@CSA_654

Haris

Ask me anything Follow
Ask @CSA_654

Sort by:

LatestTop

Previous

بتاعك طوله كام وعرضه كام؟

مينفعش ياصحبي اشير حاجات زي دي انت عارف دوك حارس محترم قد ايه يعني .. وبصرف النظر عن كده المعجبات بتوعي هيتخضوا لو عرفوا حاجة عن Haris Jr. ياما ستات خافت من رجالة بسبب العنف الجنسي الزايد.
+6 answers Read more

يسطا انت عنيف فشخ والله حاول تهدي من اعصابك في التعامل هتسيحلك دم واحد قدام

لا انا مش عنيف ولا باد بوي حتي .. الفكرة كلها اني مش بحب النفاق يعني. ونظرا لان الكلية مبنية علي النفاق طبيعي اشكال تيجي تصطدم معايا. بس بعدين بيستخبوا مني ورا الناس -حرفيا- مش عارف ليه. بس انا حرفيا يعني عمري مامديت ايدي علي حد في حياتي. غير واحد لما كنت في تالتة اعدادي .. ساعتها كنت الاول علي محافظة. جالي واحد استفذني وضربته ضرب لغاية مابكي بدموعه. من وقتها وانا معروف عني العصبية يعني.
+4 answers Read more

Related users

MostafaFarse’s Profile Photo Mostafa Farse
zeadadel’s Profile Photo Ziad Adel

كوبليه من اغنيه ??

واخداني ع ال هادي .. وجمالها مش عادي. دمدمدمدم

ميبانش عليك انك بتقرا يعني انا ادي شخصيتك انها سوشياليست اكتر منها شخثية بتقرا D:

هو انا مش بزيط يعني وخلاص .. لو انا بعمل حاجة فانا بعملها لنفسي مش بعملها عشان اتصور بالكتب وانزلها علي الفيسبوك والناس بقي تعرف اني بقرا وبنام وسط الكتب وهكذا. الفكرة فكرة اني بعمل في صمت يعني او بمارس الي انا عايزه وانا ساكت مش اكتر. وفيما يخص شخصيتي كسوشياليست فانا معتقدش انك فاهم يعني ايه سوشياليست كويس او واخدها من منظور تاني .. بس في نطاق سؤالك انا بكره السوشيال ميديا فشخ يعني.
+1 answer in: “طب انت بتقرا الكتب علي اساس ايه”

طب انت بتقرا الكتب علي اساس ايه

هو مبدأيا كده القراية دي زي الرياضة زيها زي كأنك بتغسل سنانك بالظبط. الحاجات دي اساسية في الحياة يعني. بس فكرة انك تبني اساس علي رأي واحد تاني دي فكرة مش لذيذة اوي الا لو انت في بداية الطريق. يعني مثلا الناس كلها مكتأبة دلوقتي .. فانت تشوفلك اي كتاب ظلام مرئي او الحزن الخبيث ل وليام ستايرون ولويس ولبرت علي الترتيب. الكتب دي بتتكلم عن تحليل الكابة وازاي تعرف تتعامل مع البني الادم الكأيب عموما. وهكذا انت من منظورك الشخصي شوف ايه الي بيحصل حواليك وقيم علي اساسه.
+1 answer Read more

يسطا انت زمان زهقت من اللايكس والشهرة فروحت استخبيت بعدت عن ده كله ودلوقتي بتشتكي من الوحدة عشان مفيش لايكات كتير عندك D:

اه شوفت بقي الدنيا ضيقة ازاي

ايه رأيك في دودة كتب

مش متابعها الحقيقة علي الرغم ان تشانيل اليوتيوب بتاعتها بلاقيها في وشي كتير.

طالما بتكره كده بتعمل كده ليه يعني مانت بتلف حوالين نفسك اهو D":

دلوقتي لو واحد صحبك طلب منك طلب .. وهو عارف انك انت تقدر تلبيه او تقدر تنفذله الطلب ده. وانت مرديتش عليه شكلك هيبقي ايه قدامه؟ حط نفسك مكاني يعني .. انا واقف اهو وجالي واحد قلي ايه رأيك في المكمل كذا او الجيم كذا. لو انا مرديتش وقلت معرفش هيتضايق مني. بالمثل في بوستات الفيسبوك دي. وده واحد بس .. مابالك لو كانوا جماعة اصحابك يعني وكتار مش واحد اكيد هتعمل الي انا عملته يعني.
+3 answers in: “يعني انت مش بتحب الي بيحصل ده امل سعات بحسك بتعمله ليه”

لا سعات بوستاتك بتبقي غريبة وطويلة زيادة عن اللزوم D:

انا بكره كده فشخ علي فكرة ودايما مابحذف البوستات الي من النوع ده. بس سعات فيه ناس انتوا متعرفوهاش بتطلب مني حاجة زي كده .. وفيه اسئلة كتير بتجيني هنا ومش برد عليها يعني behind the scenes فيه حاجات انت متعرفهاش بتخليني اتكلم عن كده. انا الحقيقة بتخنق لانه فيه جوجل يعني .. هيفيد اي حد اكتر مني. انا اصلا معلوماتي دي جايبها منه. يبقي انت تتعب بقي علي نفسك وتجيبهم مفيش ضرورة تسألني انا.
+3 answers in: “يعني انت مش بتحب الي بيحصل ده امل سعات بحسك بتعمله ليه”

تقصد ايه بعمق السوشيال ميديا

فيه عيال كده بتلاقيها بتتصور في الضلمة .. وتقعد تصور جانب وشها مش وشها كله. ممكن يهري في الاديان برضو وحاجة تسول كده. برضو بعض البشر احيانا بيعارض وخلاص يعني وبيقول مصطلحات مش فاهمها اصلا زي مغالطات .. اسقاط ويرمي كلام بيهم علي غيره. هو بس شافها علي جوجل وبيكتبها يعني. العيال الي زي دي غالبا سنها صغير او معاشتش شبابها وبتعيشه دلوقتي. طبعا لازم يبقالك audience لان المصريين فلاحين مش بيفهموا كتير. او لما يشوفوا حاجة غريبة بيتعجبهم. وفيه ناس مش بيعجبها عادي يعني مش حوار.
+1 answer in: “انت عميق؟”

يعني انت مش بتحب الي بيحصل ده امل سعات بحسك بتعمله ليه

انا مش بعارض او بحزق وبس الحقيقة يعني .. انا سعات بقول الي شايفه. وطبعا زي ماحنا عارفين ان كلمة الحق بتزعل بالتالي لازم ناس تتضايق مني بس مش مهم يعني. الفكرة فكرة انك تتصرف علي طبيعتك مش اكتر وده صعب يحصل في الجامعة مع الفلاحين والعيال المتشردة الي بتيجي من القري دي. عشان تبقي محبوب لازم تطبل حبتين يعني. والفكرة دي انا رافضها.
+3 answers Read more

انت عميق؟

انا مش فاهم ايه العمق ده يعني الي ظهر مؤخرا علي السوشيال ميديا .. ماهو لو معني كده انك مثقف فاي شخص محترم وتعليمه عالي سواء دكتور او مهندس لازم يبقي مثقف. لو قصدهم مش تافه او تقيل فهو نفس الرد برضو اي حد في المنصب ده طبيعي يبقي كده. اما العمق بتاع السوشيال ميديا او العطل ده حاول تصرف نظرك عنه يعني .. بالذات العيال الي بتتكلم في الدين كتير وتقعد تعارض وخلاص. الاشكال دي فكك منها يعني هو مجرد مصطلح بيتقال وخلاص. لكن هما عطلانين في الواقع. فيما يخص شخصيتي فانا مش عميق لا .. انا فشيخ بس.
+1 answer Read more

هل يمكن للمرأة ان تغير طبع الرجل ؟

علي حسب التفاهم يصحبي.

ليه بتتضايق من السوشيال ميديا

الناس بدأت تحزق وتتكلم في حاجات كتير ملهاش لازمة .. يعني انا مثلا مش ببص علي حاجة اكتر من سطرين علي الفيسبوك. لو البوست فيه see more بدي لصاحبه بلوك. وهكذا يعني الواحد مش بيحب الصداع ووجهات النظر او وجع الدماغ

فترة الكورونا دي عاجباك؟

آه .. قاعد في البيت ومش بعمل حاجة غير النوم.

لآخر شخص أدخل السرور على قلبك ؟

طيب وبعدين بقي في الاسئلة دي؟ D:

Next

Language: English

4.1

1,266,418 reviews
© Ask.fm 2024