دول 10 حاجات تاخد بالك منهم وتعملهم فـ رمضان :١- ماتتكلمش كثير وإنت صائم، ماتهزرش كثير، ماتعليش صوتك.. ليه..؟ حديث النبى.. فإن كان صوم أحدكم فلا يرفث ولا يصخب. . ٢. حد ضايقك فى أى حاجة...ماتردش عليه.. قل : إنى صائم٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجوارح بالنهار..فالصيام بالقلب بالليل والنهار٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى..فركز إن سلوكك يتعدل ويتحسن..ركز إن قلبك يتعدل...ركز إن العبادات تغير فى المعاملات..لو بتكذب بطل..لو بتغتاب كفاية كده..لو بترتشى توب. اتغير سلوكيا بجد ..!!٥- للصائم دعوة لا ترد..فجهز ماتريد من الدعوات٦- هات السبحة الإلكترونية وخليها فى جيبك على طول...وحط هدف إن كل يوم على الأقل تذكر ربنا ١٠ آلاف مره...نوع فى الذكر..مابين تحميد وتسبيح وتكبير ...الخ٧ - ماتعديش يوم من غير صدقة، حتى لو جنية واحد..هتلاقى كرم مابعده كرم فى الدنيا قبل الآخرة...مانقص مال من صدقة...فيضاعفه الله اضعاف كثيره..٨- المساجد فتحت للتراويح الحمدلله، صلى التراويح مع حد صوته وأدائه كويس علشان ماتزهقش وتكمل لأخر يوم. . ٩- كل يوم ربنا ليه عتقاء من النار،اطلب من ربنا من كل قلبك كل ليلة إن ماكنش اعتقك قبل كده فيعتقك النهاردة، والله عتقاء من النار وذلك فى كل ليلة.١٠ - خلى ختمة السنادى مش قراءة بس، العبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها.أكمل لاحقاً إن شاء اللّٰه كل عام وانتم بخير ، ربنا يتقبل منا ومنكم صالح الأعمال ♥️
باقي من الزمن على ليالي رمضان المبارك ساعات قليلة .. فيارب أدخله علينا و أنت راضٍ عنا.. و اجعله شهرًا تتبدل فيه ذنوبنا حسنات.. و همومنا أفراح.. "يارب إن قلوبنا بين يديك فلا تردها إلا مجبورة"❤️
" خير أو شر كله بيترد وبيرجع حتى لو مش في نفس الصورة .. تساعد حد ماتعرفوش النهاردة فـ ربنا يبعتلك حد مايعرفكش يساعدك بكره .. تطيب خاطر حد بـ كلمة فتلاقي كومة ستر ضللت عليك في موقف كان الأقربلك فيه إنك تكون فُرجة! .. تطلّع صدقة ترجعلك صحة .. وبرضه في الأذى .. محدش بيإذي، بيجرح، وبيظلم إلا وبيحصل معاه نفس اللي عمله مع غيره! .. يحصل النهاردة بكره أوبعده مش مهم بس بيحصل .. أنت تنسى عادي، ربك ينسى مستحيل ، الخير دايرة، والشر دايرة ، الأمور مش سايبة، ولا الكون ماشي سبهللة.. ﴿وَلَا يَظْلِمُ رَبُّكَ أَحَدًا﴾ .عند ربنا حرفياً مفيش حاجة بتضيع .."
يا طنط أنا مش مُعترضه إنك تجيبي ولادك معاكِ المسجد والله يفرحوا برمضان ويجروا عادي قدامنا وإحنا ساجدين يدوسوا ع دماغتنا يسفلتوها ، ووأنا فى نص الصلاه الاقي اتنين بيرقعوا بعض علقه وبدل ما قلبي يبقي خاشع أقعد أركز مين فيهم هينتصر على التاني ، ولا إن في عيل فاتح زوره ورا تقريبا بيتسابق صوته هيبقي أعلي ولا صوت الامام بس اللي مش هسكت عليه إنى أكون ساجده وبدعي ألاقى حد بيزغزغني فى رجلي !
يعني عايز تفهمني إن You are beautiful, you are wonderful, you are attractive. أحسن من: "إنَّ المفاتِنَ في عينيكِ مُخمَّرةٌ من نظرةٍ منكِ يغدو المرءُ سكرانًا"
الراجل بتاع السمك اللي في السوق عنده أوبشن إنه يشوي السمك للناس اللي بتشتري منه، رحت اشتري من عنده كام سمكايه وواقفه مستنيه يشويهم، فجأة سمعت واحدة جنبي بتقول للراجل: لو سمحت أحمد عادل على الشواية؟ السؤال لفت نظري، هو صحيح الراجل بيحط ورقة كرتون على كل مجموعة سمك -وهما فوق الشواية- باسم صاحبهم، بس حسيت برضه إن صيغة السؤال غريبة، يعني المفروض كانت تقوله مثلا السمك اللي باسم احمد عادل على الشواية؟ مقدرتش امنع نفسي الصراحة من اني اتخيل الأستاذ أحمد وهو مستلقي على الشواية، بعد ما خرج من التتبيلة، والراجل بتاع السمك واقف بيقلبه يمين وشمال. قالت للراجل ٣ مرات ومردش عليها، وكل مرة تقوله: أحمد عادل ع الشواية؟ مبقتش عارف هو سمعها واستغرب السؤال زيي وقاصد ميردش، ولا مسمعهاش. وفي المرة الرابعة برضه سالته: أحمد عادل ع الشواية. فقالها بصوت عالي: لأ. لسه بيتنضف جوه.
حد عزيز عليا اختفى من حياتي في فترة ما، ولما رجع في لحظة عتاب قال "بس غيري خد مكاني عندك"، ومكنتش عارفه أزاي أفهمه إن الشخص دا عمل مكان تاني خالص ليّه بعيد عن مكانته اللي ضيعها بإيده، لحد ما تذكرت اقتباس بيقول: "لا شيء يحل محل شيء، كل من يمضي يأخذ مكانه معه، و كل من يأتي يبني مكانه بنفسه."