"لمَا تكتشف إن حد بيخبي عليك أخباره رغم إنك بتحكيله عن جديدك متضايقش منه.. بس اعرف حدودك معاه لما تلاقي حد بيوقعك من خروجات معينة ومش ملهوف يشوفك متضايقش منه.. بس اعرف حدودك معاه لما تلاقي حد بيشتكيلك دايمًا بس مايقولكش على الحلو اللي بيحصله متضايقش منه.. بس اعرف حدودك معاهأحسن حاجه لما تتكشفلك حقيقة حد بأفعاله، لا تعاتب ولا تعامل بالمِثل ولا توجع دماغك، اعرف حدودك معاه وبس، حُطه في المكانة اللي يستاهلها مش أكتر ولا أقل.. "أنزِل الناس منازلهم". ♥️
من الحاجات اللي أنا obsessed بيها ف نفسي إني مابنزلش لمستوى حد ف المشاكل عايز أنتَ تطلع لمستوايا ونحل المُشكلة بطريقة مُحترمة أهلًا وسهلًا بيك؛ لكن لو هتقضيها تلقيح وأسلوب بيفتقر للأدب فا بالتوفيق أنتَ بالظبط كأنك بتتخانق مع نفسك أنا مش طرف ف مُشكلة مع حد قليل الأدب ولا هكون وصدقني آخر همي أحل خلاف مع حد بالمستوى ده
حاسة بإرهاق شديد من كوني حد منطقي جدًا وعاطفيه وحساسه جدًا ، حاسة أني في صراع دائم بين حساسيتي اللي بتخلي المشاعر إكستريم وبين عقلي اللي بيحلل كل صغيرة وكبيرة..
نفسي دماغي تسيبني أرتاح؛ تريحني من التساؤلات اللي ما بلاقيش ليها إجابة، تريحني من إنها تفكرني بذكريات ومواقف قديمة كُل ما تيجي على بالي تعكنن عليا وتقفل يومي، تريحني من التفكير في اللي حصل واللي بيحصل واللي مُمكن إنّه يحصل.حقيقي أقصى طموحي دلوقتي إن دماغي تفصل شوية وتسيبني أرتاح.
" كتر الضغوط خلتني شخصية سريعة الغضب قليلة العتاب .. عديمة القدرة على التسامح والعفو .. حتى لو الغلط ميستاهلش في وجهة نظر الأخرين مفيش طاقة لتحمل سخافات او قلة تقدير او عدم احترام لمشاعري من أي كائن مهما كان .."
غبائي... انسى اني قد ايه كنت غبية وساذجة فى مواقف كتير وقرارات كانت واضحه قدامي وضوح الشمس وانا تراجعت عنها... انسى وجعي من اى حد اتعشمت وتوسمت فيه الخير، انسى قهرتي وحزني على نفسي احياناً بسبب تخيلي ان الكل هيتعامل معايا بحسن النية والخير زي ما بتعامل معاه انسى ان صاحبة عمري غدرت بيا وطلعتني أسوء حد فى الكون وقالت فى حقي كلام يشهد ربنا وهو العالم إني بريئة منه... انسى كل ليلة قفلت فيها اوضتي على نفسي وقعدت اعيط ومحدش حاسس 💔 انسى الظروف الى ملعون أبوها الى خلتنى استغنى عن حاجات كتير فى حياتي وعن حلمي الى كنت بسعى ليه... انا محتاجه سنين وسنين للنسيان مش ليلة واحدة بس 😢