@CSA_654

Haris

Ask me anything Follow
Ask @CSA_654

Sort by:

LatestTop

Previous

روتينك اليومي ماشي ازاي ياحارس؟

انا بصحي من النوم .. بتوضأ وبصلي وبغسل سناني. بعدها بقي بطلع بفطر واشرب قهوة. في الغالب باخدها معايا الحمام يعني .. الناس القريبة مني من زمان هتعرف اني بحب الحمام. افكاري كلها بتطلع هناك سواء تخطيط للمستقبل او غيره يعني زي ناس كتير علي فكرة شايفة كده معايا يعني. بعدها بقي بستحمي .. الاستحمام في حياتي بالمياه الباردة. سواء صيف او شتا. مش بستحمي بمياه سخنة خالص. بعدها بطلع الجامعة او اي حاجة وبرجع. لو طلعت الجامعة مش بروح الجيم. لو مطلعتش بروح وبرجع. بتغدي .. بشوف ورايا ايه. اسمع فيلم او مسلسل وبنام. بس كده.
+3 answers Read more

ليه بطلت تجري في الكورنيش واشمعنا بتجري هناك؟

فيما يخص الجزء الاول من السؤال فيه حاجة اسمها كورونا يعني .. دي نقطة. النقطة التانية بقي وهي الاهم ان الناس بنت وسخة يعني معندهاش الثقافة دي. لو الناس شافتك بتجري في الشارع هتضحك عليك .. وممكن تلاقي كام بنت اتمسخرت عليك كمان. بالتالي الكورنيش حتة فاضية. ده غير انه الوقت بيبقي بعد الفجر يعني الساعة 4 مثلا او خمسة بكون لسه صاحي. بالتالي البلد كلها بيبقي مفيهاش حد يعني. في ظل الحجر ده الدنيا كلها ملخبطة سواء نوم او اكل او اي حاجة. بالتالي مينفعش اعمل حاجة خالص يعني.

Related users

MostafaFarse’s Profile Photo Mostafa Farse
zeadadel’s Profile Photo Ziad Adel

الرجالة من وجهة نظرك كلهم نسوانجية ولا ايه؟

هو الجيل الجديد كله وسخ يعني .. بس الفكرة فكرة معايير مش اكتر. يعني الي بتقول ان الرجالة كلهم نسوانجية هي مشافتش في حياتها غير النسوانجية. وفيه مثل شهير عمره ما اخطأ بالمناسبة بيقول ان الطيور علي اشكالها تقع. يعني هي اكيد بنسبة كبيرة بنت مش مظبوطة. والعكس بالنسبة للرجالة لما يقول البنات كلهم كذا كذا. الحركات دي لعب عيال يعني المفروض الناس كبرت عليها. زي مافيه الوحش فيه الكويس .. بس انت الي بتختار يعني. هو بس الجيل الي مايعلم بيه غير ربنا ده معاييره بايظة يعني. حتي لو قعدت في حالك هتلاقي ناس عايزه ترخم عليك حبتين.

ياشريكو اوعي تفتكر الي قالتلك عايزه اتصور معاك دي بنت انا بشتغلك فيها كسم الخولنة

هو بصفة عامة انا عارف انه اشتغالات يعني .. وبعدين انا مش بكلم حد علي السوشيال ميديا ده بجد مش بهزر والله. الناس اخرها معايا الاسك ده و anonymous وبس. اعتقد انت عارف المعلومة دي ايها الشريك.

عايز اعرف افضل اللاعبين في مراكزهم بالنسبالك فالكورة او الي انت بتحبهم من جيلك يعني

مش فاهم السؤال كويس اوي يعني. بس لو علي ايامي فهو الموضوع هيبقي غريب شوية.
2

ليه مش بتحط ايموجيز في كلامك علي السوشيال ميديا؟

هو الحوار من زمان يعني .. الفكرة فكرة انه لما كنت صغير مكانش معايا سمارت فون كويس. بالتالي مكنتش بستخدمه غير للمكالمات وبس. واخويا الكبير كان معاه سمارت فون كويس ولابتوب. فكان بيقعد علي الموبايل وبيهمل اللابتوب بتاعه. فكنت انا بستخدمه. الكلام ده كان في 2012 او 2013 تقريبا. وقتها بقي الفيسبوك علي اللابتوب مكانش فيه اوبشن انك تحط الايموجيز دي. بالتالي كنت بكتب علي كده. زي الستايل ده الي انت شايفه. الي هو قديم فشخ متغيرش بالمناسبة يعني .. ستايلي فريد ومن اول نظرة ممكن تعرفه عشان كده ناس كتير ممكن تقلده لو حبت تحطني في مصيبة يعني لاقدر الله ولا حاجة. بالتالي بقي انا لقيت نفسي مينفعش احيد عن الستايل ده. ولو حطيت ايموجي في اخر الكلام الموضوع هيبقي غريب جدا بالنسبة لبعض الناس. يعني لو انت قولتلي ازيك. وانا جاوبت وقولت الحمدلله 😂. بالمنظر ده الناس هتفتكر انه فيه حاجة غلط او اني بلقح كلام يعني. الفكرة فكرة انه خلاص الناس اتعودت علي ستايلي ده هو وتكشيرة وشي والحاجات دي انا مولود بيهم يعني مش هغيرهم. زي بالضبط لما تبقي فانبوي لريال مدريد. لو قلبت علي برشلونة محدش من الجمهورين هيحبك. هتبقي شخص awkward كده في الدنيا. هي حاجة زي كده بالضبط يعني. انا اتحطيت في صورة معينة يبقي خلاص هكمل عليها. واكتر حاجة انا كحارس بكرهها في حياتي يعني اني ابقي في image معينة عشان الناس ترضي عني يعني. انا مستعد اخسر الناس كلها ويصفوا علي اتنين في مقابل اني ابقي محتفظ بستايلي وشخصيتي يعني زي ماهما.

View more

+1 answer Read more

ليه بعدت عن السوشيال ميديا كده

انا عايزك تعرف انه انا كحارس بني ادم عادي .. يعني ايه بقي بني ادم عادي. يعني بيتبضن مع مرور الوقت. وبشتم وبسب وكده. الفكرة بس انه انا مش بقعد علي السوشيال ميديا غير وانا رايق. يعني لما يبقي بالي كويس وفاضي بقعد عليها. والحمدلله بعدت عنها زمان والشهرة والحوارات دي. متيجوش بقي تبضنوا عليا وتكرروا الاسئلة كتير. لو انا شوفتك في الشارع حرفيا هقلعك هدومك يعني او هفشخك يعني. بطل بقي تكرر الاسئلة. او لو انت مهتم بيا اوي من زمان اسكرول داون بقي ومع نفسك عيش. لكن تكرر السؤال سبعين الف مرة عيب والله.

ليه فيه ناس كتير بتكرهك لما تتكلم يعني انا بشوف ناس كتير في الدفعة بتتكلم في الدين وبتتشبحن ع الفاضي والمليان والناس بيعرصولهم عادي اما انت بيتضايقو وكلامك في الغالب بيبقي صح

اسألهم هما متسألنيش انا .. وبالمناسبة انا ميفرقش معايا حد يعني. انا شخص بيركز في ضغوط حياته. وخلص منها الحمد لله .. يبقي سيبونا بقي نركز ونشوف امور حياتنا بسلام يعني.

انا بسمع ان دكاترتك كلهم مسيحيين صح الكلام ده ولا انت الي بتهزره؟

انا مش عارف مين الي مستلمني اسئلة زي دي بصراحة يعني .. بس انت مش فاهم كلامي كويس. انا مش بشتم في المسيحيين كلهم. انا مش هستفيد حاجة من ورا كده. هما فيهم ناس بيطبلوا لبعض وفيهم الكويس عادي يعني. اما عن الدكاترة الي بروحهلم فهما في الاغلب مسيحيين فعلا. ودي whole different point. حاول انت بس متبقاش انسان لزج يعني
+1 answer Read more

اشمعنا بتحب تقرا لاحمد توفيق

انا مش مدمن عليه يعني .. بس هو في المجمل كاتب كويس.

نصايح للدايت في رمضان؟

اكتب في جوجل وعيش مع نفسك .. انا معنديش طاقة للاجابة حاليا.

ايه رأيك في حوار حنين حسام ده

ربنا يصلح حالنا وحال العباد جميعا .. انا معرفش عنها حاجة ومش عايز اعرف يعني. بالتالي الحاجة الي مليش فيها مش هتكلم فيها.

ابعتلي سكرين شوت لحاجات الجيم الي كنت كاتبها ف انسر تحت

صدقني انا مش باخد سكرين شوتس علي الموبايل يعني لاي سبب .. انزل دور عليها بنفسك. وممكن يكون الاسك حذفها يعني انت وحظك.

لحظات الاكتئاب الي بتمر بيها في حياتك بتعديها ازاي

هو ظروف حياتي بتفرض عليا الاكتئاب ده .. في فترات معينة يعني مش دايما. المشكلة انه انا مقدرش احكيها. الفكرة في الحاجات النفسية دي جملة واحدة وهي talking heals. بمجرد ماتحكي المشكلة من قبل حتي ماتدخل في خطوات لحلها ده تخفيف ليك عنها يعني. الكبت في النفس ده وحش خالص. تلاقي واحد سواء حبيبتك او مراتك او صحبك او ايا كان يعني وتحكيله. شرط انك تثق فيه يعني وهكذا. الفكرة فكرة متكبتش في نفسك شيء مهما كان الشيء ده. ومع مرور الوقت الحياة في مصر بتاخدك وتلهيك يعني عن اي حاجة كانت حلوة او وحشة. انا عن نفسي بعد اولي طب بقيت مختلف تماما عن قبلها. نظرتي للناس .. التعامل. حتي بعض الناس قيمتهم زادت وبعضها قيمتهم قل. الفكرة فكرة انك متعملش الغلط الي كنت بعمله وانا في ثانوي. كنت فاكر انه انا الكل في الكل فيما يخص حياتي. يعني انا معروف بالتشدد في وجهة نظري. متشدد لابعد الحدود مبحبش اي حد يعدل عليها الا انا. لو طلعت صح وده غالبا ما بيحصل اتس فاين. لو غلط انا بنفسي الي اصحح مساره. ومازلت علي نفس المنوال مغيرتهوش. بس ظروف حياتي فرضت عليا انعزل عن الناس واركز في نفسي اكتر واكتر. ودي حاجة انا حتي الان بفتخر بيها يعني واي حد بيشوفني لاول مرة بياخد الانطباع ده .. انه عندي عزة نفس او كبرياء عالي. بس الناس فاهمة المصطلحات غلط خالص يعني عشان نبقي واضحين. الكبر ملهوش دعوة بعزة النفس. الفكرة فكرة ان الجماعة حلوة. امشي مع ناس .. ارتبط بواحدة واحكيلها. متبقاش بعيد زي مانا عملت. طبعا هي تجربتي كان ليها مزايا اكتر من عيوب بمراحل. التعامل مع الناس في مصر حاجة shitty يعني. بجد حاجة مقرفة ومتعبة. بس الرسول نفسه فيه حديث ليه بيقول ان تخالط الناس وتصبر علي اذاهم خير من ان تعتزلهم. ده مضمونه يعني. فالفكرة فكرة ان التعامل لابد منه. وان كان بنفاق زي ماحنا في مصر بانيين التعامل علي مبدأ التطبيل والنفاق يعني. انت معندش اختيار تاني. ومتنخدعش اوي بالشلل. يعني اللمة بنسبة 90% كدابة جدا. مش عشان شايف الناس في شلل يبقي بيحبوا بعض وفي ضهر بعض وبتاع. بالعكس غالبا مابيبقوا بيكرهوا بعض بس لازم قدام الناس نتبان في صورة كويسة. مش بقول كلهم بيكرهوا بعض .. بس الغالبية العظمي يعني. حاول علي قد ماتقدر تبقي self-dependent زي مانا من صغري نشأت. بس طبعا لازم يبقالك حبيبة او صديق كده يعني. يعني حياتي دي والي حصل فيها انا مخترتهوش خالص .. انا اكتر حاجة في حياتي بحبها هي سيبها علي الله. يعني ايماني الكامل بيكمن في ان القدر هو الي بيسوق الانسان. العكس مش صح. طبعا شرط انك تعمل كل الي عليك وبصورة كويسة يعني. حياتي مخترتهاش .. بس it's what it is يعني. وعن نفسي مش ندمان ولا عايز ارجع بالزمن لورا. سيبها علي الله.

View more

1
Liked by: Mostafa Farse

مش عارفة انت ليه بعيد عن البنات كده ومش بترضي تضيف ولا تكلم اي واحدة!!

بدون هزار والله او اي حاجة .. انا شخصيتي كده. التعامل بحدود. يعني علي السوشيال ميديا اخركم معايا الاسك ده تسألوني anonymously وبس. واهو ممكن بعض البشر يستفيد. لربما مثلا حد كان حابب يمشي علي دايت كيتو او اتكينز او حتي حد حب ينصب عليه جايز يكون انا قدام هعيق العملية دي. في الدفعة التعامل بحدود برضو. واهم ناس جميلة ومحترمة يعني مفيش مشاكل. الحدود دي مش معناها تضربي تعظيم سلام ولا تخاف مني والهبل ده .. بالعكس معناها تلتزم المصلحة الي بينا والتعامل يكون باحترام. وشكرا علي كده مش اكتر. وبعدين القمر بتاعي بس هو الي يهزر معايا .. نفترض دلوقتي شافت الكلام ده واتضايقت. انا اروح فين ياجدعان اخوكم عايز يستقر خلاص. شغل ابص لاكتر من واحدة ده مليش فيه يعني.
1
Liked by: Mostafa Farse

ياخرابي على الكلام الحلو الي هيطلع قلبي لبره يجيلك طيران ويحضنك ????

بطل محن يلا .. كده كده انا عارف انت مين ولو جيتلك هزعلك ياصاحبي. D:
1
Liked by: Mostafa Farse

Next

Language: English

4.1

1,266,418 reviews
© Ask.fm 2024