي انتي،،، محدش له الحق يختارلك ولا يلومك، بس انتي متجعليش اختيارك للشخص سطحي لا خلي في مبادئ وتفاصيل ترضي ربنا اولا ثم ترضيكي لازم يكون عندك حكمه كويسه واتزان في اختيار الشخص،،، متجعليش الامور الزائله مصادر اغراء الماديات بتروح والمظاهر بتروح وكل حاجه بتروح وتتبدل وارحع تاني والدنيا حالها بيتغير، اختاري الثوابت اختاري القلب اللي متعلق بربنا هيصونك ويرعاكي ويعاملك معامله متتوقعيهاش مهما الدنيا عملت معاه او بقي اغني الناس او افقر الناس او غاب عنك او معاكي لا هيخونك وهو بعيد ولا هيظلمك ويتجوز عليكي وهو غني وفي فقره هيحرم ع نفسه الاكل ويأكلك انتي هيرعاكي في مرضك وتعبك وكل احوالك،، بس الوعي دا اللي بكلمك عنه اغلب الشباب ميعرفهوش ولا حد بيتعمق في التفاصيل دي،، عشان كدا بقولك اختاري القلب الطاهر اللين وهو دا الشئ المغري في الانسان لانه مبيتغيرش ابدا،، لكن حتي في عدم وجود الوعي في التعامل الزوجي والاسري دايما القلوب الطيبه الهينه اللينه بتطلع اجمل ما فيها واجمل من الكلام للي قولته دا كله
في مقوله بتحكي اللي مش عاجبه حاله يروح اي مستشفي يشوف من بعيد حال المرضي في الانعاش والعمليات وحال اهلهم ويحمد ربنا ع النعمه اللي هو فيها، اللهم لك الحمد ابدا ما احييتنا يارب 💕🦋
البنت اللي بعتت الكيو اللي فالصوره دا اتمني تشوف الانسر دا يااارب لاني استحي والله ان الفولورز يشوفوا اول سطر 🤷🏻♂️اولا عشان تاخدي نصيحه من وحده ست زيك حاولي تتواصلي مع الدكتوره هاله سمير ابحثي عنها وهتوصليها واتصلي ببرنامجها، اللي معندهاش مشكله متكملش قرايه ياريت !!!!!! . . . . . . . . . . . . . . . . . . . . . . . . . . . . . . . . . . اما لو محتاجه نصيحه مني انا ف انا هقولك كلمه وحده بس، انتي في بلاء من كل من كل 100 بنت بتتعرض للبلاء دا 10 بنات ع الاقل في زمن الفتنه دا او اكتر بكتير كمان، المهم عشان تنجي من البلاء دا الزمي الفضفاض والاحتشام ايوا وسط اهلك قدام ابوكي واخوكي وحاولي تكوني مع امك دايما متفارقيهاش، واحكيلها ع ملاحظتك دي، للاسف الشخص اللي بتتكلمي عنه دا اكيد مريض مش واعي ولا مستوعب ولا عقله حاضر اكيد مش بيصلي ولا يعرف طريق ربنا ولا عنده قلب يخاف ربنا، ربنا يسترك ويرزقك بواحد ابن حلال يطلعك من الاسره دي ، ولما تتجوزي البسي براحتك لكن طول ما انتي عند اهلك وعايشه فالجو الشيطاني دا البسي واااااااسع وهدوم تقيله لا تصف ولا تشف وحسبي الله ونعم الوكيل 💔💔
”قيل لأحدهم: كيف تعرف من يحبك؟ قال: من يحبني يشعر بالنقص من دوني ولو امتلك كل شيء، يشتاق إليّ ولو كان حوله ألف حي، هو الذي يعاملني كأنه يراني لأول مرة ويحافظ علي كأنني الوحيد فى العالم، هو الذي لا يعترف معي بالنهايات، ويحبني كل يوم مثل البِدايات.”
سبحان الله ♥
الحمد لله ♥
لا اله الا الله ♥
الله اكبر ♥
لا حول ولا قوة الا بالله ♥
استغفر الله العظيم واتوب اليه ♥
لا اله الا انت سبحانك اني كنت من الظالمين ♥
ياحي ياقيوم برحمتك استغيث اصلح لي شأني كله ولا تكلني الي نفسي طرفة عين ♥
الصلاة علي النبي ♥
اذكار الصباح اثابكمُ الله ♥
مخنوقه اوي معتش عندي اصحابي.. اخواتي مشغولين في حياتهم وعيالهم مفيش حد اكلمه 💔💔
مكنتش ناوي اانسر ع حاجه تاني النهرده بس الشاوت دا ميضيعش مني لما اصحي ،،، بصي يا اختي الله يسترك ويحفظ عليكي قلبك وطمأنيتك، نصيحة خديها مني طول حياتك وعلميها لاي بنت وست عشان حياتها تبقي مظبوطه متضعفش وتسند اللي حواليها، اوعي يا اختي تستسلمي للفراغ نهااااائيا، مش لازم يبقي عندك صحاب ولا حد تحكيله ويحكيلك، احفظي قلبك ونفسك وانشغلي بالقران قراءه او استماع اشغلي وقت بعمل اكلات جديده تابعي قناة cbc سفره وتابعي الدكتوره هاله سمير ع الفيس احضري مسلسلات او افلام او لو لسه في كليه او بتدرسي ذاكري او اقري كتب اسلاميه وتاريخيه اقري عن الجنه وحياة امهات المؤمنين المهم اقتلي الفرااااااغ وخدي اجر وثواب ، صدقيني حياتك هتتغير ومتحنيش ولا تفكري فالحب والحجات دي ربنا يكرمك بابن الحلال قريب يااااارب اللي يسمعك ويهون عليكي تكونوا سند لبعض، حياتك مش فريده من نوعها علي فكره خدي الاعظم بقي ،، وحده صاحبة اختي هي اصغر اخواتها وكلهم متجوزين وامها متوفيه وابوها راجل كبير فالسن وهي لسه في تانيه ثانوي، تخيلي مين يرعاها ويحن عليها ويقولها الكلام اللي الام بتقوبه لبنتها في المرحله دي والمراحل اللي بعدها، امي مش عامله فرق بينها وبين اختي ودايما بتكلمها وتسال عليها محسساها انها بنتها والله واكتر وكل ما امي تكلمها بلاقي دموعها تنزل، الموضوع صعب فعلا لما تكون البنت اصغر اخواتها وفي فجوه عدد سنين بينها وبين اللي قبلها من اخواتها بيكون الكل اتجوز وقد تكون فقدت امها او ابوها، لكن لكل وحده فاقده والدتها ربنا يحنن قلوب الامهات عليها وكل اللي فقدت والدها ربنا يجعل سندها كل جدع بيخاف ع اخته او بنته، طبطبي علي نفسك يبنتي محدش واخد منها حاجه ومتطلبيش الاهتمام من حد كوني عزيزه واهتمي بنفسك وثقي ان ربنا هيعوض عليكي من كل خنقه وضيقه ووجع قلب بناس يحبوكي ويخافوا عليكي، ومتبعديش عن اخواتك ومتنقطعيش عنهم احشري نفسك وسطهم ووسط زوجاتهم وعيالهم واقضي علي الفراغ ومتقعديش لوحدك كتير لا دايما اقعدي شوية مع كل حد من اهل البيت عنك حتي لو طفل وما اصفاها محاكاة الاطفال ومحاباتهم 🖤 يارب يارب اكون عرفت اهون عليكي ودليتك علي فايده تشغلك عن نفسك وتفكيرك ،،، اهاا نسيت حافظي ع صلواتك واحتشامك في بيتك برضو ومتقفيش قدام المرايه كتير وحاولي اغلب وقتك تكوني علي وضوء ،،،