انا شايفه انى محظوظه جدا بجد عندى صاحبه واحده بس وحقيقى مش بتخيل يومى من غيرها مش ببقى مبسوطه غير وهى معايا ربنا يباركلى فيها ويخليها ليا ويسعدها دايما ويبعد عنها كل شر ♥ shaza❤🌏
صباح الخير ، قوم من السرير بتاعك وروقه وافتح شباك أوضتك وخليها منوره بـ نور ربنا واتنفس هوا نضيف وقول أذكار الصباح واتوضي وصلي ركعتين واعمل مشروبك المُفضل مع الفطار اللي تحبُه ومتشيلش هم حاجه ، عيش النهارده كإنه أخر يوم ليك ، فـ عيشُه زي ما هيبسطك ويريحك❤️
مساء الخير.. كل ما تلاقي نفسك مُحبط خد نفس عميق كده وافتكر إنك مش في سباق مع حد ولا مُضطر انك تثبت حاجه لحد وإن كل حاجه هتيجي في وقتها وان الدنيا مش ٢٤ قيراط زي ما بيقولوا، الدنيا دار بلاء وابتلاء، دار اختبار، ده امتحانك مش دي نهايتك، ولازم تتأكد ان رزقك مش هيروح لغيرك، لا رزقك في الفلوس ولا رزقك في الناس، وكله بيتنسي وكله بيعدي؛ صعب .. سهل .. والله هيعدي.