كيف تخرج من الكآبة ؟ ما هي السبل التي تتبعها؟
بديها وقتها.. انا شخص بكتأب كتير، و بقيت بعرف اتعامل معاه. الإكتئاب لو هنشبهوا بشيء فهو زي القشرة الي بتتكون لما جسمك بيتعور، الإكتئاب بيحاول يحمي الجسم نفسياً من اي ضرر تاني، يعني مثلاً اكتر من حد خزلك فا الإكتئاب بيحاول يخليك متتعاملش مع بشر، و ده أوقات بيكون صح انك تاخد فترة نقاهة كده و تبعد عن الضغوط. فا الإكتئاب مهم و كويس لو انت الي اتحكمت فيه. انت الي تبقى عارف امتى تسمح له بالدخول و امتى تقول له شكراً ليك انا هكمل مع الناس و هعافر تاني. زي القشرة لما الجرح بيلتئم القشرة مش بتتشال كلها. انت الي بتشيلها، و كذلك الإكتئاب :)
