لو اكتشفت إن والدك متجوز على والدتك وهى طبعا متعرفش، هتتعامل ازاى مع الموقف ؟ هتطنش كأنك معرفتش حاجة، ولا هتروح تبلغ والدتك وتتعامل هى مع الوضع الحالى، ولا هتتكلم مع والدك إنه لازم يعرف والدتك وإلا هتقولها أنت، ولا هتخلى حد أكبر منط يكلم والدك ويشوف ايه السبب والتصرف يكون ازاى؟
لو مامتك عرفت علي الأغلب هتخسر كتير البيت اللي كان مستقر أو الي حد ما مستقر احتمال كبير يتفكك لان علي الأغلب مامتك مش هتقبل بضره وأخواتك لو عرفوا هيكرهوا باباك. لو اتكلمت مع ابوك هيقولك دا حقي والشرع حلل لي 4 ومش هتوصل معاه لحاجه في حقائق لما تخبيها أحسن .
عندي ٢٠ سنه وامي محسساني اني عنست وكل شويه تقولي انها عايزاني اتجوز، رغم اني ف كليه صعبه ومبفكرش ف الحاجات دي دلوقتي ولا بيقابلي شخص مناسب وبرفض مثلا!
كملي تعليمك اهم انتي مش عنستي ولا حاجة لسه بدري بس بعض الأهالي لما بيشوفوا بنات اصغر مننا اتجوزوا بيقارنوا بينك وبينهم بس طبعا تعليمك اهم لما تخلصي جامعة ويجي شخص مناسب ابقي فكري . اقعدي مع مامتك واقوليها انك عايزة تخلصي كلية الأول وان شاء الله هي هتقتنع.
ارتبطنا فتره قصيره وكان بيعاملني بحنيه واهتمام مكنش مقصر معايا وسابني بعدها يمكن أسباب مني ويمكن لأسباب عنده حاولت كتير معاه انو يرجع رفض والعلاقه انتهت دلوقتي احاول تاني معاه ولا ايه مع العلم هوه كويس جدا
يعني حد سابك ومش عايزك في حياته وانتي بتفكري ترجعي له تاني!!هو مش اتمسك بيكي علشان انتي تدوري عليه
ابني بيت لعائله فقيرة في مصر في مساجد كتير جدا دا غير لما تنقذ أسرة من التشرد فأنت أنقذت حياة كاملة من أنه يختلط باصدقاء السوء ويتعلم الإدمان أو غيره انقذته من النوم علي الرصيف. هترسخ فكرة أن الخير في أمة محمد ليوم الدين وهبقي قدوة ليه ونفسه لما يكبر يعمل زي ما انا عملت . يكفي انك هتقدم له دعم معنوي .
مش بقتنع بأي علاقة اي كانت علي social media عموماً لان اسمه عالم افتراضي مهما كنا قريبين وبنتكلم كل يوم chat مش هيغني عن المقابلات عن دعم اللي حولينا دا غير لما حد بتكلمه face to face بتقدر تعرف مشاعره تجاهك أما chat مش بتعرف غير اللي هو عاوزك تعرفه وبس .