فى فيلم أجنبي البطل سأل البطلة قالها "إيه أكتر حاجة بتتمنيها ف حياتكـ ؟" فَهى ردت وقالتله" I just want to be somebody's first choice " يعني " أنا بس عايزة أكون الإختيار الأول ف حياة حد " 🌚💙 قعدت أفكر كتير ف الجملة دي هو يعني ايه إختيار أول ف حياة حد ! يعني حد بيفكر فيكـ قبل كل حاجة وكل حد ف حياته حتى نفسه ، حد بيستحمل غضبكـ وتعبكـ وضيقتكـ ، حد يبقى كل همه ف الحياة إنه يشوفكـ مرتاح ، حد ما يملش ولا يزهق منكـ مهما طال بيكم العمر ، حد تبقى مالى قلبه وعينه وميشوفش غيركـ ، حد ميعرفش ينام وانت زعلان ، حد ميعرفش يسيبك بالاسبوع والاسبوعين متتكلموش ، حد بيشوفكـ دايمًا مهما كان شكلكـ أحلى واحد ف الدنيا حد ميحطكش في مقارنة مع شخص تاني مهما كان أحسن ، حد يفكر في كل كلمة ممكن تضايقكـ أو توجعكـ ومينطقهاش ، حد ياخد بإيدكـ يرفعكـ لفوق ، حد يسند ضهركـ فَمتخافش ، حد يطبطب وميوجعش حد يديلكـ من غير ما يستنى مقابل ، حد يتمنالك كل خير من دون مقابل ، حد ميحسدكش ، حد ميبصلكش ف حاجه جتلك ومجتلهوش ، حد يكون صحاب ، حد يكون اخ ، حد يكون عيله ، حد يهتم بيك كأنك طفل..❤