"انا من بلد بيعرف كل بيت فيه بالحارة شو طابخين كل الجيران ؟؟!! هاد البيت طابخ ملوخّية... وهاد البيت طابخ مقلوبه .. وريحة الخيار يعني سلطة.. والسمك شارح حالو لحالو !! وذبح البطيخة فضيحة ؟؟!! أنا من بلد القمر فيه بالصيف يعني سهرة وكل عرس يعني دبكة.. .. وكتب الكتاب يعني كنافة.... من بلد كانت إمي تقول يا ابني “ غسل وجهك لأنك ما بتعرف مين بيبوسو و كّنس بيتك لأنك ما بتعرف مين بيدوسو” وأبي يقول: “جارك أخاك.. إذا ما شاف وجهك بيشوف قفاك”. من بلد لما بيندق فيه الباب بنتحزّر بين بعضنا مين ؟؟ وبنقول: يا ترى مين إجانا؟! هي رنة الجار.. سريعة وقصيرة هي رنة عمتي...... ناعمة وخفيفة وهي خبطة ابن الجيران ....، وهي خشخشة المفاتيح لا ابوي عم ينادي ويتنحنح.. ليتغّطوا النسوان من بلد......الذهب كان الأساور الرفيعة والمبرومة والحيّة........ أنا من بلد المنسف بينطبخ بالأفراح والأتراح و كل أيام الجمعة، وشوربة العدس كل أيام رمضان ...... بلد كل شي بيصير فيه بيستاهل يكون خبريّة !! بلد حتى حبال الغسيل فيه بتحكي قصص، ولقّاطات الغسيل بتنقل رسائل الغرام !! ونشر الغسيل إله أصوله مشان ما يقولو عن الست عفشة !! بلد كانت الست تقول: “لو كانت أسوارتي وقيّة ما لي عن جارتي غنيّة” بيت الجيران أول باب بيندق لما بيخلص الخبز على غفلة، ولّما ما بيلتقى ليمونة..... بيت الجيران أول بيت بنزوره بالعيد لناخد أول عيدية !! والبيت يلي بيتحمل ولدنتنا وقت ندق على بابه وبنهرب .... ومنرش عتبته بالمي لما بندير البربيش لنرش الحارة بالصيف والبيت يللي بنوقف قدامه لنوصّله سكبة من طبخة اليوم ...كل مغرب برمضان ... ببلدي ما فيه قطّة جوعانة.. وكلاب الشوارع شبعانة !! وبكل حوش في داليه وفراش للضيف ونمليه فيها المكدوس وتنكة جبنة وزيتون وزيت وزعتر ... ببلدي... كانت أيام الشتا.... ياعيني على أيامها.. كانت الصوبة... ولهبها... عم يقمر الخبزات ويشوي الكستنا.... وكاسة الشاي يلي عم تتنقل من إيد ﻷيد بجلسة فيها طنة ورنة.. !! ببلدنا الغيرة بتشعل فينا مو بس اذا حدا اطلع أو لطش اختنا .. كل بنات الحارة إخواتنا .... نسيت اخبركن.. إنو بكل بيت فيه عسكري بكل إجازة اله بيكون فيه لمه للعيلة لايسمعوا قصص وحكايات عن البارودة والسفرطاس والوظيفة ... و .. وبتسمع من جدك ووعمك وأبوك أحلى حكايات عن البطولة ووالقومية. فلسطين .. فلسطين !! حبيتها .. حبيتها كتير كتييييير حبيبتها هالبلد مع اني ما عشتش فيها !!! لكن .. لما نعيش في الغربة !!! في الغربة إذا اندق الباب بنقول غريبة مين بدو ييجي عنا؟؟!! ما إلنا حدا... وحتي في العيد لما يضل الواحد في البيت كل أيام العيد و يستنى يمكن حد يدق الباب أو نخطر علي باله .. ولما تشوف حد في الصدفة وتتعرف عليه وبالآخر يطلع من بلدك أو حتى من نفس العيلة وانتو ما بتعرفوا بعض.. ساعتها بنعرف شو يعني الغربة ؟؟!! وشو يعني انا بلا وطن ؟؟!!" #آاااخ_يا_وطني
-سندويشة لبنة بتعبي المعدة و سفرة بألف دينار برضو بتعبي المعدة وصدقني معدتك ما رح تعرف الفرق-لبسة من pierre cardin بتستر جسمك و لبسة من سوق السلطان بتستر جسمك برضو و صدقني جلدك ما رح يحس بفرق-الليكساس ٢٠١٦ رح توصلك لمشوارك و الأڤانتي٩٩ برضو رح توصلك و صدقني رجليك برتاحوا بالحالتين-التلفون اللي بألف دينار بتحكي فيه و أبو لوكس كمان بأدي الغرض و صدقني عالحالتين رح توصل الفكرة-الشقة الصغيرة بتسترك و ذويك و القصر بأدي نفس الوظيفة و صدقني الثنين سينهشهم القِدم و مش رح يفكولك منهم ولا حجر توخذه معك عالمقبرة-التدفئة المركزية بتدفي و صوبة الفوجيكا برضو بتدفي و صدقني الفوجيكا عبارة عن فرن-لا تساوي غدا عرس بـ١٠ تالاف و٨ منهم دين صدقني لو ما تساوي غدا بكون أحسن و طز بكلام الناس-لا تساوي عرسك بفندق بـ٣٠ الف و انت بيتك بالإيجار صدقني ما حاد حاب يشوف طريقة رقصك ولا حدا رح يدفع الأجار عنك-لا تركب رينج من البنك و انت ما معك تحط بيها بنزين صدقني اللي بحترمك مشان الرينج رح يشلّ عرظك بس يعرف انها بالدين-ليش تشتري كيلو البندورة بدينار من كوزمو و أنت بتقدر تشتريه من الحسبة بربع صدقني صحن السلطة مش ضروري يكون ماركة-ليش في نمرة سيارة بـ٤٠ الف و رقم تلفون بِ٢٠ الف؟؟ صدقني هاي كمية غباء بلا حدود إحنا اللي صنعناه-عفة ، عزة نفس ، كرامة هذول بيجوا مع الإنسان ((مرة وحدة فقط)) و إذا راحوا ما برجعوا فـ #دير_بالكأسوء أنواع الكذب هو لما الكذاب نفسه يصدق الكذبة#مجتمع_غريب !! #لا_تكذب_على_حالك #خواطر_مبعثرة