أنتِ زعلانة إنه شخص يتحشر بإصدار حكم مش لطيف على طريقة لبسك إللي مهما كانت فهي تخصك لوحدك لكن فى نفس اللحظة بتصدري حكم مش لطيف على لبس غيرك إللي هو برضو مايخصش غيرهم!! على كل حال اتبعي قناعتك بغض النظر عن حكم غيرك مهما كان حكم معارض أو حتي مؤيد فى الأول والآخر حياتك هي حياتك أنتِ فلازم تعيشيها بالشكل إللي يناسبك لإنه حقك ومش من حق إنسان زيه زيك يتحشر برأي يهين اختياراتك أو يعدل فيها، بس كمان ماتنسيش إنه مش من حقك تهيني اختيارت غيرك أو تتدخلي فيها مهما كنتِ مختلفة معاها.
الرد كان على سبيل الهزار لإني أعتقدت الكلام هزار ومش منطقي يكون جد يعني بس لو كان جد فالأكيد مافيش ما يدعو للفخر أو الخجل من إنه بتاكل أو مابتكلش شيء معين
خطوطك لطيفة، محتاج بس تشتغل علي نفسك شوية أكتر وده بيجي مع الوقت بالممارسة ماتقلقش منه بس حطه في بالك.. اتفرج علي شغل رسامين كتير معاصرين وغير معاصرين هيفرق معاك كتير وهيدرب عينك تلقط تفاصيل أكتر مع الوقت، ويا حبذا كمان لو قريت أو حاولت تتفرج علي فيديوهات عن الفن والمدارس الفنية.. هيفيدك كتير ويطور من رؤيتك الفنية وأفكارك كمان. "jack-hamm-drawing-the-head-and-figur" ده اسم كتاب لطيف هيساعدك كتير وهتلاقيه متوفر pdf كمان في أبلكيشن لطيف اسمه dailyart كل يوم بيعرض لك لوحة مع اسم الرسام وسنة الانتاج مع مقال صغنن ولطيف في أغلب الأوقات.. أنا شخصيًا بحبه جدًا واكتشفت من خلاله لوحات وفنانين جداد بالنسبة لي. بالتوفيق :)
الزعل الكتير بين أي اتنين مرتبطين ممكن يولد كره للطرفين؟
الخلافات شيء طبيعي ومتوقع في أي علاقة الفكرة بتكون في كيفية التصرف مع الموضوع.. ملهاش وصفة سحرية طبعا بس بديهي لو بتوصل لقلة الأدب والمبالغة في تضخيم كل حدث تافه والنكد من أجل النكد فالإنسان طاقته هتخلص ويتخنق.. مش بالضرورة توصل للكراهية بس الوضع هيبقى مرهق للطرفين والعلاقة بالنسبة لهم هتكون منطقة غير آمنة وغير ناضجة وأكيد ده شيء مش مطلوب أبدا.