@CSA_654

Haris

Ask me anything Follow
Ask @CSA_654

Sort by:

LatestTop

Previous

انت متابع حد علي الاسك؟ او بتسأل حد يعني عايز اعرف نشاطاتك عليه

بص بقي .. انا هقول كلمة وملهاش معنين يعني. انا بفتح الاسك .. ببص في الاسئلة. بجاوب علي الي بيعجبني. وبسيب الي ميعجبنيش. وبقفله من تاني. قصة اني اسال حد او ابعت لحد حاول تشيلها من دماغك .. عشان هتتعب والله لو فكرت اني بسأل حد. هتتعب بجد. D:

ارجوك لم شعرك في كورة او طوله ضفاير او حتي ربي دقنك غير ينجم بدل ماحنا حافظين شكلك من بعيد لبعيد كده

انا هجاوب علي السؤال ده لسبب وحيد. وهو انه فيه بعض الناس في الحياة دورهم يقتصر علي النظرة من بعيد بس. انت اخرك معايا حاجتي عاجباك او لا. لكن تقلي انت المفروض تعمل كذا او متعملش كذا دي متطلعش من حد معرفهوش اوي يعني. اما لو انت صديقي بقي فالموضوع هيبقي مقبول حبتين عن الموقف الاول يعني عادي معنديش مشاكل. بس نركز في حكاية النصيحة دي. انت اخرك ستايلي يعجبك او ميعجبكش. وفي الحالتين انا مش مهتم يعني .. لكن قصة تقلي اعمل ايه ومعملش ايه دي فكك منها خالص يعني. فكك منها بجد عشان احتمال احرجك في الكلام.

كمل اجابة علي الاسئلة والنبي والنبي

انا بنقي الاسئلة النضيفة يعني بصراحة. وبحرص علي عدم التكرار يعني. بس من الواضح من الموضوع خرج عن السيطرة النوتفيكيشن عندي اتضربت

Related users

MostafaFarse’s Profile Photo Mostafa Farse
zeadadel’s Profile Photo Ziad Adel

ليه مش بتلعب ببجي؟!

بفكر احملها علي اللابتوب واشوف الدنيا عاملة ازاي يعني. D:

لو حصل ومتجوزتش البنت الي بتحبها؟ هتزعل ولا هتكمل في حياتك عادي؟

لازم تعرف ان الراجل غير الست في المواقف الي شبه دي. يعني احنا الرجالة -بالذات حارس- خلقنا ضيق في الحوارات دي. بمعني انه لو البنت قعدت ترخم وتلعب كتير او تضايقني الي هو بزيادة اوي يعني هسيبها وفي خلال 24 ساعة ابقي مع واحدة تانية. عادي وبسيط جدا يعني بالنسبة لواحد زيي. عكس الستات .. هما لو حبوا واحد بيحبوه بجد. مش سهل يبعدوا عنه مهما حصل. ممكن ياخدوا فترة زعلانين .. بس بيرجعوا. حتي لو راحوا لواحد تاني هيبقوا باردين جدا معاه وفي الغالب بيسبوه او هوا بيسيبهم من البرود بتاعهم. عايز اقولك انه فيه مصطلحين. الحب والتفاهم. بالنسبة للستات دول في الجنينه خالص .. عاطفيين يعني. الحب بيطغي في الغالب. حتي لو مش متفاهمين بيطغي. و فيه رجالة مخرومة كتير برضو بس العظماء الي زيي كده مش بيدوروا غير علي التفاهم. لو البنت بتفهم وبتقدر بتملي العين بصراحة.

هو انت بجد لما بتاكل الاندومي والشيبسي والحاجات دي بترجع ولا بتهزر

لا ده بجد فعلا .. انا مش باكل الحاجات دي. ولو كلتها بحس بكركبة في بطني يعني. مش باكل برا البيت غير الجمبري والسي فود والسمك المشوي .. زي مانتوا عارفين يعني انا بعشق المأكولات البحرية من كل قلبي بجد يعني. او الحاجات الي مش بتتعمل في البيت عموما يعني. البيتزا مثلا والحاجات دي مش باكلها غير من اماكن معينة لو فيه امكانية. ولما اقول امكانية بقصد المكان .. بابا جونز مثلا هو المكان الوحيد الي بتكيف من البيتزا بتاعته. اما ماكدونالز او كنتاكي فدي اماكن فلاحين يعني خلاص. الشاورما السوري مثلا وماشابه نادرا ماباكلها. مش عشان بكرهها. عشان انا سستمت نفسي علي دايت معين. مينفعش مهما حصل احيد عنه. الكانزات مثلا .. مش بشرب غير كانزات دايت. لو شربت العادية بحس بحاجة في نفسي او بطني برغم اني مش مريض حساسية. وهكذا يعني الكلام ده بجد مش ببالغ فيه. لما توصل لليفل العالي ده من النضافة هتعرف معني الكلام ده.

نفسي بس يبقي عندي ربع برود الاعصاب الي عندك والله عايز بس ربعه

يابني البرود ده موهبة. انا اساس فاتح السوشيال ميديا عشان ابضن عليكوا. دي حاجات in the blood يعني مهما حاولت مش هتعرف تجيبها. عمك حارس نزل من بطن والدته علي الدنيا دي فشيخ كعبه عالي. انت لا. يبقي متقلدش عمك حارس يعني. سواء في جسمه .. عطوره .. لبسه. متبضنوش عليا يعني عشان مش هتعرفوا تعملوها وهتضيعوا وقتكوا الي هو لو تعلمون يعني اثمن حاجة في حياتكوا قصاد حاجة مستحيلة تتعمل قصادي. D:

لما اتربيت اتربيت في بيئة بتحب الرياضة كده ولا ايه؟ اصل حوار جسمك ده عاجبني بصراحة يعني اوي بامانة <3

انا اتربيت علي التقاليد القديمة زي ماقولتلك. يعني كنت بحفظ القران الكريم. كان الهدف الاسمي اني احفظ القران الكريم دونا عن اي شيء تاني يعني. وجاتلي بعثة برا مصر لما كنت في نجع حمادي بس ابويا رفضها. وفي مسابقة برضو كسبتها وجاتلي بعثة الكويت امي رفضتها. في تالتة اعدادي جاتلي بعثة دراسات اسلامية للكويت مرة تالتة وامي رفضتها يعني. تربيتي كانت عادية مفيهاش جيم غير الالومنيوم في نجع حمادي كنت بلعب كورة. ونادي تاني كده مش فاكره كنت بتدرب فيه كاراتيه. بالعكس انا لما كنت في نجع حمادي كنت كسول جدا مكنتش رياضي غير للنوادي بس. مكنتش بنزل الشوارع يعني كانت حياتي كلها رفاهية مطلقة و بالعربية. الحضانة والمدرسة كانت عربية بتوديني وتجيبني. النادي والالومنيوم عربية توديني وتجيبني. الشيخ كان بيجيلي البيت. والدروس كانت في البيت. عشان كده نجع حمادي دي وناسها في القلب يعني. انضف ايامي شوفتها هناك. فيما يخص جسمي فانا genetically كده. انا من صغري قوي بدنيا وسريع يعني او خفيف حتي لما كنت بلعب كورة مع الاولاد في النادي. دي حاجة in the blood يعني. حتي في بداية تشكيلي العضلي كان سريع وكثيف بدون دهون. جسمي كان -ولايزال علي فكرة- اغلبه عضلات وميه وعضم. الدهون قليلة جدا مفيش غير عضلات بس.

View more

مؤخرا انت اتكلمت كتير عن انسانه في دماغك وده اول مرة يحصل تقريبا انت قريب من علاقة ولا ايه قدام؟ D:

هي التفاصيل الي زي دي متخصكش يعني.

يعني ايه 24/7 الي قلتها دي؟

يعني قاعد بتعمل في نفس الحاجة وقت طويل من غير ماحتي تريح في النص. الفراغ فاشخك يعني.

ليه بعدت عن السوشيال ميديا؟

هو انا مكنتش مشهور يعني .. وانطباعي عن نفسي اني شخص عادي دي من الصغر. بالتالي ابعد او اقرب دي مش big deal يعني. لانه ناس كتير سالت وقالت ليه مكملتش ده مش عارف كان هيبقالك مستقبل في ال screenwrite ومش عارف ايه والكلام ده. هو بصرف النظر ان الكتابة مش من هواياتي يعني. انا شايف انه ارقي استثمار هو التعليم. دي مفيهاش نقاش او حتي جدال. انا واحد ربنا كرمني بتعليم كويس. ليه اركز في حاجات تانية يعني؟ وحتي لو كانت cool بقي وبتشهر وبتجيب ملايين الجنيهات زي السكرين رايت او غيره فانا شايف ان السوشيال ميديا هلس في هلس. وفراغ في فراغ. ازمة زي كورونا عرفتكوا ايه قيمة العلم والاطباء. زلزال 92 في مصر او تسونامي توهوكو شرق اليابان عرف العالم اهمية الهندسة. يبقي انت بقي ليه تحود وتشتغل في حاجات اقل اهمية يعني الا لو انت ظروف الحياة اضطرتك لكده. ولما اقول اضطرتك لكده ببقي قاصد الاضطرار الي هو لما تتفحت بجد. مش لما تسمع اغنيتين من عمرو دياب وتعيط بالليل من اول مصيبة زي الجيل الجديد ده. وحتي لو اتفحتت في الحياة .. لو انت عندك عزيمة واصرار تركز في التعليم هتركز في التعليم وهتنجح. طبعا فيه ظروف بتبعدك عنه انا مش بنكر كده. وقتها بقي تركز في الوظايف دي لما تضيع فرصة التعليم منك .. سواء تغني راب او تراب او تعمل مزيكا حتي. تبقي bodybuilder او لاعب كرة قدم. وغيره يعني. هو ده الجمال في الحوار او السيناريو الوحيد المقبول. غير كده هلس الجيل الجديد الخريان ده. والكلام ده قلته من قبل ماسيب السوشيال ميديا واختفي يعني بالمناسبة. لو عايز نصيحة من اخوك بجد اعمل زي مانا وغير كتير عملوا واهتموا بتعليمهم. تحط رجلك في الكلية بقي وتصيع براحتك زي ماحنا بنصيع كده. اسمك ليك مستقبل واسم يعني مهما حصل. او قيمة في المجتمع. غير كده ده شغل هجص حتي ال outcome بتاع الجيل الجديد ده في المزيكا او السكرين رايت او حتي الافلام والمسلسلات زي الزفت .. حرفيا زفت يعني مفيش اي حاجة مثيرة للانتباه او تخليك حتي تسمع ده ايه. حاجة كارثة بكل المقاييس يعني قرف مابعده قرف.

View more

ايه هدفك الاسمي في الحياة وجاوب علي السؤال ده متفتهوش

اني ابقي مبسوط .. انام واصحي ودماغي مفيهاش تفكير كتير. ناجح في شغلي .. متجوز الانسانة الي في دماغي. وهكذا .. واكيد يعني محاط بناس بيحبوني وبيثقوا فيا يعني. ودي نقطة مهمة جدا وبكررها كتير لانه فيه ناس انت لما تبقي محبط وفي اخر احوالك خالص هما بيهتموا بيك. دول انا مش بستغني عنهم يعني مهما حصل.

يسطا انا مبشتمش غير اللي بحبهم وبعدين ماتجاوب عندك كسم الحيضنة

الله يسامحك ياشريكو ياعطلان .. انا مش هجاوب غير عشانك ياصاحبي. ولو علي السوشيال ميديا فانت عارف انه عدت عليا فترة كنت مضغوط عصبيا ونفسيا من سنتين تلاتة مستمرين ورا بعض. مكنتش حتي بقابل الناس في الكلية. ولا بفتح شات ولا واتس ولا حتي ليا نفس اخرج زي ماقولتلك ياصاحبي. يدوب الواحد بيروح يشوف ضغوط وهموم الدنيا دي ويعمل اي حاجة في كليته وخلص اليوم بقي كل سنة وانت طيب.

طب ليه طالما انت بسيط كنت بتقول علي هزارك بضان او انك متكبر سعات

ماهو رضا الناس غاية لا تدرك يعني .. انا قولت الكلمتين وبكل صفاء نية وصدق. انت بقي راجل محترم ومصدق. فيه غيرك انا مهما عملت مش هقنعه. ولو كان من الفلاحين بقي او بيكرهك فهي ليلة سودا يعني. ونظرا لان اغلب المصريين بيكرهوا اكتر مابيحبوا النجاح او حتي بيكرهوا السعادة لبعض فهو ميتين ابوكوا كلكم يعني. اه انا متكبر وبضين .. والي مش عاجبه يحط ايده في حتة كلكوا عارفينها فين يعني مفيش داعي اذكرها.

انت شايف نفسك ايه؟ مش بقصد الاساءة خالص والله بس انا عايز اعرف انطباعك عن نفسك لما كنت معروف زمان وحتي لما بعدت عن الميديا وكده عايز اعرف ايه في دماغك عنك او حتي لما تبص للمرايه بتفتكر ايه عن اسمك ونفسك

شخص عادي زيه زي الناس .. متواضع. وبسيط زي ماهو يعني. مطالب بالسعي في الدنيا. وبس كده. طول مافي دماغك انك شخص بسيط ومطالب بالسعي والعمل هتلاقي سقف طموحاتك بيعلي .. وهتلاقي حياتك في تطور مستمر يعني. مش شرط علي النسق التعليمي بس. ممكن في حياتك. شغلك. give more and expect less يعني. وخليك انسان متسامح مع الي يستحق وكويس من جوا. هوا ده الي في دماغي عن نفسي او الانطباع الي انا واخده عني يعني. المعادلة بسيطة جدا مش اكتر. ومتخلطش التواضع بالتهاون يعني. ناس كتير بتربط البساطة بالعفن او انك تبقي معفن ولابس قديم وكده .. بالعكس الاتنين ملهمش علاقة ببعض خالص. انا بعشق نفسي وبحب ادلعها لابعد الحدود. عطور .. عضلات .. لبس من انضف الماركات. طول مانا عايش بحب ادلع نفسي يعني. والوسخ متعبرهوش .. لو لقيته بيزودها تف عليه. بس كده.

انا حاسس انك بعد الترم الاول من اولي طب اتغيرت خالص عن الاول صح ولا لا؟

هو انا كل ما ببص لشخصيتي زمان بحس بتغيير يعني. لما اقعد مع نفسي وافتكر كانت دماغي عاملة ازاي او تفكيري كان عامل ازاي مثلا في 2015 او 2016 او حتي 2018 بضحك حبتين يعني. بديهي وقتها كنت شخصية حلوة بالنسبة لناس كتير بالذات فترتي علي السوشيال ميديا سواء 2014 او 2013 وغيره. بس انا عن نفسي شايف انه استحاله افكر بنفس التفكير او اطبق نفس الاسلوب الي كنت بطبقه وانا في اولي جامعة يعني. هو اكيد ال principles مش هتتغير. زي اني مش بحب امشي ورا بنات مثلا غير اني احب بنت واحدة. مبحبش ابقي 24/7 علي السوشيال ميديا يعني .. هادي ومش بتكلم كتير. الحاجات دي من الصغر نشأنا عليها. بس اكيد فيه افكار وحاجات اتغيرت يعني. بالتالي الاجابة علي سؤالك هي انه انا كحارس يعني كل فترة بتغير. سواء مواقف او ظروف نظرا لاني كنت في فترة مضغوط شخصيا من سنتين او تلاتة. او حتي طبيعة الحياة .. اكيد وانا طالب غير وانا طبيب غير وانا متجوز غير وانا اب ومعايا اطفال يعني. وهكذا بقي عيش.

View more

بتنزل جيم من كام سنة؟

تقريبا ست او خمس سنين يعني. بس بداية التشكيل العضلي الصح من اربعة بالضبط. بيبقي فيه downturns اكيد يعني. بس بنحاول ن fit in علي قد ماقدر. زي مانتوا عارفين انا طالب في كلية طب بشري يعني .. بالتالي صعب يبقي عندك وقت غير للدراسة والسكاشن والجامعة. وكمان جامعة جنوب الوادي .. المشوار بقي لوحده من البيت للجامعة كفيل قعدك سنتين في السرير.

بتعمل ايه في وقت فراغك ده بصرف النظرعن الجيم يعني

السؤال ده برغم اني بتسأله كتير الا انه هادف يعني ومش بعرف اعديه الحقيقة. فيما يخص وقت فراغي فانا بقرا كتب. طبعا ممكن يكون غريب عليكوا كده بس انا بقرا كتير جدا يعني. اعتقد قولت قبل كده ان البداية كانت مع مجلة ناشيونال جيوجرافيك .. وكنت بحب الصور الي فيها وريحتها وهي جديدة. ريحتها كانت حلوة بصراحة يعني انا بحب ريحة الكتاب وهو لسه جديد في ايدك كده ومتسألنيش ليه. الكتب طبعا فيه كتاب كتير بحب اعمالهم يعني ابرزهم احمد توفيق. القراية هي الي كونت شخصيتي الحقيقة الي قدامك دي سواء هدوء او ثقافة او غيره يعني ودي حاجة من ايام ماكنت في نجع حمادي .. ايام ماكنت طفل يعني. بالتالي اي شخص عايز مني نصيحة هي انه يقرا كتير. علي الاقل مش هتبقي تافه علي السوشيال ميديا يعني وتصدعنا بتريندات مقرفة.
1
Liked by: Ziad Adel

مش بتحط صورتك ليه ياعم حتي وشك وملامحك كيوت جدا <3

مينفعش عشان ممكن تحصل فتنة بين بنات المسلمين من جمالي. كفاية عليهم صورة الفيسبوك والكوفر لما كنت في راس البر.

مشروبك المفضل؟

طبعا كلكوا عارفين اني بحب البن يعني .. بعد البن بقي بحب القرفة بالتفاح. هو البن يعتبر طقس من طقوسي اليومية يعني اصبح شبه ضرورة اكتر منه مشروب مفضل يعني. المفضل بقي بجد والي ببقي مبسوط وانا بعمله او بشربه هو القرفة بالتفاح ده. حرفيا يعني المشروب ده جميل جدا وفي ظل الظروف الحالية دي ببقي سعيد يعني وانا حتي بجيب اعواد القرفة مش بقلك وانا بعمله يعني.

هو دعمه ألي بعد الفجر وحسستني انه هيبقي فيه لايف انا جبت الفشار ومستنيك

مش فاهم حاجة .. بس لو تقصد علي الاسئلة فانا مكسل حاليا يعني عشان قاعد علي الموبايل في الشحن. ومكسل أقوم اشغل اللابتوب بصراحة. ده غير ان البن خلص من البيت. بالتالي فكك مني دلوقتي.

مش عايز تجاوب ليه ياعم

لما يبقالي مزاج او الاقي وقت فاضي. اهم حاجة بس اسئلوا حبة اسئلة كويسة. بلاش تكرار اسئلة الاغاني والسوشيال ميديا والكلام ده.

-

CSA_654’s Profile PhotoHaris
فيما يخص اسئلتكم ياجدعان بقي .. ممكن بالشكل ده لو معاكوا استفسارات كتيرة اوي سواء عني او عن السوشيال ميديا بصفة عامة او اي حاجة في اي حاجة يعني زي مابتبعتوا. انا معنديش اي مشكلة ارد عليكوا كلكوا واحد واحد. بس تجمعوها كده وفي وقت معين زي مثلا بعد الفجر او اي وقت اكون انا مروق بالي فيه ونرد عليكوا مفيش مشكلة خالص يعني.

Next

Language: English

4.1

1,266,418 reviews
© Ask.fm 2024