النهاردة كانت صدمة عمري كإن جوايا إتشرخ الى هو صوت جواك بيقول إزاى معقوله ده كله يطلع منك انتي وفي حقي أنا!! عارف لما حد يوصلك لوضع يخليك تفكر وتراجع حساباتك وتسأل نفسك أنا أذيته فى ايه او عملتله ايه عشان ألاقي كل الحقد والكره ده في المقابل؟ انا معملتش ليكي غير الحلو أومال لو كنت وحشه كان هيحصل ايه... ؟ انا لحد الأن عقلي رافض يصدق ومش مستوعب لدرجة ان كل شويه بدخل اشوف الشات واتأكد هل فعلا ده حصل ولا متهيألي... بس للأسف حصل ومن إنسانة متوقعتش منها خالص كده 💔 انا متعودة أسامح بس انا قلبي واجعني أوي ومش مسامحه 💔💔
بدي حقنه لطفله النهاردة ومامتها مسكاها ومعاها اختها الصغيرة، إذ فجأة ألاقي قلم نازل على وشي منها وطلعت تجري ده كله عشان بدي اختها الحقنه ❤️😂 وبجد من أكتر المواقف المضحكه والمبهجة الى قابلتني وفرحتني وتخيلت مدى حبهم لبعض لما يكبروا هيبقى ازاى ❤️
مساء الخير، كنت عايزه اقول بس إني لما بتكلم مع حد بحبه وانا زعلانه منه وأحاول اقفل الكلام والاقيه خلاص عادي بيقفل ومش بيمسك فيا؛ بحس اني غلبانه جداً والله عشان كنت فاكره انه هيحاول يراضيني، وشكراً.
أتذكر حين كُسر قلبي بشكل سئ في موقف ما ، و أتذكر أيضآ كيف بكيت في موقف آخر كأني أريد أن ألقي بقلبي خارج جسدي دفعه واحدة من شدة ما أصطدم به حينها ....أتذكر تلك الكلمه التي قالها أحدهم و ما زالت تلاحقني ، و كم المرات التي وقفت فيها متحمله الاساءة دون رد فعل متمسكه بخُلقي ، وظلت الكلمات في حلقي لا تنفك عني !!أتذكر من لم أجدهم عونا لي ، في ظل كوني عونآ لهم دائمآ ...ومع ذلك كله مازلت أحاول ألا أجعل أحد يشعر بما شعرت به ، و مازلت أحاول أن أحب ، وأن أواسي الجميع بكل ما أوتيت من قوة كأني لم يمسني أي سوء .. و أتمني أن يشفع ذلك لي ، ولو لمرة واحدة ، وألا تجرحني الأيام أكثر مما فعلت ....
-عارف لو عديت التلاتين سنة وعندك نت ومبتعملش نص مليون جنيه في السنة، ده معناه إيه؟
=معناه إيه؟
-معناه إنك غالباً شخص معدي التلاتين سنة وعندك نت ومبتعملش نص مليون جنيه في السنة
حتى المتأخر يصل جملة لا أمل من تكرارها على نفسي كل صباحٍ ، أخبرها أنّ كل وقتٍ نحاول فيهِ هذا الوقت المُناسب ، أربتُ بيديّ عليَّ أشبك أصابعي ببعضها ، أكرر على مسامعها: "المؤمن القوي خيرٌ من الضعيف ، استعن بالله ولا تعجز ". سينتهي التعب وسننعم هُناك إلى الأبد .
_ القلب بيحس بكل حاجة مستخبية ورا الوشوش بشكل مش طبيعي، احيانا كنت اقول لناس إن في شخص ما مش بيحبني وميكونش عندي اي سبب اقوله يبرر كلامي غير اني بس حاسة ! وتعدي الأيام وتثبتلي ان احساسي اللي مكانش ليه دليل ده طلع صح فعلا! اللي بتحسه دايما من اول مرة قبل ما تحصل اي احداث ٩٠٪ هو الشيء الحقيقي، فلما تحسوا ان شخص ما بيحبكم او مش طايقكم وميكونش لسة حصل شيء يأكد ده صدقوا احساسكم وتأكدوا انه غالبا هيطلع صح، القلب بيحس بالعين الكذابة والنظرة اللي مش تمام وهزة الإيد اللي فيها غل وحركات كتير لا صاحبها بيقدر يتحكم فيها قصادك ولا عقلك بيعترف بيها لكن قلبك بسرعة بيحس ويقولك "بص هو مفيش حاجة حصلت بس انا اهو بقولك ده بيحبك/ بيكرهك/ بيتمنالك الخير/ حاسدك ..." فصدق قلبك واحساسك دائما وابدًا .."