مش عارفة أنا وجهة نظرى أن دى حاجة مش بتتحدد لانى مش هفصل حد على ذوقى .. و لما بتعرف حد بتاخده لوكشة واحدة كله على بعضه بالحلو اللى فيه و الوحش .. و انا كنادين مفيش مواصفات معينة فدماغى نهائي 🤷
شعور جميل أوي لما يكون في حياتك شخص تشاركه كل حاجة، سواء كانت حلوه ولا وحشه، تروح تحكيله كل حاجة وانت متأكد إنه هيفهمك صح ويقولك تعمل ايه، شخص تبقي مستريح وانت بتتكلم وتتعامل معاه وتتكلم من غير حدود، من فضلك لو الشخص ده موجود في حياتك حافظ عليه أوي .
ما هى فعلا فترة و هتعدى بس الفكرة فى أن الوقت اللى هيعدى مش هيرجع تانى و لو كان المفروض انك تعمل حاجة فالوقت اللى عدا دا و معملتهاش هتندم .. لا و الفكرة بقا انى عارفة الكلام دا و مقتنعة بيه بس كمية تناحة نازلة عليا يا ساتر يا رب 😂
و لا حد .. لانى من الناس اللى بتراجع نفسها دايما و لو حسيت أنى زعلت حد حتى لو بحاجة انا مش قصداها بقعد افكر كتير و ضميرى بيقعد يأنبنى و بينتهى بيا الأمر انى بعتذر فى ساعتها
كنت هقولك حب نفسك بس برضو هتسأل احب نفسى ازاى هيا هيا .. 😂 دايما شجع نفسك على أقل حاجة تعملها سيبك من كلام اللى حوليك و نقدهم ليك و متقارنش نفسك بحد لان النقطة دى بتحسس بالنقص اوى .. خلي طريقتك لطيفة و مقبولة مع اى حوليك لأن قبول الناس ليك بيديك حد كبير من الثقة فبتالى هترضى عن نفسك .. حاول تقرا كتير بص لنفسك فالمراية و اقتنع بنفسك أنا بعمل كدا دايما و بقعد اكلم نفسى قدام المرايا زى الهبلة آه 😂
ابويا عاوز يخطبلي غصب عني ي جدعان و مش مقتنع اني صغير لسه اولي جامعه
يعم انت لسا طالب يعم .. قوله لاااااء أنا عندى طموح و بتاع و لما احقق ذاتى الاول و اشتغل ..و قوله بقا ان كل مصاريف الجواز هتبقى عليك يا حج يا والد يا جميل انت و انت اللى هتفلس