اي حد شايف انه قيمته كشخص من كليته أو بيصنف الأشخاص بناء على مستواهم التعليمي فهو جاهل ولا يفقه شئ في الدنيا و أي حد شايف أنه قيمته من فلوسه أو بيصنف الناس حسب دخلهم المادي فهو شخص أرعن و مخطئو في الحالتين هو عنده نقص ناتج من المجتمع أو الأسرة ووليد التجربة أو التلقين يظل بالنسبالي المقياس الحقيقي للإنسان هو شخصيته و قلبه و روحه و الأثر اللي بيسيبه في المكان و إزاي بيتعامل مع المواقف المختلفة
لو حسيت إنك بتحب حد.. إعرف إنه غالبًا هو كمان بيحبك. سيدنا العباس عم النبي ﷺ كان قاعد مع أصحابه، فشافوا رجل جي من بعيد.. فسيدنا العباس شاور عليه وقالهم: هذا الرجل يُحبني!.. فإستغربوا وقالوا: وما يُدريك! قال: لأني أُحبه. مثلما يقول البعض: القلوب عند بعضها، والأرواح بتتلاقي في ملكوت الله،لو فيهم شبه من بعض، واللي تحس إنك مشدود له، شيء طبيعي يتشد لك ويحبك، ف صدق النبي حينما قال: "الارواح جنود مُجنده ما تعارف منها ائتلف" ❤️
يعني عملت كل ده و صبرت علي كل ده و جت علي دي !!! *اه جت علي دي *جت علي دي عشان مش قادره *جت علي دي عشان تعبت و استُهكلت *جت علي دي عشان طاقتي خلصت *ايوه جت علي دي عشان أنت متعرفش و مشفتش " المراحل" و بتناقشني في " النتيجة"#النفس_البشرية
"وآنِسنا بِمَن نُحبّه ويُحبُّنا .. وأسكِنَّا لِمَن نوَدُّ ويودّنا، وارزقنا النصيب من الخِفّة لكلّ هيّنٍ قريبٍ لا نكون عليه حِملاً.. مَن نطمَئِنُ إذا حضَر، ويُحاوِطنا في الإقامةِ والسَّفر، شريفاً في الوصلِ، أصيلاً إذا هجَر، مَن لا نهون عليه أبداً، جميلاً في القلبِ والنَّظَر."
التخطي قرار، وأي حد يقولك عكس كده كداب.التخطي حاجة عمرها ما هتيجي لوحدها، إنما لازم تمشي ناحيتها برجليك الاتنين، انك تقرر خلاص مش هفضل ف نفس زون الضحية دي أكتر من كده، مش هفضل أقل من كرامتي أكتر من كده، مش هفضل متمسك بماضي.. سراب! كل دي قرارات.بطل تدي رسايل سلبية مثيرة للشفقة زي عمري ما هحب كده تاني، عمري ما هلاقي زيه تاني، عمري ما هكون مبسوط تاني. لأن كل دي أقدار قابلة للتكرار زي ما حصلت قبل كده وارد جداً بلطف ربنا تحصل تاني .. بشكل أصح.ربنا مش هيساعد عبد مش بيساعد نفسه، ف أرجوك ساعد نفسك.#أول_سلمة_تعافي
عزيزي البعيد.. ربما كانت مرة وحيدة، سنحت ليَ الفرصة بشرح نفسي باستفاضة.. وكنت أنت المستمع الوحيد.. المهتم والمحبّ. لمرة واحدة، تفهمت وحدك حساسيتي المفرطة، عانقتها رغمًا عني، أخبرتني أنها أجمل ما أملك، وتحسست بلطف عندها جراحاتي الصغيرة .. أقول .. الفقد فقدك، أنا من بعدك تراهات غير واضحة، لا شيئ يجبر الفراغ الذي خلّفه غيابك.. لا شيئ يجبرني من بعدك، ولا شيئ يجبر الحلم الصغير بين طيات المسافات والسنين؛ أن أقول ' أحبُّك ' بصوت مسموع لمرة واحدة.
بص.. كل فترة فى حياتنا صعبة أو سيئة .. المذاكرة صعبة، الشغل صعب، والتعامل مع الناس صعب، وإن الواحد يعمل فلوس صعب، والجواز صعب، وإن احنا نروح الشغل كل يوم بردوا صعب.بس سيدنا عمر بن عبد العزيز قال جملة تكتب بماء الذهب.. قال: لو أن الناس كلما استصعبوا أمرًا تركوه، ما قام للناس دنيا ولا دين!فمينفعش نبطل نعمل حاجة أو نبطل نحاول عشان الحاجة دي صعبة، لأن هي دي الدنيا.ربنا يسهّل لنا كل صعب.
نص فقهاء المالكية في آداب الطعام؛ أنه يستحب الجهر بالتسمية قبل الأكل مع الجماعة حتى يتذكرها الناسي و أما الحمد بعد الأكل؛ فيستحب الإسرار به حتى لا يقع الحياء والحرج لمن لم يشبع بعد؛ فيقوم عن الطعام ونفسه تتوق إليه إذا سمع حمد غيره. رضي الله عنهم ما أحسن فقههم و أجمل ذوقهم