هو الواحد لما يوصل بحبه وخوفه ع الي بيحبها لدرجه انه بيهتم بيها اكتر من نفسه وييجي ف فتره يحس ببرود وقله تقدير ده غير انه معرفها انها متغيره وشاكك انها حنت للي كانوا ف حياتها قبله وكل ما يكلمها عن الناس الي كانوا ف حياتها قبله تتعصب وتتخنق هل هي كدا بتحبهم
لا هو كدة شخص شكاك ودماغه فيها حاجة راكبة غلط.. الله يعقله أو ينجي البنت منه
هل الناس يتغيرون بمرور الزمن؟
طبعًا
ما هي مجلتك المفضلة؟
ميكي- سوبر ميكي - ميكي جيب- ناشيونال جيوجرافيك
هو انتي ممكن ترتبطي براجل متجوز ؟
لا صعبة عليا جدًا دي، وأصلًا هو المتجوز عاوز يرتبط تاني ليه وهو لسة متجوز ما ينفصلوا إذا ماكنوش مرتاحين سوا وبعدين يبقي يرتبط براحته بدال ما يفكر يخونها، أصل مش فراغة عين هي يعني.. وعلي فكرة السؤال مستفز جدًا والله ويقرف
عملتي ايه عشان تخسي و معلش خسيتي كام كيلو ف مدة اد ايه . ضروري يا يسرى و النبي
أهم حاجة تلعب/ي رياضة لإنها بتفرق جدًا بدنيًا ونفسيًا، وتقريبًا هو بيفوت أول شهر وبعدين بتتعود/ي عليها وبتبقي شيء أساسي في حياتك. طبعًا مهم تختار/ي جيم لطيف تكون/ي مرتاح له نفسيًا وماديًا عشان تكمل فيه لكن لو مفيش إمكانية لده ممكن جدًا تلعب/ي في البيت عادي جدًا علي الأقل تلات أيام في الاسبوع كل مرة ساعة مثلًا هيكون لطيف بس ماتشدش علي جسمك زيادة لحد ما تتعود ومهم تشرب ماية في وسط اللعب وقبله وبعده وفي كل الأوقات.. بالنسبة ليا أنا في الأكل يعني أوقات بظبطها أكل صحي لطيف عشان بحبه الحقيقة ( مسلوقات_مشويات_خضار أو فاكهة فريش_ ممكن أكل عادي مطبوخ كمان بس بنسبة زيوت قليلة جدًا عن العادي وبيطلع لطيف بس ده مش كل يوم يعني) كمان بعك بردو عادي مش بتعذب ولا حاجة بس لما بعك مابيكونش بكميات شنيعة وبزود لعب الرياضة بعدها شوية مش قضية كبيرة خالص... لو مستعجل/ة بلاش عك في الأكل ألطف لفترة بس؛ لأنه لو قلنا الرياضة مثلا بتساعدك تخس بنسبة 40% فالأكل هو ال60% الباقيين ودي نسبة تقريبية يعني مش أكيدة بس مهم تنحط في الإعتبار وأصلًا مهم كمان ماتستعجلش علي نفسك في الحاجات دي عشان فعليًا الاستعجال بيحملك لود زيادة فوق طاقتك بيخليك تهبط بعد شوية وماتكملش في أي حاجة في العالم وأكيد أنت محتاج تكمل فواحدة واحدة وكله هيجي مفيش داعي للقلق أما بالنسبة للميزان أنا مابوزنش بقالي كتير جدًا يمكن أكتر من سنة ولا بقرب له أساسًا وبقاوم نفسي إني أروح ناحيته عشان غالبًا بحس أني متضايقة بعدها بشكل ما فبعتبر الأهم من الأرقام هو إني أحس صحتي كويسة ومرتاحة فآسفة إني مش هاقدر أقول شيء يحفزك في النقطة دي مش عشان مش عاوزة أقول لكن عشان ماعنديش إللي يتقال. ماعرفش إذا ردي فيه حاجة تفيدك أو لا بس ده إللي علي بالي دلوقتي حالًا بالًا وإذا محتاج/ة تستفسر/ي عن أي حاجة مجاش في بالي أوضحها فأنا موجودة عادي وهساعدك بإللي هعرف أكيد.
أولًا شكرًا علي كونك متابعني، ثانيًا كلمة معجب مربكة بالنسبة لي بقدر كبير لإنه أيًا كان نوع الإعجاب فأنا فعلًا أسخف كتير مما تتخيل في شخصي، ثالثًا أنا معنديش أي نصيحة تساعد أي حد يتعرف عليا.. هي العلاقات والمعارف بتتكون صدف وبظروفها بدون أي ترتيب مسبق.
والله ما عارفة أرد، بس فعلًا ممتنة من قلبي لإنه بقالي شوية كتار مبتسمة جدًا بسبب رسالتك اللطيفة رغم إنه بالي أصلًا مش رايق الأيام دي شويتين تلاتة.. فيعني بجد شكرًا وبتمني لك/لكِ وقت لطيف علي قدر الإنبساط إللي حاصل جوايا دلوقتي<3