مبحبش اتكلم مع اى حد بلس اني مبحبش حد ياخد عليا يعني
انت بستغرب انت ازاي بقيت مشهور كده والله بجد حاجه عحيبة اوي بهدوئك ده وصمتك بقيت مشهور ازاي
انا مش مهتم بالحوار ده .. كل الى بهتم بيه شخصيتي الخاصة ومتتغيرش عشان حد. سواء كنت مشهور او لا ده شيء انا شخصيا مش بجري وراه لاني مبحبش العامة تتلم حواليا. ببساطة زي ما يعظموك بسرعة هيرموك بسرعة .. ولذلك محدش بيهمني يعني طالما مبضرش حد، وطالما محدش بيضرني ان كان بيعمل اقذر الافعال انا مش هتكلم برضو، لاني مؤمن بالحوار ده. بلس اني عارف اني معظم الاشكال دي تافهة يعني من غير حتي ما اتعرف عليهم .. اكيد فيه الكويس طبعا بس انا مش عايز ادور. والسمعة مش هتكدب. اوفراول يعني انا مش مهتم بالحوار وشخصيتي هتبقي ثابتة
يعني العيال المشهورة ف قنا كلهم اشكال ملهاش لازمة تشد عليا سيفون مش عارف انا ايه الى بيحصل يعني كل حتة كدا
كل الى تحاول تحطه فى دماغك : الصح والغلط. الصح اه .. والغلط لا، حياتك هتبقي كويسة. ومتضحكش على نفسك يعني
ليه الناس كلها بتحب تبقي زي كده ؟ التكلف والكدب فى الحوارات والسوشيال ميديا كلها كدب وشخصيات مشهورة مصطنعة
معظم الناس بتحب تبقي زي كده عشان معظم الناس ملهاش رأي خاص بيها او مبتحبش يبقالها شخصية خاصة لوحدها .. كله بيحب يقلد غيره محدش بيحب يكون شخصيته بنفسه ولاسيما ان الطيور على اشكالها تقع
يعني انا عشان ابقي مشهور دلوقتي اروح ابعت اد لاى حد او اطلع حوارات على اى حد وبقت خلاص؟!
مش مشكلة .. تأقلم عليها الاشكال دي وحاول متخليهاش تأثر عليك