Not the fittest , not the strongest , not the smartest , not genetically gifted ...
Only consistent 🌋🔥⚡️
هو ليه كتير من الرجالة ذكورتهم هشة لدرجة أنه أي بنت بتصرح بإعجابها براجل تاني قدامه بتخليه يتوتر ويتضايق ويتحسس ذكورته وياخد موقف هجومي عليها وعليه ؟ يعني حتى لو أنت عندك عقدة نقص وهاجس أن حد يحطك في مقارنة مع غيرك على الأقل خبّي ده جواك واعمل مش همك وبلاش تبقى مفضوح بالشكل اللي يعرك ويعر كل الرجالة معاك ده .!
مرة قرأت بوست لواحد بيتوعد واحده تقريبًا رفضته ، وبيقول ازاى ترفضوا من ((من ترضون دينه وخلقه )) وبيبشرهم بالفتنة والفساد الكبير !! وانه مش هيسكت وان الانتقام الالهى قادم لا محالة ، فى أجواء ملحميةتليق بفيلم الوصايا العشر !!!
كنت تحس مكانه الطبيعى عنبر الأنبياء فى العباسية !!
أه فيه عنبر كده هتلاقيه مليان ناس بيدّعوا إنهم انبياء و بيجيلهم الوحى ، وفيه ناس تانية بيدّعوا انهم المهدى المنتظر ، و غيره ، وبيبقوا شايفين ان اللى حواليهم كفار ومعاندين و بعضهم بيستمطر علينا اللعنات ، وبيحذرنا من العذاب اللى هيحيق بنا قريبًا زى غيرنا من الأمم الكافرة !! ده مش ترول أنا بتكلم جد واللى عدّى على كلية الطب بالتحديد سنة 5 وبالتحديد مادة السيكاترى عارف الكلام ده ومش غريب عليه وقطاع كبير من الناس دى متشخصين بمرض إسكيزوفرينيا schizophrenia ( أيوة ده النطق الصح إسكيزوفرينيا مش شيزوفرينيا )
المهم بقى ما اعرفش بس الشاب ده عرف منين إنه هو (( ممن يرضون دينه وخلقه )) ؟ مع ان طريقته فى الكلام كفيله بالحكم انه لا عنده دين ولا خلق !! للأسف العيال دى بيتغسل دماغها بكلام مجتزأ عن طريق بتوع السلفية الوهابية اللى هنفضل نفضحهم كده واحد ورا التانى ومافيش ورانا غيرهم ، والتعالى على البشر بالتدين السطحى ، عشان عنده دقن شبه الجدى ، واللى حواليه بينفخوا فيه ، فـ بيبقى النتيجة ان الهبل ده عاملهم بارومه فى المخ ، وبينتج عنه كوارث زى دى !!! وزى اللى قتل زميلته فى جامعة المنصوره و غيره وغيره !! كله بيبقى شايف البنت غلطانه عشان رفضت واحد بمواصفاته اللى ماتتعيبش ، مع انه فى سوق البنى ادمين ما يسواش تلاته تعريفه !! وهتلاقى حتى بنات كتي متعاطفه معاه عشان بيفكرها باخوها الج*حش اللى كان زعلان وما بياكلش يا كبد أمه لما بنت زميلته رزعته صابونة .!View more
الأمية ليست أمية القراءة والكتابة بل هي أمية القراءة والكتابة والفهم .!
طه حسين .
مَن برر أفعالهُ للجميع أعطاهُم حق مُحاكمته .!
عمنا 🇪🇬👑
تخيل يا مؤمن ان ربنا كان داخل نقاش من خلال الوحي والرسل مع بني اسرائيل عشان يقنعهم انه عادي ممكن تعبد ربنا بطريقة اسهل وتاكل كل حاجة وتشرب كل حاجة ومتحرمش علي نفسك ما لم يحرمه الله، لكنهم مقتنعوش ان الحياة ممكن تكون اسهل و ابسط.
طيب ليه ربنا مسبهمش بطقوسهم دي هما احرار فيها ما هم ناس حريصة علي عدم الوقوع في الحرام ومبيضايقوش حد واللي بيصعبها علي نفسه هو حر ويمكن يبقي احسن من المتسيب !!
الاجابة لا، والف لا.. مفيش انسان بيعبد صورة للاله في داخله ضيق النظر ومتزمت ويراقب التفاصيل ويميل للتحريم والمشقة والسوداوية الا ويخلق نفسية شبيهة؛ وسواسية عصابية لا ترحم ولا تتعاطف مع الغير ولا تكون ذات رسالة انسانية تعرف العفو والاحسان والسلام الداخلي ولا تصنع عقولا متحررة خلاقة مبدعة تتحرك في الوجود بانفتاح وخفة وحب استكشاف وانبهار دائما وعطاء بلا حدود. الله منبع الوجود ولو استمد الانسان وجوده من الإله علي انه نافد الصبر ناقم علي عباده وينتظر اقل هفوة ليعذبهم بها ستترسخ صورة الانسان عن وجوده بذات الطريقة.
في الحديث المتفق عليه عند البخاري ومسلم يقول الرسول : علي كل مسلم صدقة. قالو فإن لم يجد، قال يعمل بيده ويتصدق. وان لم يجد يعين ذا الحاجة الملهوف. وان لم يجد يأمر بخير او يمسك عن شر.
الفكرة في الحديث او في مفهوم الصدقة ان وجودنا واعمالنا الهدف منها الاخر. تشتغل عشان تنفع حد. تسكت او تتكلم او تتحرك وتساعد عشان تبقي موجود ومؤثر ومتفاعل وفيك حيوية الاحساس والتعاطف واللمسة الكريمة المتجاوزة الذات وما فيها من وساوس او غضب او عصاب. دا الميديتشن والتطهر والعبادة والشفا من عوار نفوسنا المريضة والمتعبة .!View more
+ 1 💬 message
read all
في اولمبياد أثينا ٢٠٠٤ اللي كرم جبر جاب الذهب فيها لمصر، قال انه مكنش في اي احتمال انه ميخدش دهب لان المصارع اللي كان في مواجهته فالنهائي، حدث بينهم ٤ مواجهات سابقة في بطولات من نفس السنة وفي كل مرة كان كرم يفوز ١٠ صفر. يعني هو غالبه بتاع ٤٠ صفر! وفي بداية الماتش اللاعب الخصم اخد منه نقطة وبعدها عينك ما تشوف الا النور. خلص الماتش ١٠-١.
دا بيفكرني بفترة ما قبل ٦٧. حيث اهم جنود للجيش المصري والقادة المتمرسين موجودين في اليمن، وكان قائد الاركان يلح بعودتهم لتمام التعبئة العامة وحماية الحدود، لكن شمس بدران وزير الحربية اتي بقيادات عسكرية كانت تمارس وظائف مدنية حتي يضمن ولاءهم ومجندين جدد لا يعرفون شيئا عن القتال. قبلها وقع عبد الناصر اتفاقية دفاع مشترك مع الملك حسين بالاردن، كما طرد قوات حفظ السلام الدولية علي الحدود المصرية الاسرائيلية الاردنية السعودية. واعلن غلق العبور في مضيق تيران، واشار عليه القادة بضربة استباقية لاسرائيل، لان ما فعله هو اعلان حرب، لكنه قرر استقبال الضربة الاولي وظن انه بحركة ماكرة سيخدع الكل ويوقع اسرائيل في الفخ ويحشد تعاطف دولي ويخرج منتصرا بعد ان احرج اسرائيل واجبرها علي التراجع من دون اي خسائر او حتي بخسائر رمزية.
كانوا بيعايروا عبد الناصر انه مستخبي ورا قوات حفظ السلام، واسرائيل كانت بتتحرش بالحدود السورية، وكانت حاسة بتفوقها العسكري وترغب في استغلال هذا التفوق لبدأ الحرب ولكنها تريد شرعية لهذا الهجوم. تقول المصادر ان اسرائيل سربت معلومة للاستخبارات السوفيتية انها ستهاجم الحدود العربية لاستفزازها بتصرف احمق ونقلها السوفييت لشمس بدران وبدأ التجهيز الساذج لهذه المصيدة.
تم تدمير ٨٠٪ من القوات الجوية المصرية ونسبة مماثلة من المعدات العسكرية وفقدت مصر اكثر من ١٠ الاف شهيد. وبعد شهور من هذه الايام العصيبة طارت شائعة بظهور وتجلي السيدة مريم العذراء فوق احدي الكنائس بحي الزيتون بمحافظة القاهرة. وتحوط الناس في كل ليلة عساهم يرون ام النور العذرا لتعطي للناس اي امل يخفف عنهم فقد ابناءهم وضياع ارضهم وانهيار كل المعاني والآمال. لجأ الناس للدين لتبرير ما مروا به، حتي ان عبد الناصر نفسه اعتبر الهزيمة "ارادة الله"!! ولم يحاسب احد الا في محاكمة هزلية لقيادات الطيران التي ادين فيها اثنين من الجنرالات.
فما كان من الاتحاد الاشتراكي الا ان نظم العملية ووضع كراسي في ساحة امام الكنيسة كل ليلة ووضع رسوم دخول وطوابير انتظار لمن يريد مشاهدة العذرا في ظهورها التالي!
ولم تظهر العذرا ولم يتعلم احد ولم يتغير شيء في وادينا الطيب. سوي تحالف الشعوذة والديماجوجية والخوف والجهل .!View more
الأبراج، العين ، الأحلام اللي بتتحقق، ارتباط اسمك بصفة معينة فيك، قانون الجذب،
دي كلها خرافات ملهاش أساس علمي بس في نفس الوقت بتلاقي ناس كتير بيأكدولك أنها حصلت معاهم كتير وأنها صح، طب ده راجع لإيه؟
الإنسان (وكتير من الكائنات الحية) عندهم قدرة على ملاحظة الأنماط، يعني كان فيه تجربة مشهورة عملها إيفان بافلوف وهي عبارة عن أنه كان بيجيب كلب ويحط تحت بقه زي وعاء كده يقيس بيه كمية اللعاب اللي بتطلع منه، كان الراجل قبل ما يحط للكلب أكل لازم يرن جرس الأول، بعد كام يوم لاحظ أنه بقى كل ما يرن الجرس كمية اللعاب عند الكلب بتزيد حتى لما مكانش بيحطله أكل فهنا مخ الكلب ربط ما بين الجرس وبين الأكل والكلب قدر أنه يلاحظ أن فيه نمط في الموضوع (جرس -› أكل)،
بالمثل دماغ البشر بتلاحظ نفس الحاجة بس المشكلة هنا أنه النمط ده ساعات بيكون نمط متحيز، يعني أنا لو حلمت أني قابلت فلان وصحيت نزلت قابلته فعلا الحلم هيعلق معايا وهفتكر الصدفة دي كتير، بينما لو حلمت مليون مرة أني بقابل أشخاص وصحيت مقابلتهمش مش هفتكر ده أصلا لأن ده الطبيعي، فاللي بيعلق في دماغنا هي الصدف الغريبة قليلة الاحتمالية،
في الأبراج مثلا أنا لاحظت أن فلان بيحب يهرش في صوابع رجليه وتصادف أنه البرج بتاعه فيه الصفة دي فأنا هلاحظ ده وهفتكره، بينما المليون مرة اللي لاحظت فيه صفات لا تنطبق على البرج بتاعه مش هاخد بالي منها،
وبالنسبة للعين فأنا هيعلق في دماغي كل مرة حد قالي أنت شعرك حلو جدا وبعدها اتكعبلت في عتبة الباب بس مش هفتكر المليون مرة اللي حد مدحني فيها ومحصليش حاجة.
يبقى هنا مخ الإنسان بيبتدي يخلق أنماط مزيفة من الحاجات اللي بتعلق جواه ويبتدي يحط الصدف قليلة الاحتمالية كأنها هي القاعدة العامة وده بيخليه حاسس ومتأكد أن الخرافة دي صح لأنه بيلاحظ كل مرة لما تحصل بس مبياخدش باله في المليون مرة اللي مبتحصلش، فيا ريت نحترم قوانين الاحتمالات شوية ومنبقاش متسرعين في الحكم على الأحداث والأنماط اللي بنشوفها ويا ريت متجيش مثلا تقولي أنت برجك عنيف لأني ممكن أديلك بالشومة على دماغك 🖤 .!View more
أنا على طول تقريبا سرحان وبفكر في مليون حاجة، مرة أيام ما كنت في الجامعة -حاسس أني عجزت فشخ وأنا بقولها كده- كنت قاعد في محاضرة والدكتور ممل جدا بس كانت محاضرة مهمة وكنت عايز أجبر نفسي أني منامش أو أسرح، كل ما كنت بقفش نفسي هسرح أقوم واخد بالي وأتعدل وأركز، قعدت ساعتها أفكر في موضوع السرحان ده نفسه وماهيته وقدرته الجبارة على أنه يخلي الوقت يعدي بسرعة، وأن السرحان ده ممكن يكون وسيلة دفاعية للمخ عشان ميحسش بالملل ومرور الوقت وإزاي أن المخ ده معقد بشكل يخلي البشر يحتاروا في فهمه مع أن جواهم نفس المخ المعقد ده فهو معقد لدرجة أنه مش قادر يفهم نفسه، وقطع تفكيري الدكتور وهو بيقول That will be all for today and see you next time .!
