أنا ممتن جدا لاي حد بيقولي كلمه حلوه حتى لو على سبيل الهزار في اليوم الصعب دا من زحمة سكاشن وجو حر ويوم فعلا صعب
انا من الناس اللي بتسمع الكلمه الحلوه من هنا قلبها يطير من الفرحه هنا
أنا شخص بسيط اوي من اقل حاجه بيفرح 🌝🤍
اسعي كتير ابذل مجهود في سبيل حلمك ، اتعب جامد لأن وقت النجاح هيهون كل تعب مهما كان، انت ماشي في طريق صح طول ما بتسعي لحلمك مهما كان ايه ، بجد خليك فخور بنفسك مهما وصل بيك الحال ، وديما احمد ربنا علي كل اللي مر وكل اللي هيجي ،ربنا يوفقك ديما ويجعل سعيك كله خير وتوفيق ويرزقك حلمك، وبالتوفيق ديما يارب 🌼
سابني بعد اربع سنين وبعد ما وقفت جمبه وخليته يقف على رجله سابني من غير سبب مش عارفه ابدأ تاني ولا اعيش حياتي حتى 😭
بالعكس ده اكبر دافع يخليكي تبدأي من الأول تاني وتالت وعاشر كمان ، انتي شخص بذلتي مجهود ومشاعر وفي الأخر كان اتجاهها مش في محله ، يبقي ترجعي كل مجهودك ومشاعرك دي لنفسك وبنفسك ♥️
قولنا بتتخطى الفترات الصعبة في حياتك ازاى بعد ما تتصدم في كل اللي حواليك.
باخد فتره ابعد فيها عن كل حاجه وكل شخص حواليا لأني مش بعرف اتخطي اي حاجه غير لوحدي بس ، بعيد حساباتي كتير ، وفي كل مره بيكون عندي يقين بالله في كل امر بيحصل انه خير ♥️
امتى اقول او احدد اني حبيت اللي قدامي محبه حقيقية ومش مجرد اعجاب!
لما تلاقي نفسك لاغي عقلك والمنطق مع الشخص ده ، لما تلاقي ان زعله يزعلك وفرحه يفرحك ، لما تلاقي نفسك تلقائي وحقيقي مع الشخص ده ، لما تلاقي اسمه في كل دعواتك ، لما ترتاح في وجوده ، لما المشاكل الماديه والمعنويه ملهاش قيمه قصاد وجوده معاك .